Jeremiya 2:2 - Bhibhiliya Nya Guage

² Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 2:2 Iomraidhean Croise

Dzindzimo 129:1

Va nyi tshaniside ngudzu gukhugela wanana wangu, a na ganela olu Israyeli;

Ekisodha 14:31

Israyeli wonide gambe tshivba nya yikhongolo yi nga girwago khu Pfhumu Nungungulu gasi gupala Vagipiti. Vathu va di thava Pfhumu Nungungulu va khodwa gwaye ni ga githumi gyaye Mosi.

Ekisodha 16:8

Mosi a di ganela gambe, khuye: “Pfhumu Nungungulu gupfolani nya lidambo a na mi ningani nyama mu hodza, dzimindrudzile, a na mi ningani guhodza mu hodza mu khura, kholu Pfhumu Nungungulu pwide gu mu bhongela gwanu. Gasi khethu vamani ethu? Enu khandri mwa gu wugela ethu; khu Pfhumu Nungungulu mu Mu wugelago.”

Mavingu 1:20

Guti gwa gu khusa lito li pwala mudzindzilani ni mitendrelani nya madhoropa.

Gizimba 3:11

Enu vanyamahegyane va Siyoni, dugani! Deluni mu ta wona mufumeli Solomoni! Uye ambade gihugu nya wufumu, gihugu nya wufumu a ambagisidwego khu mayi waye khu litshigu nya dzegano waye, litshigu monyo waye wu tsakidego ngudzu.

Gizimba 3:6

Wuyelelo —Gasi ginani egi gi tago khu giwulani nya nga madingo nya wutshi, nya nga gunungela nya mafura ni libani, nya gufanane ni mafura yatshavbo ya varengisi.

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Jeremiya 11:6

Pfhumu Nungungulu a engedza a nyi embela, khuye: Tivisa madhoropani gwatshavbo ga Judha ni mudzindzilani dza Jerusalema magana yaya, khuwe: Yingisani magana yaya nya gidzumeledzwano, mu bwelo khavbo mu ma landrisa.

Jeremiya 19:2

u relela navo kovani wa mwamana wa Hinomi, vbafuvbi ni Nyangwa nya Lidambo, u naya ganela magana nyi na gu embelago;

Jeremiya 2:1

Magana ya Pfhumu Nungungulu ma dita gwangu mata khayo:

Jeremiya 2:6

Nyamba wudzisa, gukhavo: “Womo hayi Pfhumu Nungungulu a hi dusidego khu tigoni ga Egipito, uye a nga hi gimbidzisago giwulani, litigo nya gihala, nya gutale khu mavbala ni gidema nya guthise ni dzimhango; litigo nyamba gimbidwa ni gu khadwa khu muthu?”

Jeremiya 3:4

Olu, wa gu lila avbo gwangu, khuwe: Baba wangu, uwe u diri pari ya wudzahani wangu, gani?

Jeremiya 7:2

Indra ema nyangwani nya Nyumba ya Pfhumu Nungungulu, u ya huwelela avbo magana yaya, khuwe: Upwani magana ya Pfhumu Nungungulu enu va na Judha ni enu mwatshavbo mu belago khu dzinyangwa dzedzi gasi guya khozela Pfhumu Nungungulu;

Ezekiyeli 16:22

Ga mithumo yago yatshavbo, ni wuphuphulu wago, khwa alakanya matshiguni nya wanana wago, gikhati u nga bani uri wumbwiri nu phorode khu novba wago.

Ezekiyeli 16:60

Ambari khu guralo, eni nyi na alakanya gidzumeledzwano nyi giridego nago wumbirini gwago, gambe nyi na hunga nago gidzumeledzwano nya kala gupindruga.

