Jeremiya 2:16 - Bhibhiliya Nya Guage

¹⁶ Ambari ni vathu va tigoni ga Menfisi ni va Tafenisi va mi pandride phandza hungoni.

Jeremiya 2:16 Iomraidhean Croise

2 Dzipfhumu 18:21

Nyi ngu gu wona gukheni wa gu tumba Egipito, ndronga nya tshava yi fanyegidego, yi payago mandza ya oyu a yi khighelago. Khidzo kharato ga Faro, mufumeli wa Egipito, ga vatshavbo vale va mu tumbago.

2 Dzipfhumu 23:33

Aholu Faro-Neko, a diya mu mola Ribala, tigoni ga Hamati, gasi a si fumi gambe Jerusalema; a di dusa nayo nya gukhuye, tigoni gu hengwe khupo nya lizana dzitaleta nya parata, ni taleta mweyo nya ndralama.

Isaya 19:13

Vathangeli va Zowa va vbungugide mapimo, vathangeli nya lidhoropa la Menifisi va kanganyisidwe; va pengiside Egipito a bela gughohani, avo gu vathangeli nya dzinyumba dzawe.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Isaya 8:8

mati ma na bela tigoni ga Judha, kha nga ndrambi, ma langaladza vathu kala dzithamoni. Guanama nya mambapi yaye gu na fenengedza guanama nya litigo lago, uwe Emanuweli.

Jeremiya 44:1

Aya khu magana ya Pfhumu Nungungulu ma ganedwego khu muprofeti Jeremiya ga Vajudha vatshavbo va nga bani vari tigoni ga Egipito, na va vbahide Migidholi, Tafinisi, Menfisi ni tigoni gwa Patrosi, khuye:

Jeremiya 46:14

Huwelelani esi tigoni ga Egipito ni gu pwadza Migidholi; mu huwelela gambe Menfisi ni Tafenisi, ganelani, khenu: Khugani mu dzi dongisele, kholu matshari momo ma sasela vaakelane vanu.

Jeremiya 46:19

Uwe nyamahegyane u vbanyago Egipito, dongisela mirwalo gasi guya wugumbini, kholu lidhoropa la Menfisi li na khungumudwa li khala marumbi nyamba khadwa gambe khu muthu.

Jeremiya 48:45

Vale va nga bani va tutuma, va di vbela tshivba va ema mutsani ga Hesibhoni, aholu, nilo wu di duga khu Hesibhoni, ni malavbelavbe, ma dugede vbakari ga Seyoni; wu dagaredzisa ndzari ya Mowabhi ni mihungo nya vathu nya gugole mayunga.

Ezekiyeli 30:13

Mune Pfhumu Nungungulu, a ngu ganela kharati, khuye: Nyi na khungumula gambe sifananiso, ni gu vbedza vanungungulu va Menifisi; kha gu na manega gambe vathangeli tigoni ga Egipito, nyi na thela hwanga tigoni gwatshavbo.

Ezekiyeli 30:16

Nyi na khondrisa nilo tigoni ga Egipito; Sine a na bani ari ni wuvi nya wukhongolo ngudzu, Nohi a na khungumudwa, ni Menifisi a na lundrwa khu valala vaye vbakari nya mihani.

Hoseya 9:6

Kholu wonani nya gukhenu va ngu tutuma va thava gusasedwa, aholu va na tombaniswa khu Egipito, va dzingwa khu Menifisi. Thomba yawe nya parata va yi golago, yi na pfhurela yi hodzwa khu muhwa; mitshatshani gwawe, gu na buga mwasi ni miba.

Dhewuteronome 33:20

Khu va na Gadhi, a di ganela, khuye: “A na rungudzwe Wule a andrisidego litigo la na Gadhi; uye a lalago umo kha nga nghala nya ngadzi, a vbadzulela mawogo ni gu pfarelela mihungo.