Jeremiya 2:19 - Bhibhiliya Nya Guage

¹⁹ U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 2:19 Iomraidhean Croise

1 Dzipfhumu 18:18

Eliya a di mu hakha, khuye: “Khandri eni nyi vhilinganyisago va na Israyeli, aholu uwe ni nyumba ya babe wago, kholu mu digide milayo ya Pfhumu Nungungulu, mu landrela Vabhahali.

2 Dzikoronika 12:5

Khavbo avbo, a dita muprofeti Simaya, ga mufumeli Robhowamo, ga manganagana ya Judha, ma nga bani ma tombanide Jerusalema khu kotani ya Sisaki, ava embela, khuye: “Pfhumu Nungungulu a ngu ganela, khuye: Enu mu nyi digide, khu kharato Eni neni nyi ngu mi ningelani mandzani ga Sisaki.”

2 Dzikoronika 21:10

Gukhugela litshigu lolo, va na Edhomi va di bomba gufumedwa khu mufumo wa Judha kala na muhuno; khu gikhati gya gimwegyo, Libina nuye a di bomba gufumwa khu babe waye Jeyoramo; kholu a nga diga Pfhumu Nungungulu, wa vababe vaye.

2 Dzikoronika 25:16

Na nga gu ganela muprofeti, mufumeli a di khuye: “Gasi va gu vegide gu khala moyo nya vasingalagadzi va mufumeli, gani? Degula! Wa gu vbweta gu songedwa ginani avba?” Khavbo avbo, muprofeti a di degula, aholu a di mu embela, khuye: “Nyi ngu dziti gukheni Nungungulu a dzi emisede gu gu mbembisa, kholu u giridego esi, u bwelo khavbo u si yingisi gulaya gwangu.”

Dzindzimo 36:1

Muthu nya guvivbe a gu fumbela magana nya gighoho monyoni gwaye; mahoni gwaye mwalo githawo ni Nungungulu.

Ekisodha 33:6

Khavbo avbo, sanana sa Israyeli, gukhugela guduga gwawe khu gigomoni ga Horebhi, va di tshula iso nya gu dzi mburisele khiso.

Mavingu 1:31

Khu guralo, va na hodza handro nya mithumo yawe, va khura khu gupimisa gwawe.

Mavingu 1:32

Kholu sipumbu si nafa khu gumba yingisa gwawe, ni va nyambana mapimo, va na dzi kembela liphala khu gumba dzi garadza khu gilo.

Mavingu 5:22

Muthu nya guvivbe a na modwa khu nandru waye, a hungwa khu ngodzi nya sighoho saye.

Isaya 3:9

Dzikhovbe dzawe dzi ngu va thuledza; dzi bhusa phungu nya sighoho sawe kha nga Sodhoma, nyamba siha gilo. Libango ga mihefemulo yawe! Kholu va gu dzi vangela vabune libango.

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 13:22

Avbo u na ganelago khu monyoni gwago, khuwe: “Khu ginani nyi taledwago khu sigaradzo satshavbo sesi?” Dziti gwadi gukhuwe, talo nya sighoho sago, khiso si giridego u fununguledwa dzitshalu dzago, ni sitshinandro sago si napwa wuvi nya wungi.

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Jeremiya 4:18

Mapimo ni mithumo yago khiso si gu reselago libango leli; idzo wu vavago khidzo tsayiso yoyu! Wa gu paya kala monyoni gwago!

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Jeremiya 5:24

Kha va alakanya khu myonyoni gwawe, khavo: Hongoleni hi ninga githawo Pfhumu Nungungulu wathu, Uye gikhati nya guenele a hi wiselago ndzadzi nya nango nya gu yale ni gu vidzwa dzimbewu, a vegidego dzisemana nya guvbwere dzi gumba vbindra.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Jeremiya 7:19

Ina va gu pwisa eni wuvi, gani? A ngu ganela Pfhumu Nungungulu, va gu dzi pwisa vabune wuvi, va dzi thela dzitshoni dzikhovbeni gwawe.

Jeremiya 8:5

Gasi khu ginani vathu vava va Jerusalema va simamago gu banga mihungo va dzi ndreyisa? Va simama ndzilani nya guwegele va si dzumeli gu wuya gambe!

Ezekiyeli 23:30

kholu uwe u haladzanide ngudzu ni va nya mayigo, u dzi nyenyezisa khu sifananiso sawe.

Ezekiyeli 39:24

Nyi va giride gukhedza khu gunyenyeza ni guvivba gwawe, khu guralo, nyi di va sihela khovbe yangu.

Hoseya 11:7

Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Hoseya 13:9

Uwe Israyeli, u mbembisidwe, kholu u nga nyi wugelago, u bwelo khavbo u wugela muphasedzeli wago.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 4:16

Va na Israyeli va bangide mihungo nga gimombyana nya gigaha, a na dzi kodza kharini Pfhumu Nungungulu gu va havisa nga nvuta malangani nya mahavo nya mangi, na?

Hoseya 5:5

Matshandza ya na Israyeli, ma ngu va ketsari dzikhovbeni gwawe; Israyeli ni Efrayimi va na thega khu wuvivbi wawe, Judha nuye a na thega gumogo navo.

Hoseya 7:2

Gambe kha va pimisi khu myonyoni gwawe, gukhavo eni nyi ngu alakanya mithumo yawe yatshavbo nya guvivbe; va fenengedzidwe khu sighoho sawe, gikhati gyatshavbo nya gu khedza avo.

Hoseya 9:1

U nga tsaki uwe Israyeli, u bhuma, u ndragandraga, u fanana ni mambe mayigo, kholu u hambanide ni Nungungulu wago, khu gu dzi ningedzela wubhayini; u rengiside lihaladzo lago khu gu gira wuphuphulu musithalani gwatshavbo nya tirigu.

Amosi 8:10

Nyi na vbindrugedza mibuzo yanu yi khala gililo, ni dzindzimo dzanu dzi khala dzihuwa, musiwununi gwanu, mwatshavbo mu na hunga myendra nya silendra, mihungoni gwanu mwatshavbo mu na vbaludwa makhwalu. Litshigu lolo, li na khala na liri la gililo nya gufanane ni wule a nga fedwa khu gyanana gya gimwegyo, mahegiso gwaye nga litshigu nya wuvi.

Mikeya 1:5

Satshavbo si na girega khu kotani nya guyeyise ga Jakobe ni sighoho sa nyumba ya Israyeli, khu gevbini gighoho gya Jakobe? Ina khandri Samariya? Khu wevbini wulanga nya miphaso nya vanungungulu nya malipha va Judha? Khandri Jerusalema, gani?

Zakariya 7:11

Aholu, avo kha va dzina gu nyi yingisa, va di hatha gu nyi pfhurarela, va nyi wugela, va tshika dzindzeve dzawe gasi va sipwi magana yangu.

Varoma 3:18

mahoni gwawe gu mwalo githawo ni Nungungulu.”

Valamuli 10:13

Aholu enu mu di nyi digani, mu ya khozela vambe vanungungulu; khu guralo, kha nyi na mi tshudzisani gambe.