Jeremiya 2:20 - Bhibhiliya Nya Guage

²⁰ Gukhugela gale, nyi fanyide kanga wago, nyi kavilela dzitshinga dzi nga bani dzi gu hungide, uwe u di ganela, khuwe: “Gima kha nyi na ghoha gambe aholu u di noga musigomoni satshavbo nya gulaphe, ni vbavbatshi nya misimbo yatshavbo nya gunyuge, u gira wuphuphulu.”

Jeremiya 2:20 Iomraidhean Croise

1 Dzipfhumu 12:32

A gira buzo khu litshigu nya likhumi na livbandre khu ngima nya livbandre na wuraru, nya gufanane ni buzo wu nga bani wu girwago tigoni ga Judha, a ningela miphaso vbagiluvelotunu. A di gira isoso tigoni ga Bheteli, avbo a nga phaselago simombyana a nga bani na si giride. A emisa gambe vaphasi nya mhamba umo nya siluvelo saye nya vanungungulu nya malipha.

1 Dzipfhumu 14:23

Kholu avo navo, va di vbaha siluvelo malangani nya sigomo, ni gifananiso gya Asitaroti musigomoni gwatshavbo ni vbavbatshi nya misimbo yatshavbo nya gunyuge.

Dzindzimo 107:14

A di va dusa gidemani ni mwedzini nya lufu, a gu kavilela makhetshe yawe.

Dzindzimo 2:3

Hi na kavilele makhetshe a hi hungidego khayo.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Ekisodha 19:8

Vathu vatshavbo va di hakha khu gumogo, khavo: “Satshavbo esi Pfhumu Nungungulu a ganedego, ethu hi na si thuma.” Mosi a di ya bikela ga Pfhumu Nungungulu magana ya vathu.

Ekisodha 24:3

Mosi a di wuya a ta embeledzela vathu magana yatshavbo a nga ganelago Pfhumu Nungungulu, ni sileletelo satshavbo; vathu va di hakha khu lito limwedo, khavo: “Ethu hi na landrisa magana yatshavbo aya a ganedego Pfhumu Nungungulu.”

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Isaya 1:21

Wonani lidhoropa leli nya gutumbege, li vbindrugedzidego li khala libhemba! Umo gu nga bani na gu tade khu gululama, olu, gu tade khu sighevenga!

Isaya 10:27

Khu litshigu lolo, wu na duswa rwalo wu lemelago magatani gwago, ni kanga wu lemelago thamoni gwago, kanga wu na fanyeledzedwago khu kotani nya olu nyi gu todzidego khu mafura.

Isaya 14:25

Nyi na fanyeledzela Vaasiriya, va guromo tigoni gwangu, nyi va gandredzela khu migondro musigomoni gwangu, gasi va rula kanga va hungidego Israyeli, ni gu rula rwalo magatani gwaye.

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Jeremiya 13:27

Nyi wonide wubhayi ni manavelo yago, wuphuphulu wago nya guvbindre pimo wa musigomoni ni magabini; libango avbo gwago, uwe Jerusalema! Kala lini u si kodzi gu dzi agisa?

Jeremiya 17:2

Sanana sawe sa gu alakanya siluvelo sawe, ni umo nya sifananiso sa Asera, ni vbavbatshi nya misimbo nya gunyuge ni musigomoni.

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Jeremiya 30:8

Pfhumu Nungungulu nya Tshivba Yatshavbo, a ngu ganela, khuye: “Khu litshigu lolo, nyi na fanya kanga wu lemelago dzithamoni gwawe, nyi kavila ni dzingodzi dzakone; vathu vava gima kha va na nga khala gambe dzikhumbi dza va nya mayigo.”

Jeremiya 5:5

Nyi na hongola ga vathangeli nyi ya bhula navo; kholu avo va ngu yiti ndzila ya Pfhumu Nungungulu, ni nayo wa Nungungulu wawe; aholu avo vatshavbo va di fanyide kanga ni gu kavila dzitshinga.

Ezekiyeli 16:28

U bhayide gambe ni Vaasiriya, kholu u di si kodwi, kholu ambari nu dzi ningede wubhayini si di si gu eneleli.

Ezekiyeli 16:31

Avbo u nga bani u vbaha nyumba yago nya wubhayi mahandzakanyani gwatshavbo nya dzindzila, ni gu vega miphaso nya gunyenyeze mitandralani gwatshavbo, ina uwe khandri u di dzi gira nga maphuphulu ma gimbilago ma vbweta dzitsapawu, gani?

Ezekiyeli 16:41

Avo va na vbisa dzinyumba dzago khu nilo, va gu tsayisa nu gu wonwa khu vanyamayi nya vangi. Nyi na gu gira u vbedze wubhayi, u si engedzi gambe gurengelela sibhayi sago.

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Ezekiyeli 23:5

“Owolani a dzi bedzedzede wubhayini na nga gu nyi lumba; uye a di tala khu gu navela sibhayi saye a gu Vaasiriya, vaakelane vaye,

Hoseya 1:2

Guhegulani nya magana ya Pfhumu Nungungulu a nga phela gu ganela ga Hoseya, a di ganela, khuye: “Indra, u ya dzega nyamayi nya gibhayi a na gu velegela sanana nya wubhayi, kholu litigo li giride wubhayi, va ndreya ndzilani ga Pfhumu Nungungulu.”

