Jeremiya 18:18 - Bhibhiliya Nya Guage

¹⁸ Vathu va di ganela, khavo: “Hongoleni hi hunga gikungo nya guwugele Jeremiya; kholu kha gi na fuva gihevbudzo nya nayo wa muphasi nya mhamba, ni wusingalagadzi wa mugengeli, ambari magana ya muprofeti; hongoleni hiya mu paya khu malito yathu, hi nga khathali khu magana yaye.”

Jeremiya 18:18 Iomraidhean Croise

2 Samuweli 15:31

Khavbo avbo, va diya tivisa Dhavhidhe, khavo: “Ayitofeli nuye womo mugikungoni gya Abhisalamo.” Dhavhidhe a di ganela, khuye: “Pfhumu Nungungulu, hafumula wusingalagadzi wa Ayitofeli, wu khala wupumbu!”

2 Samuweli 17:14

Abhisalamo ni vatshavbo va na Israyeli, va dipwa gikungo gya Husayi Muaraki nari gyadi gu vbindra gya Ayitofeli. Kholu Pfhumu Nungungulu a di gode gukhuye gi fuviswa gikungo nya gyadi gya Ayitofeli, gasi Abhisalamo a kodze gu thegedwa khu libango.

1 Dzipfhumu 22:24

Khavbo avbo, Zedhekiya, mwamana wa Kanahana, a di vboha vbafuvbi ga Mikeya, a mu veta pama khovbeni, a mu wudzisa, khuye: “Li dugide khu hayi avbo gwangu liphuvbo la Pfhumu Nungungulu wangu, li ta ganela nago?”

2 Dzikoronika 24:21

Va di hunga gikungu nya gu mu songe; va mu pfara khu siwindri, khu guruma ga mufumeli mulikupakupani nya Nyumba ya Pfhumu Nungungulu.”

Joba 5:13

A gu mola va nya gugengela khu mano yawe, a phalalegisa makungo ya va nya guvivbedwa khu monyo khu guvbiredza.

Dzindzimo 21:11

Ambari va nga gu girela matshoho, va luga makungo, kha va na gira gilo;

Dzindzimo 52:2

Lidimi lago la gu luga makungo nya guvivbe; kha nga ngala nya gulodzwe, la gu luga wukanganyisi.

Dzindzimo 57:4

Nyi randredwe khu valala va fananago ni dzinghala, va vbweta gu nyi hodza; magwaha yawe kha nga matshari ni siholoma, malimi yawe gukhwatshi migala nya gulodzwe.

Dzindzimo 64:3

Va gu lodza lidimi gu fanana ni litshari va khwandra magana nya guvivbe kha nga siholoma,

Mavingu 18:21

Gufa ni guvbanya gomo tshivbani nya lidimi la muthu, uye a li thumisago a na havela mihandro yaye.

Isaya 32:7

Mipimiso ya muthu nya gidambane, yi vivbide, a gu gira makungo nya guvivbe, gasi gu ghohetela mahungu nya sisiwana khu malipha, a si ganedza ambari sa gu ganela lisine.

Jeremiya 1:19

“Va na dwana nago, aholu kha va na gu pala; kholu eni nyi na bani nyiri nago gasi gu gu vbulugisa; a ngu ganela Pfhumu Nungungulu.”

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Jeremiya 18:11

Gasi olu, embela vathu va na Judha ni vavbanyi va Jerusalema, khuwe: Pfhumu Nungungulu a ngu ganela kharati, khuye: “Wonani nya gukhenu nyi ngu mi dongisela dzimhango ni gikungo nya gu mi wugele; dzi woneleni olu vbindrugedzani mavbanyelo yanu nya guvivbe, muthu ni muthu a ndreya ndzilani gwaye mu lulamisa dzindzila dzanu ni sigiro sanu.”

Jeremiya 18:19

Nyi wone, Pfhumu Nungungulu, upwa iso si ganedwago khu valala vangu.

Jeremiya 2:8

Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 26:11

Khavbo avbo, vaphasi nya mhamba ni vaprofeti va di embeledzela manganagana ni vathu vatshavbo, khavo: “Muthu yoyu fanede gufa, kholu a profetide guvivba a wugela lidhoropa leli, kha nga mu si pwidego khu dzindzeve dzanu.”

Jeremiya 37:13

Na nga gu vboha Nyangwani ga Bhejami, a di gu manega vbale muthangeli nya guwonelele, lina laye a di ranwa pwani khu Jeriya, mwamana wa Selemiya, mwamana wa Hananiya, a di mola muprofeti Jeremiya a mu embela, khuye: “Uwe wa gu thava uya dzi ningela ga Vakalidhiya.”

Jeremiya 43:2

Azariya, mwamana wa Hosaya, ni Jowanani, mwamana wa Kareya, ni vatshavbo va nya matshandza, va di embela Jeremiya, khavo: “Malipha isoso u ganelago! Pfhumu Nungungulu wathu, kha gu rumela guta hi embela khuye, hi nga hongoli hiya khala tigoni ga Egipito.

Jeremiya 44:16

“Magana u hi embelago nya gukhuwe ma guta khu ga Pfhumu Nungungulu, ethu gima kha hi na gu yingisa!

Jeremiya 44:17

Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Jeremiya 8:8

Olu, khu ginani mu ganelago, khenu: Ethu hi nguti, kholu milayo ya Pfhumu Nungungulu yomo gwathu? Wonani nya gukhenu milowo ya valovi vanu, yi vbindrugedzide nayo wu khala malipha.

Gililo 3:62

ni magana nyamba vbela ma dugago matshigu yatshavbo khu maganani gwawe gasi gu nyi dwanisa.

Ezekiyeli 7:26

Yi nata tshanisa vbatshani nya tshanisa, guta hwanga vbatshani nya hwanga, va vbweta giwoniso khu ga muprofeti ni gihevbudzo nya Nayo khu ga muphasi nya mhamba, va na gi hamuga, ni madhota ma na hamuga wusingalagadzi.

Levhi 10:11

gu vbwetega mu hevbudza sanana satshavbo sa Israyeli milayo yile Pfhumu Nungungulu a va ningidego khu mandzani ga Mosi.”

Mikeya 3:6

Khu guralo, ligovbeni gwanu avbo mu na lalago, kha mu na wona siwoniso; gu na manega gidema, gasi mu si tuguli misihalo, vaprofeti vava, va na pfoledwa khu lidambo, litshigu lawe li khala gidema.

Mikeya 3:7

Va tuguli nya misihalo va na khala dzitshoni, va nya dzisolo va na kanganyisega, vatshavbo va na sega magana yawe, kholu kha gu na manega phindrulo nya gute khiyo ga Nungungulu.

Malakiya 2:7

Kholu likana la muphasi nya mhamba, li fanede gu sayisa guti, gambe vathu va lirede gupwa nayo khu kanani gwaye, kholu uye ngilozi ya Pfhumu Nungungulu nya Tshivba Yatshavbo.

Luka 11:45

Moyo nya muhevbudzi nya Nayo a di khusa lito, khuye: “Muhevbudzi, maganelelo yoyo, wa gu pata ni ethu.”

Johane 9:40

Vambe Vafarisi, na va pwide magana yaya, va di khavo: “Wa guvbweta gukhuwe ethu nethu hi sikhumu, gani?”