Jeremiya 19:7 - Bhibhiliya Nya Guage

⁷ Kholu ga wulanga wowu, nyi fuviside makungo ya Judha ni ya Jerusalema, nyi na va gira va thega khu matshari mbeli ga valala vawe ni mandzani ga vale va va vbwetago gu va songa; sirumbi sawe si na rothedwa khu sinyoni sa damboni ni gu hodzwa khu sirengo sa khabini.

Jeremiya 19:7 Iomraidhean Croise

2 Dzipfhumu 21:14

Nyi na dzudzuga mitshaledwa nya thomba yangu, nyi va ningela mandzani ga valala vawe, va na phangwa ni gu modwa khu valala vawe.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Isaya 29:14

Khu guralo, nyi na simama gu gira mithumo nya gusamadzise vbakari nya vathu vava, eyi yi liwugisago ni guthurugisa; kholu guti ga va nya gugengela vawe gu na fuva, ni gupima ga vathu vawe nya gugengele gu na vbela.

Isaya 8:10

Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Jeremiya 15:2

Va gu gu wudzisa, khavo: Hi naya hayi? U na va embela, khuwe: Pfhumu Nungungulu a ngu ganela kharati, khuye: Avo va lumbwago khu gufa, va naya gufani; avo va lumbwago gu songwa khu matshari, va na songwa khu matshari; avo va lumbwago gufa khu ndzala, va nafa khu ndzala; ni vale va lumbago gu yiswa wugumbitunu, va na yiswa iyoyo.

Jeremiya 15:9

Nyamayi a velegidego livbandre na sivili sanana, a di tala khu wuvi a dzima, afa; avbo gwaye lidambo li di khwatshi li pfode, aholu gu di ngari mihani; uye a di tala khu dzitshoni ni guvbisega. Avo va na tshalago, nyi na va ningela va songwa khu matshari mbeli ga valala vawe; a ngu ganela Pfhumu Nungungulu.

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 22:19

A gufa a na dzingwe kha nga buru; va na mu ndrindrandrindre va mu dzudzuga vbavbandze nya dzinyangwa dza Jerusalema.

Jeremiya 22:25

Nyi na gu ningela mandzani ga vale va dzi emisedego gu gu songa, ni mandzani ga vale u va ningago githawo, mandzani ga Nabhukodhonosori, mufumeli wa Bhabhiloni ni mandzani ga Vakalidhiya.

Jeremiya 32:28

Khu guralo, Pfhumu Nungungulu a ngu ganela kharati, khuye: Nyi na ningela lidhoropa leli mandzani ga Vakalidhiya ni mandzani ga Nabhukodhonosori, mufumeli wa Bhabhiloni a li fumela.

Jeremiya 34:20

nyi na va ningela mandzani ga valala vawe ni ga vatshavbo va vbwetago gu va sasela, sirumbi sawe nyi na si ningela si khala guhodza nya sinyoni sa damboni ni sirengo sa khabini.

Jeremiya 46:26

Nyi na va ningela mandzani ga vale va vbwetago gu va songa, mandzani ga Nabhukodhonosori, mufumeli wa Bhabhiloni, ni ga dzindruna dzaye. Aholu, khu hwane nya isoso, vathu vaye va na wuya vata vbaha gambe tigoni ga Egipito, a ngu ganela Pfhumu Nungungulu.

Jeremiya 7:33

Sirumbi sa vathu vava, si na rothedwa khu sinyoni sa damboni ni gu hodzwa khu sirengo sa mafuni; mwalo ni moyo a na si gusago.

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Jeremiya 8:8

Olu, khu ginani mu ganelago, khenu: Ethu hi nguti, kholu milayo ya Pfhumu Nungungulu yomo gwathu? Wonani nya gukhenu milowo ya valovi vanu, yi vbindrugedzide nayo wu khala malipha.

Jeremiya 8:9

Va nya guti va na thedwa dzitshoni, va na ndrendremela va modwa; kholu va hambanide ni magana ya Pfhumu Nungungulu; gasi guti muni gogo va gu nago?

Gililo 3:37

Khu mani a gukhuye gi na girege gilo nya gukari, gi girega vbavbandze nya gurume ga Pfhumu, gani?

Levhi 26:17

Nyi na mi pfhurarela, mu na padwa khu valala vanu, mu fumedwa khu avo va mu nyenyago; khu guralo mu na tutuma nyamba lundrwa khu muthu.

Levhi 26:25

Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.

Varoma 3:31

Khavbo avbo, ina sa gu wonega gupwani hi ngu tshipisa Nayo khu gukhodwa, gani? Ahihi. Aholu ha gu tiyisa Nayo.

Varoma 4:14

Kholu, nari gupwani thomba yeyi ya gu lumba basi vale va landrisago Nayo, gukhodwa gu diri mwalo giphaso, gambe gitumbiso gya Nungungulu gi di si phasi gilo.

1 Samuweli 17:46

Muhuno kamwe Pfhumu Nungungulu a na gu ningela mandzani gwangu, eni nyi na gu songa nyi gu pila hungo wago. Muhuno kamwe nyi na ningela sirumbi nya libutho la Vafilisitiya si rothedwa khu sinyoni sa damboni ni gu hodzwa khu sirengo nya likhabi, litigo latshavbo li na dziti gukhilo womo Nungungulu tigoni ga Israyeli.