Jeremiya 2:15 - Bhibhiliya Nya Guage

¹⁵ Singhalana si di bhonga vbakari gwawe, na si gu ngurura khu lito nya gukhugege; va vbisa madhoropa yawe, litigo lawe li khala marumbi nyamba khadwa khu muthu.

Jeremiya 2:15 Iomraidhean Croise

Joba 4:10

A ngu degudza bhongo nya dzinghala nya guthise, a gulela ni magwaha nya dzinghala nya dzihanyi.

Dzindzimo 57:4

Nyi randredwe khu valala va fananago ni dzinghala, va vbweta gu nyi hodza; magwaha yawe kha nga matshari ni siholoma, malimi yawe gukhwatshi migala nya gulodzwe.

Isaya 1:7

Litigo lanu li khade marumbi, madhoropa yanu, ma rothidwe khu nilo; va nya mayigo va mi dzegede litigo lanu na mu gu va wona; litigo li khade marumbi gukhwatshi li di phangwa khu va nya mayigo.

Isaya 24:1

Wonani nya gukhenu! Pfhumu Nungungulu a na mbembisa litigo a li gira marumbi, a vbindrugedza litigo ni gu phalalegisa vavbanyi vaye.

Isaya 5:29

Va gu bhonga, va gu fanana ni nghala, va na bhonga kha nga sanana nya nghala. Va na ngurura va gu mana pfimba va wu rwala va hongola, mwalo a na gu va wandrelago.

Isaya 5:9

Pfhumu Nungungulu nya Tshivba Yatshavbo, ganede dzindzeveni gwangu nyi mupwa, khuye: “Khu lisine, dzindranga dzatshavbo dzi na vbindrugedza dzi khala giwula, ni mudzinyumbani nya dzikhongolo nya gumbure, gu na tshala nyambana muthu.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 10:22

Yingisani! Gupwala ligwaha nya likhongolo litago khu Wuronga, gasi guta sasela madhoropa ya Judha ma khala giwula, ma vbindrugedza ma khala mavbala nya migehe.

Jeremiya 25:30

Pfhumu Nungungulu a di engedza a nyi embela, khuye: “Uwe u na va tivisa satshavbo silo sesi u va embela, khuwe: Pfhumu Nungungulu a na bhonga khu vbatshani ndzadzini gu pwala lito laye khu nyumbani gwaye nya guage; a bhongela vathu vaye khu tshivba, va womba huwa nya litsako nya nga la avo va gamago dziuvha ni ga vatshavbo vavbanyi va mafuni.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 26:9

Khu ginani u profetago khu lina la Pfhumu Nungungulu, khuwe: Ndranga yeyi yi na fanana ni Silo, ni lidhoropa leli li na khala marumbi nyamba khadwa khu vathu?” Vathu vatshavbo va nga bani vari Nyumbani ga Nungungulu va di randrela Jeremiya.

Jeremiya 33:10

Pfhumu Nungungulu a ngu ganela kharati, khuye: Wulanga wowu mu wu ranago khenu giwula nyamba khadwa khu muthu ambari sirengo, khu guralo, madhoropani ya Judha ni dzindzilani ga Jerusalema, gu ghohetedwego nyamba manega muthu ambari gu khadwa khu vathu ni sirengo, gu nga na gu pwala gambe

Jeremiya 34:22

Wonani gukhenu nyi na mi ninga nayo, a ngu ganela Pfhumu Nungungulu. Nyi na va gira va wuya gambe dhoropani momu, va nata li sasela ni gu li wandra va li vbisa, madhoropa ya Judha, ma na vbindrugedza ma khala marumbi, avbo nyamba manega ni muthu nya gukhale umo.”

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 51:38

Vathu vaye va na bhonga nga singhalana, va ngurangura nga sanana nya nghala.

Jeremiya 6:8

Uwe Jerusalema dzi laye, gasi nyi si gu pfhurareli; ni gu pfhungumudwa u khala marumbi, litigo li si khadwigo khu muthu.

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Ezekiyeli 36:3

Khu guralo, profeta u ganela, khuwe: Mune Pfhumu Nungungulu, a ngu ganela kharati, khuye: Avo va di mi pfhungumula mu khala marumbi, va bwelo khavbo va mi lundrani khu maphuvbo yatshavbo, avbo enu mu nga khalani thomba nya mayigo ni gu khalani maganani nya vathu nya guvivbedwe khu monyo, ni va nya milembo.

Ezekiyeli 5:14

Nyi na gu gira marumbi ni gu gu gira givalo vbakari nya mayigo nya vaakelane vago, ni mahoni ga vatshavbo va na vbindrago khavbo gwago.

Hoseya 11:10

Va na landrela Pfhumu Nungungulu; Uye a nga bhonga nga nghala. Avbo a na gu bhongago, sanana saye si nata khu Pfoladambo na si gu ndrendremela.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Amosi 3:12

Pfhumu Nungungulu a ngu ganela gambe kharati, khuye: “Kha nga muhavisi a vbulugisago mawundru mavili nya nvuta mwendro gipandre gimwegyo nya ndzeve kanani nya nghala, kharato nugo va na vbulugisa guralo sanana sa Israyeli, va vbanyago tigoni ga Samariya, va khadego havo ghagha vbatshani nya masofa nya seda.

Amosi 3:4

Ina nghala yi ngu gungurangura khabini, ya sa mola pfimba, gani? Ginghalana gi ngu khusa lito phalani gwaye, gya sa mola gilo, gani?

Amosi 3:8

Ya gu bhonga ngala, khu mani a gumba ndrendremela? Pfhumu Nungungulu a gu ganela, khu mani a na gumba profeta?

Nahume 2:11

Olu momo hayi mavbala nya dzinghala numo dzi nga bani dzi hodzisela umo sanana sawe, khu hayi yi nga bani yi haganela avbo nghala nya gugumbe ni ngadzi waye, nyambana ni moyo nya gu yi thusedzele?

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Sofoniya 2:5

Libango gwanu enu mu vbahidego bambe nya yiphwa, vathu va Kereta! Magana ya Pfhumu Nungungulu, ma ngu wugela enu vathu Vakhanani, litigo nya Vafilisitiya, khayo: Eni nyi na mi gupfhungumula mu khala marumbi nyambana muthu.

Sofoniya 3:6

Nyi mbembiside mayigo, nyi thesela vbavbatshi makhokhola yawe, nyi vbindrugedzide dzindzila dzawe dzi khala giwula. Avbo nya gu, ni muthu a si vbindri khumo; madhoropa yawe ma khungumuledwe, kala a si manegi ni muthu a vbanyago umo.

Zakariya 11:3

Gu pwala huwa nya gililo gya vahavisi! Kholu wudhumo wawe wu pfhungumudwe; gu pwala gubhonga nya dzinghala, kholu gu hafumudwe matshandza ya Joridhani.

Valamuli 14:5

Samisoni, a di relela Timina gumogo ni vavelegi vaye. Avbo va nga vbohago marembweni nya vhinya ya Timina, a di khingwa khu ginghalana na gi gu ngurura.