Jeremiya 19:5 - Bhibhiliya Nya Guage

⁵ Va giride siluvelo nya guphasele dzimhamba nya guvbiswe va vbisela nungungulu Bhahali, gasi va vbisela avbo sanana sawe; iso nyi ngamba va ruma gu gira ambari gu si alakanya monyoni gwangu.

Jeremiya 19:5 Iomraidhean Croise

2 Dzipfhumu 17:17

Va di vbisa gambe sanana sawe nya sikhwathana niso nya sagadzyana niloni, va dzi ningedzela dzisoloni ni wuloyi, va gira silo nya guvivbe mbeli ga Pfhumu Nungungulu, va mu gorogisa.

2 Dzipfhumu 21:6

A di gira miphaselo khu gu vbisa gyanana gyaye niloni; a namarela umo nya wunyanga ni wuloyi; a di wumba dzinyanga nya gufembe ni vanyadzisolo, a simama gu gira guvivba mbeli ga Pfhumu Nungungulu, kala a mu gorogisa ngudzu.

2 Dzikoronika 28:3

Vbiside gambe mabani kovani wa gyanana gya Bheni-Hinomi, a vbisa ni sanana saye niloni, a landrela mavbanyelo ya va nya mayigo ava Pfhumu Nungungulu a va tutumisidego mbeli ga va na Israyeli.

Jeremiya 32:35

Va di emisa siluvelo nya guphasele Bhahali, kovani wa mwamana wa Hinomi, gasi gu ya vbisa iyoyo sanana sawe nya sikhwathana ni iso nya sagadzyana, va vbisela Moloki, iso Eni nyi ngamba va ruma ambari gu vbindra khu hungoni gwangu, va gira manyala nya nga ayoyo, gasi gu thela va na Judha mugighohoni.

Ezekiyeli 16:36

Mune Pfhumu Nungungulu a ngu ganela kharati, khuye: Olu uwe u dzudzugidego thomba yago khu gu funungula wumbwiri wago u yeyedzidego sibhayi sago, gumogo ni gu gira wubhayi ni sifananiso sago nya gunyenyeze, gumogo ni novba wa sanana sago u va ningidego,

Ezekiyeli 20:26

nyi di va diga va dzi nyenyezisa khu kotani nya miningelo yawe, ni gu gira miphaso nya guvbiswe sanana nya matiwula, gasi nyi va thela hwanga, va kodza gu nyiti gukhavo eni kheni Pfhumu Nungungulu.

Ezekiyeli 38:10

Mune Pfhumu Nungungulu, a ngu ganela kharati, khuye: Ga litshigu lolo, u na pimisa silo nya gutale monyoni gwago, bwelo khavbo u luga makungo nya guvivbe.

Dhaniyeli 2:29

Avbo u nga bani nu lade vbadawutunu gwago, uwe mufumeli, u tedwe khu gupimisa nya iso si na gu gudugelelago khu matshigu ma nga gutago; kholu uye a tugudzisago misihalo, a gu yeyedzide iso si na gu dugelelago.

Levhi 18:21

U nga ningeli ni moyo nya sanana sago, si girwa phaso nya guphasedwe Moloki, u nga nyenyezisa lina la Nungungulu wago. Eni kheni Pfhumu Nungungulu.

Mitengo 22:41

Na gu ngari dzimindru ngudzu, Bhalaki a di ya dzega Bhalahama a gwela naye Bhamoti-Bhahali, Bhalahama a di ya wona khu vbale mahegiso nya lizumbo nya vathu va na Israyeli.

Dhewuteronome 12:31

U nga giri kharato ga Pfhumu Nungungulu wago, kholu gunyenyeza gwatshavbo gu nyenywago khu Pfhumu Nungungulu, avo va dzi girede vanungungulu vawe, khu guralo, vathu vovo va vbiside niloni sanana sawe va vbisela vanungungulu vawe.