Jeremiya 19:4 - Bhibhiliya Nya Guage

⁴ Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 19:4 Iomraidhean Croise

2 Dzipfhumu 21:16

Gu diga nya esi, Manasi vbaladzide gambe novba nya wungi ngudzu nyambana nandru, kala a tadza Jerusalema gwatshavbo khuwo, gukhugela mahegiso kala mahegiso, vbavbandze nya gighoho gyaye a nga ghohisa khigyo va na Judha, giride silo nya guvivbe mahoni ga Pfhumu Nungungulu.

2 Dzipfhumu 23:10

A di nyenyezisa gambe Tofeti, wulanga nya guvbisedwe avbo, wu guromo kovani ga sanana sa Himoni, gasi gu si manegi ni moyo a yelago gu vbisa gyanana gyaye nya gikhwathana mwendro nya nyamahegyane a phasela Moloki.

2 Dzipfhumu 24:4

gumogo gambe khu kotani nya novba a wu vbaladzidego nyambana nandru, a tadza Jerusalema gwatshavbo khu novba nyambana nandru; khu guralo, Pfhumu Nungungulu, kha dzumela gu mu tsetselela.

Dzindzimo 106:38

Va vbaladzide milovba nya vathu nyambana nandru, novba nya sanana sawe nya vama ni vanyamayi, va phasela vanungungulu Vakhanani, ni litigo li di nyenyeziswa khu novba wawe.

Isaya 59:7

Migondro yawe ya gu tutumela guvivbani yi gu vbiredza, gasi guya songa muthu nyambana nandru; maalakanyo yawe khya gu gira guvivba, umo va gimbilago, gu sasela ni gumbembisa basi.

Isaya 65:11

Aholu enu mu si khathaligo khu Pfhumu Nungungulu, mu divala gigomo gyangu nya guage, enu mu dongiselago meza vanungungulu nya malipha va ranwago pwani Gadhi ni Meni,

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 11:13

Uwe Judha, tengo nya vanungungulu vago wungi ngudzu; va ninganago ni madhoropa yago, gukhedza khu tengo nya dzindzila dza Jerusalema, mu emiside siluvelo nya dzitshoni mu vbisela avbo libani Bhahali.

Jeremiya 15:6

Pfhumu Nungungulu a ngu ganela, khuye: Mu nyi digide mu nyi pfhurarela. Khu guralo, nyi na thawuludza gyandza gyangu vbatshani gwago, nyi gu mbembisa; nyi garade khu gu gu divalela.

Jeremiya 16:11

U na va hakha kharati, khuwe: Pfhumu Nungungulu a ngu ganela kharati, khuye: Khu kotani ya vababe vanu va nyi digidego va landrela vambe vanungungulu nyamba phasa gilo, va va khozela ni gu va thumela, va noga mbeli gwawe, va hambaniside nayo wangu va nyi pfhurarela.

Jeremiya 17:13

Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.

Jeremiya 17:20

u naya va embela, khuwe: Yingisani magana ya Pfhumu Nungungulu, enu vafumeli va Judha, ni vathu vatshavbo va Judha ni vavbanyi va Jerusalema, mu belago khu dzinyangwa dzedzi.

Jeremiya 18:15

Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 2:34

Mudzitshokani nya dzingandzu dzago gwa gu manega ni novba nya sisiwana esi si gu mwalo nandru, avo u ngamba va mana na va gu phanga. Ambari khu satshavbo soso,

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 26:15

Gambe dzitini gwadi nya gukhenu, mwa gu nyi songa, mu na bani mu vbaladzide novba wu gu mwalo nandru vbatshani gwanu, vbatshani nya lidhoropa leli ni vbatshani nya vavbanyi vaye; kholu Pfhumu Nungungulu a nyi rumede guta mi pwadzelani dzindzeveni gwanu yatshavbo magana yaya.

Jeremiya 26:23

Va ya mu mola va wuya naye, vata mu ningela ga mufumeli Jowakimi, uye a di rumela gu va mu songa khu litshari, girumbi gyaye gi dzudzugwa phalani nya sirumbi nya singi.

Jeremiya 44:3

khu kotani nya wuvivbi va giridego va wusa likhulo langu, khu gu vbisela libani ni gu khozela vambe vanungungulu, va si vatigo, avo ambari vababe vawe va ngamba vati.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Gililo 4:13

Libango leli, li vangidwe khu sighoho sa vaprofeti ni sihoso sa vaphasi vawe nya mhamba, va gu avo va songidego vathu nya gululame, va vbaladza novba wawe dhoropani. Nuni

Ezekiyeli 20:26

nyi di va diga va dzi nyenyezisa khu kotani nya miningelo yawe, ni gu gira miphaso nya guvbiswe sanana nya matiwula, gasi nyi va thela hwanga, va kodza gu nyiti gukhavo eni kheni Pfhumu Nungungulu.

Ezekiyeli 7:22

Nyi na thendregedza khovbe yangu nyi va pfhurarela, avo va ga nyenyezisa wulanga wangu wu sihadego; kholu va na bela avbovbo vaphangi va gu nyenyezisa.

Ezekiyeli 8:11

Mbeli gwawe, gu diromo livbandre na mavili magumi (70) madhota ya na Israyeli, gumogo ni Jazaniya, mwamana wa Safani, a diri vbakari gwawe. Khu gyomboni nya guvbisele umo libani, gi nga bani giri mandzani ga moyo ni moyo, gu di gu gwela lipfhi nya likhongolo nya mahema nya gunungele.

Dhaniyeli 11:31

Gu na duga masotshwa yaye nya gukari, ma nyenyezisa nyumba nya miphaso, gumogo ni likhokhola, va fuvisa ni phaso nya litshigu ni litshigu, va thela manyala nya guthise.

Luka 11:50

Khu kharato, Nungungulu, a na lamula mela wa muhuno khu novba watshavbo wa vaprofeti wu vbaladzidwego gukhugela gu girwa nya mafu,

Dhewuteronome 13:13

vama nya gukari nya guvivbedwe khu monyo va dugide khu vbakari gwago, va gurumedza vavbanyi va dhoropani gwawe, khavo: Hongoleni hi khozela vambe vanungungulu, u si vatigo,

Dhewuteronome 13:6

Ndriyago, u velegidwego naye khu mayi moyo, mwendro gyanana gyago nya mwama mwendro nya nyamayi, mwendro mwangadzi wago nya gu mu haladze, mwendro pari yago nya gu yi gole kha nga hefemulo wago, a gu ganela khu gisihaledza, khuye: Hongole hi khozela vambe vanungungulu, avo uwe u ngamba vati, ambari vababe vago,

Dhewuteronome 28:20

Pfhumu Nungungulu a na resa libango vbatshani gwago, pfilupfilu, gutshaniseka ni gu luzekedwa khu mithumo yatshavbo ya mandzani gwago, kala u mbembiswa khu guvbiredza, khu kotani nya mithumo yago nya guvivbe u yi giridego khu guhambana ni eni.

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.

Gutuledwa 16:6

U va sedziside novba, kholu va vbaladzide novba wa va nya gukatega ni vaprofeti, va fanedwe khu tsayiso yoyo.”

Valamuli 5:8

Avbo va na Israyeli, va nga bani va vbweta vambe vanungungulu, nyimbi yi di bela dzinyangwani gwawe, gu di si manegi gitshangu mwendro litshari, vbakari nya magumana magumi mazana (40. 000) ya Israyeli.