Jeremiya 18:17 - Bhibhiliya Nya Guage

¹⁷ “Vathu vangu nyi na va phalalegisa vbakari ya valala vawe, nga phuvbo yitago khu Khugadambo; nyi gikha marundra nyi va pfhurarela, nyi si va yeyedzi khovbe yangu khu litshigu nya mhango.”

Jeremiya 18:17 Iomraidhean Croise

Joba 27:21

A na furugedzwa khu phuvbo ya Khugadambo, a mwalalega, yi mu vbuvbisa, a duswa wulangani gwaye.

Dzindzimo 48:7

Gufanana ni phuvbo ya Khugadambo yi fanyeledzelago mataro ya Tarisisi.

Mavingu 24:16

kholu muthu nya gululame, ambari a thega livbandre na dzimbili dzinyondro, uye a na wuga, aholu vathu nya guvivbedwe khu monyo, litshigu nya mhango, va na thegela muphelo.

Jeremiya 13:24

Khu guralo, nyi na mi phalalegisa kha nga mungu wu vbuvbiswago khu phuvbo giwulani.

Jeremiya 2:27

Avo va manago simbo, khavo: “Uwe khuwe melegi wangu; mu embela giwindri, khenu: Uwe khuwe u nga hi gira; kholu mu di nyi pfhurarela mu si nyi khedzi; aholu khu gikhati nya wuvi mu ngu nyi alakanya, khenu: Khuga u eme u hi vbanyise.”

Jeremiya 32:33

Ambari ulo nyi nga bani nyi va ninga sileletelo sangu, avo kha va dzumela gu nyi yingisa, va di nyi pfhurarela va bomba gu hevbudzwa.

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Ezekiyeli 27:26

Vadzuwi vago nya makasiya, va gu gimbidziside khu vbatshani nya mati ya linene; aholu phuvbo ya Khugadambo, yi guvbadzulede vbakari nya mati ya linene.

Ezekiyeli 7:22

Nyi na thendregedza khovbe yangu nyi va pfhurarela, avo va ga nyenyezisa wulanga wangu wu sihadego; kholu va na bela avbovbo vaphangi va gu nyenyezisa.

Hoseya 13:15

Ambari a gu ninga mihandro vbakari ga vandriyaye, gu nata phuvbo ya Khugadambo, khu ga Pfhumu Nungungulu, yi furugedza gukhugela giwulani, yi bangisa sifefe sawe, gu banga ni nambo wawe. Thomba yawe yatshavbo yi na phangwa khu malangani yi khalago umo.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.

Dhewuteronome 31:17

Khu litshigu lolo, likhulo langu li na khondra vbakari gwawe, nyi va diga ni gu va sihela khovbe yangu, nyi va diga va mbembiswa khu dzimhango nya gutale; ni dzitshanisa dzi nata vbatshani gwawe; aholu avo va na ganela, khavo: Ina libango leli khandri la gu hi thegela kholu Pfhumu Nungungulu wathu, a gu mwalo vbakari gwathu, gani?

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.