Hoseya 2:5

Kholu a gumba si diga eni nyi na mu tshulela dzitshalu, nyi mu tshiya kha nga litshigu a velegidwego khilo, a fanana ni giwula, a vbindrugedza a khala mafu nya gihala, nyi mu songa khu lidora.

Hoseya 3:3

Nyi di mu embela, kheni: U na khala neni matshigu nya gulaphe, khu na nga khala gambe gibhayi khu gu lala ni mumbe mwama. Khu guralo, eni neni nyi na khala wago.

Hoseya 4:13

Va olovede guphasela dzitshokhani nya sigomo, va vbisa mabani musigomwanani, vbavbatshi nya misimbo nya miguhu, mikandzu ni mikanyi kholu mitsa yakone kyadi. Khu guralo sanana sanu nya vanyamahegyane si ngu khala maphuphulu, ni vagadzamwane vanu va ngu bhaya.

Hoseya 9:1

U nga tsaki uwe Israyeli, u bhuma, u ndragandraga, u fanana ni mambe mayigo, kholu u hambanide ni Nungungulu wago, khu gu dzi ningedzela wubhayini; u rengiside lihaladzo lago khu gu gira wuphuphulu musithalani gwatshavbo nya tirigu.

Levhi 26:13

Eni kheni Pfhumu Nungungulu wanu, nyi mi dusidego khu tigoni ga Egipito, gasi mu si simami gu khala dzikhumbi dzawe; nyi kavilede makhetshe nya kanga wanu, gasi mu gimbila na mu ololokide henu tshwi.

Nahume 1:13

Gasi olu, nyi na fanya kanga u wu rwadego magatani gwago nyi kavilela ni dzitshinga dzi gu hungidego.

Dhewuteronome 12:2

Mu naya khungumulela muphelo malanga yatshavbo va phaselago umo vanungungulu vawe vathu muya va fumelago: Vbatshani nya sigomo nya gulaphe ni sigomwana, ni vbavbatshi nya misimbo nya gunyuge;

Dhewuteronome 15:15

Alakanya gukhuwe u khade khumbi tigoni ga Egipito, umo Pfhumu Nungungulu wago, a gu dzegisidego; khu kharato, muhuno nyi ngu gu ninga nayo yoyu.

Dhewuteronome 26:17

Muhuno, u tiyiside gu khuwe, Pfhumu, khuye a gu Nungungulu wago, ni gu khuwe u na gimbila khu dzindzila dzaye, u vegedza sileletelo, sirumo ni milayo yaye, ni gu yingisa lito laye.

Dhewuteronome 4:20

Aholu Pfhumu Nungungulu a mi dzegide a mi dusa niloni nya guvbise wa Egipito, uwo wu nyiviligisago ni simbi gasi mu khala vathu nya thomba yaye, kha nga mu si wonago kala na muhuno.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Dhewuteronome 5:27

Hidzimela uwe u ya yingisa satshavbo iso a nga gu embelago Pfhumu Nungungulu wathu; gasi uwe u na hi embela satshavbo iso a na gu embelago Pfhumu Nungungulu wathu, hi na si yingisa bwelo hi si landrisa.

Josuwa 1:16

Avo va di hakha, khavo: “Hi na gira satshavbo esi u hi leletedego, ni gu hongola gwatshavbo umo u na gu hi rumelago.

Josuwa 24:24

Vathu va di embela Josuwa, khavo: “Pfhumu Nungungulu wathu, khuye basi hi yelago gu Mu khozela ni gu yingisa lito Laye.”

Josuwa 24:26

Josuwa a di lova magana yoyo umo nya Libhuku nya Nayo wa Nungungulu; a dzega giwindri nya gikhongolo a gi emisa vbavbatshi nya nguhu wu nga bani wu romo vbafuvbi ni Wulanga nya Guage wa Pfhumu Nungungulu.

Gutuledwa 17:1

Yi dita ngilozi mweyo nya dzile nya livbandre na dzimbili dzi nga bani dzi pharide livbandre na sivili sikombe, yita ganela ni eni, khiyo: “Delu eno, nyi gu nonedza gu lamudwa nya gibhayi gikhongolo gi khalago wubambe nya mati nya linene,

Valamuli 10:6

Khavbo avbo, va na Israyeli va di engedza gu gira ugo gu vivbidego mahoni ga Pfhumu Nungungulu ni gu khozela Vabhahali, ni Asitaroti, vanungungulu va Siriya, vanungungulu va Sidhoni, vanungungulu va Mowabhi, vanungungulu va sanana sa Amoni ni vanungungulu va Vafilisitiya. Kha nga olu va digidego Pfhumu Nungungulu va si mu khozeli,

Valamuli 2:11

Khavbo avbo, va na Israyeli va di gira guvivba mahoni ga Pfhumu Nungungulu, va khozela vanungungulu nya Vabhahali.

Valamuli 2:13

Va digide Pfhumu Nungungulu, va khozela Bhahali ni sifananiso sa Asitaroti.

1 Samuweli 12:10

Va di lila ga Pfhumu Nungungulu, khavo: “Hi ghohide, kholu hi nga diga Nungungulu hi ya khozela vanungungulu nya Vabhahali ni sifananiso sa Asitaroti (nungungulu nya nyamayi), gasi olu, hi vbulugise mandzani ga valala vathu, hi na ta gu khozela.”