Jeremiya 18:21 - Bhibhiliya Nya Guage

²¹ Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 18:21 Iomraidhean Croise

2 Dzikoronika 36:17

Khu guralo, a di va rumela mufumeli wa Vakalidhiya a ta va sasela a songetela madzaha yawe khu matshari nyumbani gwawe nya miphaso: Kha pwela gisiro madzaha ni vanyamahegyane, ambari khu sikhosane nya dzinvi; vatshavbo Nungungulu a di va ningela mandzani gwaye.

Dzindzimo 63:10

Va na songwa khu matshari, va hodzwa khu migehe.

Dzindzimo 63:11

Mufumeli nya litigo a na nengele ga Nungungulu; uye a sambanyago linani ga Nungungulu a na nengela, aholu avo va liphago va na segwa magana.

Ekisodha 22:24

Likhulo langu li na vbisa, nyi mi songa khu matshari, gasi vagadzi vanu va khale dzinoni ni sanana sanu si khala niso dzikhulungu.

Isaya 13:18

Malaho yawe va na songa khayo madzaha; gima kha va na pwa gisiro khu sanana si ngarigu ndrani; maho yawe kha ma na tsetsa sanana sa beleni.

Isaya 9:16

Kholu vathangeli nya vathu vava va kanganyisi, ni avo va thangedwago khavo, va na mbembiswa.

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Jeremiya 12:3

Aholu uwe, Pfhumu Nungungulu U ngu nyiti, U ngu nyi wona, gambe U ngu khedzisisa monyo wangu idzo wu gu golago khidzo; va nya guvivba va ndrindrele phuvbo gufanane ni nvuta yi yiswago gusongwatunu! Va dongisele litshigu nya gusongetedwe.

Jeremiya 14:16

Ni vathu va dzi girelago wuprofeti, va na mbambamela mudzindzilani dza Jerusalema, khu kotani nya gu songwe khu ndzala ni matshari; kha va na dzingwa khu muthu, avo gumogo ni vagadzi vawe, sanana sawe nya sikhwathana nesi nya sagadzyana; nyi na va fenengedza khu libango va li wusidego vabune.

Jeremiya 15:7

Nyi va vbevberide khu gisavala dzinyangwani nya litigo, vathu vangu nyi va dzegede sanana sawe, nyi bwelo khavbo nyi va mbembisa; gambe kha va diga dzindzila dzawe nya guwegele.

Jeremiya 15:8

Dzinoni dzawe, dzi tade guvbindra fungu wa phwani; nyi rumede mumbembisi ga mayi nya madzaha yawe, gu ngari mihani; nyi mu resede khu githugedza gusaniseka ni hwanga, gu tadza lidhoropa latshavbo.

Jeremiya 50:30

Khu guralo, madzaha yawe ma na mbambamela vbakari nya dzindzila dzawe, ni masotshwa yawe ma na mbembiswa litshigu lolo, a ngu ganela Pfhumu Nungungulu.

Jeremiya 9:21

Kholu lufu li litide li bela khu sihogo nya dzinyumba dzathu, li ya bela ni dzinyumbani nya wufumu; li sasede sanana dzindzilani ni madzaha malangani nya mitendrela nya madhoropa.

Gililo 1:15

Pfhumu theside dzindrena dzangu dzatshavbo dzi nga bani dzi nyi phasedzela, a rambide nyimbi, yi ta sasela madzaha yangu; Pfhumu gandredzede nyamahegyane nya likendzi wa Judha, gukhwatshi a gu gama dzindzawa. Ain

Gililo 5:3

Hi sigulungu nyambana babe, vamayi vathu vomo nga dzinoni

Ezekiyeli 16:38

Nyi na gu lamula kha nga idzo va lamudwago khidzo vanyamayi nya maphuphulu, ni vale va songago vathu; nyi na vbaladza novba wago khu likhulo langu li wusago wufu.

Ezekiyeli 22:25

Vbakari nya vathangeli vago yomo ghudzeghudze nga nghala yi ngurangurago ya gu bani yi vbadzulela pfimba waye; avo va gu vbedza vathu; va wandra dzithomba ni sombo nya lisima, vanyamayi nya vangi va khala dzinoni vbakari gwawe.

Amosi 4:10

Nyi rumede tungu nya gufanane ni uwo nyi nga rumela Vagipiti. Nyi songa madzaha yanu khu litshari; dzikavalu dzanu dzi di phangwa. Nyi di tadza dzithonvuni gwanu khu gu nunga nya sirumbi nya mabutho yanu; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Dhewuteronome 32:25

Vbavbandze, va naya sasedwa khu matshari, dzinyumbani va na mbemba khu guvbisa; lidzaha lina mbemba gumogo ni likendzi, gyanana gya beleni gumogo ni gikhosane.

2 Thimoti 4:14

Alesandre, mupfhuli nya dzisimbi a nyi hosede ngudzu; Pfhumu a na mu bweledzela mayelano ni mithumo yaye.

1 Samuweli 15:33

Samuweli a di mu embela, khuye: “Kha nga olu litshari lago li nga songetela sanana sa vanyamayi nya vangi, Olu mayi wago nuye, a na tshala nyambana uwe.” Samuweli a di dzegela gu mu songa mbeli ga Pfhumu Nungungulu, dhoropani ga Giligali.