Jeremiya 19:11 - Bhibhiliya Nya Guage

¹¹ u na va embela, khuwe: Pfhumu Nungungulu nya Tshivba Yatshavbo, a ngu ganela kharati, khuye: Khu magirelo yoyo, nyi na pandrelela vathu vava gumogo ni lidhoropa leli gukhwatohi khu muthu a pandrago kanvu nya libunda, a si wu kodzi gu wu wusedza gambe, va na dzingwa dhoropani ga Tofeti khu gu hamugega wumbe wulanga nya gu va dzinge avbo.

Jeremiya 19:11 Iomraidhean Croise

Dzindzimo 2:9

U na ma pandra khu ndronga nya dzisimbi, u na ma khungumulela kha nga kanvu nya libumba.

Mavingu 6:15

Khu guralo, libango li na mu thegela khu gipitipiti; khu githugedza a na thega a mbemba nyamba wuga gambe.

Isaya 30:14

Pfhumu Nungungulu a na pandrelela kha nga idzo yi pandrwago khidzo khali nya libumba a yi phwathisela nyamba yi tsetsa, yi tshala khu sindzengele nya sidugwana, gu si manegi ni gimwegyo nya gu vbale khigyo nilo mwendro gu rega khigyo mati namboni.

Jeremiya 13:14

Nyi na va vbadzulela va khala khu sipandre va pandrana khu gyawe, vavelegi gumogo ni sanana, a ngu ganela Pfhumu Nungungulu; gima kha nyi na va divalela ni gu va tsetsa ambari gupwa gisiro khu avo gasi nyi si va mbembisi.

Jeremiya 19:12

Pfhumu Nungungulu a ngu ganela kharati, khuye: Nyi na si gira ga wulanga wowu gumogo ni vavbanyi vakone; nyi na gira lidhoropa leli li fanana ni lidhoropa la Tofeti.

Jeremiya 19:6

Khu guralo, Pfhumu Nungungulu, a ngu ganela kharati, khuye: Wonani nya gukhenu ma nguta matshigu wulanga wowu wu na gumba ranwa gambe gupwani Tofeti, ambari gupwani kova wa mwamana wa Hinomi, aholu kova nya Gusasedwe.

Jeremiya 25:34

Lilani enu vahavisi nya tshambi, ni gu womba dzihuwa; enu nenu vathangeli nya mitshambi, puluwundrani ngumani, kholu litshigu lanu nya gusongwe ni guphalalegiswa li vbohide, nyi na mi pandra mu thega nga kanvu nya lisima.

Jeremiya 48:38

Vbatshani nya dzilangwe nya dzinyumba dza Mowabhi gumogo ni dzindzilani gwaye, gu pwala dzihuwa, kholu Mowabhi, nyi mu pandride kha nga kanvu nyamba phasa gilo! A ngu ganela Pfhumu Nungungulu.

Jeremiya 51:63

Avbo u na gu vbedzago gu hevbula iso si lovidwego umomo, u na li hunga giwindri u li rinya tsongoni wa Ewufrate;

Gililo 4:2

Madzaha nya gugolege ya Siyoni, nya wumburi nga ndralama yi hutidwego, olu ma gu fanana ni sombo nya libumba, i thumo wa muwumbi! Guimel

Mithumo 21:11

A di hidzimela avba gwathu, a dzega keka wa Pawulo a dzi hunga khuwo mawundru ni mawogo yaye, a ganela, khuye: “Liphuvbo nya Guage lari khilo, Vajudha, Jerusalema, va na mola mwama a gu mune keka yoyu, va mu hungelela kharati, va mu ningela ga va nya mayigo.”

Gutuledwa 2:27

A na ma fuma khu ndronga nya dzisimbi, a na ma pandrelela kha nga edzi gu pandredwago khidzo dzikhali nya libumba.