Ezekiyeli 16:8

Khu hwane nya ugo, nyi di vbindra khu vbafuvbi gwago, nyi di gu khedza nyi gu wona gukheni u diri ni tanga nya guenele gu liti lihaladzo; khavbo avbo, nyi di thawuludza gifenengelo, nyi fenengedza wumbwiri wago. Nyi di gira gisambanyo ni gu hunga gidzumeledzwano nago gasi gu gu dzega; a ngu ganela Mune Pfhumu Nungungulu.

Ezekiyeli 23:19

“Aholu, uye a di engedzela wubhayi waye, na gu alakanya gikhati nya wumbiri waye, avbo a nga bani a gu gira wuphuphulu tigoni ga Egipito.”

Ezekiyeli 23:3

“Avo va khade maphuphulu tigoni ga Egipito, va dzi bedzedzela wubhayini gukhugela wumbirini gwawe. Va dzumela gu ganywa ganywa mavele, ni gu ghohetedwa wukendzi wawe.”

Ezekiyeli 23:8

“Uye kha nga diga wuphuphulu a wu phedego tigoni ga Egipito, gikhati nya wumbiri waye, vama va di lala naye, va ghohetela wunyamayi nya wukendzi waye, ni gu dzi tsakisa khuye.”

Hoseya 11:1

Avbo Israyeli a nga bani na ngari gyanana, eni nyi di mu gola; khu tigoni ga Egipito, nyi di rana gyanana gyangu.

Hoseya 2:15

Nyi na mu tsayisa khu kotani nya olu uye a nga girago matshigu nya khuwo nya guvbisele libani Vabhahali a dzi mburisela khu dziphera ni wulungu, a landrisela sibhayi saye aholu a divaledwa khu eni, a ngu ganela Pfhumu Nungungulu.

Hoseya 2:17

Nyi naya mu bweledzela marembwe yaye nya miuvya, nyi vbindrugedza kova wa Akori, wu khala nyangwa nya gitumbo. A naya embelela kha nga matshiguni nya wumbiri waye, ni litshigu a nga dugago khilo khu tigoni ga Egipito.

Hoseya 2:7

Kholu mayi wawe bhayide, uye a nga va velegago, giride silo nya dzitshoni, kholu a di khuye: “Nyi na landrela sibhayi sangu, si nyi hodzisago ni gu nyi sedza mati, va nyi ninga myendra nya gufurumele, myendra nya seda, mafura nya guhodze ni mati.

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Hoseya 9:10

Israyeli nyi di mu rola nga sitsatsa nya dziuvha mugiwulani, avbo nyi nga wonago vababe vanu, nyi di va wona nga mihandro nya guhegule nya makandzu. Aholu, avbo va nga vboha Bhahali-Peyori, va di dzi ningela va phasela githombe gile nya dzitshoni, va vbindrugedza va nyenyeza kha nga gilo va nga gi gola.

Jona 1:2

“Khuga u hongole ga lidhoropa nya likhongolo la Ninivha, u ya li kawuka, kholu guvivba gwaye gu litide kala eno gwangu.”

Matewu 11:15

Uye a gu ni dzindzeve nya guyingise, a napwe.

Luka 12:13

Vbakari nya gidzemo a di duga mwama moyo a nga khuye: “Muhevbudzi, embela ndriyangu a nyi kabanisa neni thomba.”

Dhewuteronome 2:7

Kholu Pfhumu Nungungulu wago, a gu kategiside ga thumo watshavbo nya mandza yago; Uye a ngu dziti nya gukhuye u ngu legalega giwulani momu nya gikhongolo; Pfhumu Nungungulu wago, a diri ni uwe ndrani nya myaga yatshavbo yoyo nya magumana; gimwalo ni gimwegyo gi gu kiyeledego.

Dhewuteronome 33:3

Khu lisine, Uwe U ngu gola vathu; va nya guaga vago vatshavbo, vomo mandzani gwago; va khala migondroni gwago, va hevbula nayo wago.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.

Gutuledwa 2:4

Aholu, nyi ngu gu sola kholu u digide lihaladzo lago nya guhegule.