Jeremiya 18:8 - Bhibhiliya Nya Guage

⁸ vathu nya litigo lolo va gu dzi laya, va vbindrugedza mavbanyelo, va diga sighoho va girago, eni neni, nyi na dzi laya, nyi si va rumeli tsayiso nyi wu dongisedego gu va rumela.

Jeremiya 18:8 Iomraidhean Croise

2 Dzikoronika 12:6

Khavbo avbo, manganagana ya na Israyeli, gumogo ni mufumeli, va di dzi nogisa va ganela, khavo: “Pfhumu Nungungulu lulamide.”

Dzindzimo 106:45

A di alakanya gidzumeledzwano a nga gira navo, a va pwela wusiwana khu wuhindzi waye nya wungi.

Dzindzimo 135:14

Kholu Pfhumu Nungungulu a na emela vathu vaye ni gu pwela wusiwana sithumi saye.

Dzindzimo 90:13

Pfhumu Nungungulu, wuya eno gwathu, Kala lini u na hi girelago likhulo? Pwela wuhindzi sithumi sago.

Ekisodha 32:12

Khu ginani u vbwetago gu ninga wulanga Vagipiti va kodza gu ganela, khavo: Nungungulu a di gira litsoro a va dusa khu gufela guya va songa musigomoni, a va fuvisa mafuni! Rula monyo wago, u bosa likhulo lago, u vega hwindzo mapimo nya gugirele guvivba vathu vago!

Ekisodha 32:14

Khu guralo, Pfhumu Nungungulu a di dzi laya a thindrekisa tsayiso a nga bani a wu dongisede gu vbedza khuwo vathu vaye.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Jeremiya 15:6

Pfhumu Nungungulu a ngu ganela, khuye: Mu nyi digide mu nyi pfhurarela. Khu guralo, nyi na thawuludza gyandza gyangu vbatshani gwago, nyi gu mbembisa; nyi garade khu gu gu divalela.

Jeremiya 26:13

Gasi olu, vbindrugedzani mavbanyelo yanu ni sigiro sanu mu yingisani lito la Pfhumu Nungungulu wanu; khavbo uye a na gu bweledzago tsayiso a wu ganedego khu kotani yanu.

Jeremiya 26:19

Ina Ezekhiya, mufumeli wa Judha, gumogo ni vathu vatshavbo va na Judha va mu songide, gani? Ina uye kha nga ninga githawo Pfhumu Nungungulu, ina kha va lomba gasi Pfhumu Nungungulu a va pwela wuhindzi khu gu va divalela ga tsayiso a nga bani a va dongisede, gani? Aholu ethu ha gu vbweta gu dzi thelela ginani libango khu gu songa muthu yoyo, na?

Jeremiya 26:3

A gu dzina saye va na ma yingisa va vbindrugedza mavbanyelo, muthu ni muthu a ndreya ndzilani gwaye nya guwegele, gasi eni neni nyi kodza gu diga makungo nya tsayiso nyi va dongisedego gu va resela, khu kotani nya sigiro sawe nya guvivbe.

Jeremiya 36:3

“A gu dzina saye, vathu va nyumbani ga Judha va napwa makungo nya dzimhango nyi vbwetago gu va resela, mwendro saye muthu ni muthu a na vbindrugedza ndzilani gwaye nyambasi yadi, nyi kodza gu va tsetselela guvivba ni sighoho sawe.”

Jeremiya 42:10

Mwa gu khalani khu mavbanyelo nya yadi tigoni momu, Eni nyi na mi tiyisa, wulangani nya gu mi pfhungumule; nyi na mi tsitsa wulangani nya gu mi sigule, kholu nyi ngu dzi laya khu dzimhango nyi mi giredego.

Ezekiyeli 18:21

Aholu, muthu nya guvivbedwe khu monyo a gu vbindrugedza mavbanyelo, a diga sighoho saye satshavbo a si giridego, a yingisa sileletelo, a gira gululama ni gu landrisa nayo wangu, khu lisine a na vbanya.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Ezekiyeli 33:12

Khu guralo, uwe, mwamana wa muthu, tivisa va na gyanu, khuwe: Muthu nya gululame a gu hambanisa nayo, gululama gwaye, kha gu na mu vbulugisa. Aholu muthu nya guvivbedwe khu monyo, a gu vbindrugedza mavbanyelo uye gima kha na mana tsayiso, ambari ni uye a lulamidego kha na vbanya litshigu a na ghohago.

Ezekiyeli 33:13

Gasi nya gu embela muthu nya gululame kheni, uye, a na vbanya, aholu uye na gu tumba gululama gwaye, a thuma mithumo nya guvivbe, mithumo yaye nya gululame kha nyi na yi dundruga; aholu uye a nafa khu guvivba a giridego.

Ezekiyeli 33:14

Aholu nya gu embela muthu nya guvivbedwe khu monyo, kheni: Khu lisine, u nafa; aholu uye a gu vbindrugedza a dzi laya khu sighoho saye a gira ugo gu lulamidego ni lisine,

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Jona 4:2

A di lombelela ga Pfhumu Nungungulu, khuye: “Oh! Pfhumu Nungungulu! Ina khandriso esi nyi nga gu embelago, na nyi ngari tigoni gwangu, gani? Khiso si nga nyi gira nyi thava nyi tutumela tigoni ga Tarisisi, kholu nyi di gu dziti gukheni uwe u Nungungulu nya wuhigo, u tadego khu wuhindzi, u hwelago gugoroga, na wu tade khu wuwadi, u si goligo gu gira silo nyamba sadi.

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

Valamuli 2:18

Gikhati Pfhumu Nungungulu a nga bani a va wusela valamuli, Uye a di gu khala ga moyo ni moyo nya mulamuli, a vbulugisa vathu vaye mandzani ga valala vawe, gikhatini gyatshavbo nya guvbanye ga mulamuli yoyo; kholu Pfhumu Nungungulu a di gupwa gisiro khu avo, khu tshanisa va nga bani va giredwa khu vatshanisi vawe.