Jeremiya 18:16 - Bhibhiliya Nya Guage

¹⁶ gasi gu gira litigo lawe li khala gisamadziso, vavbindri nya ndzila va samala, va kutsunga mihungo khilo.

Jeremiya 18:16 Iomraidhean Croise

1 Dzipfhumu 9:8

Ni nyumba yeyi ambari yi khusegidego ngudzu, ni wevbini a na vbindrago khu vbafuvbi ga iyo, a na samala ngudzu ni guwomba ndrodzi, khuye: Khu ginani Pfhumu Nungungulu, a giridego silo nya nga esi, ga litigo leli ni ga nyumba yeyi?

2 Dzikoronika 29:8

Khu guralo, li dzude likhulo nya likhongolo la Pfhumu Nungungulu, vbakari ga na Judha ni Jerusalema, a va ningela gumbembiswani, va legalega va khala gihegiso kha nga mu si wonago khu maho yanu.

Dzindzimo 109:25

Va gu nyi wona va gu nyi hega; va ziviza va kutsunga mihungo.

Dzindzimo 22:7

vatshavbo va nyi wonago va gu nyi hembulula; va hama likana, va khiniga mihungo, khavo:

Dzindzimo 44:14

U ngu hi gira tekatekane ga va nya mayigo, vathu va gu hi wona va gu khiniga mihungo.

Isaya 37:22

aya khu magana Pfhumu Nungungulu a ganedego khu mahungu yaye: Nyamahegyane nya likendzi wa Siyoni, a ngu gu hega ni gu gu tsoredzela; nyamahegyane wa Jerusalema avbo u vbindrago a gu kutsunga hungo.

Isaya 6:11

Khavbo avbo, nyi di mu wudzisa, kheni: “Kala lini, Pfhumu yangu?” Uye a di nyi phindrula, khuye: “Kala madhoropa ma khala marumbi, dzinyumba dzi khala nyambana vathu, ni litigo latshavbo li vbindrugedza li khala giwula.

Jeremiya 19:8

Lidhoropa leli li khala gisamadziso ni gihegiso; watshavbo a na vbindrago khavbo a na samala a womba ndrodzi, khu kotani nya dzimhango dzaye nya dzikhongolo.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 44:12

Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 48:27

Gasi wa gu wona Israyeli a di siri gilo nya gihegiso avbo gwago, gani? Ina uye a di manwa wuvafani, gani? Khu ginani u hegago gikhati gyatshavbo va ganelago khuye?

Jeremiya 49:13

Kholu, eni mune kamwe nyi sambanyide khu lina langu, a ngu ganela Pfhumu Nungungulu, Lidhoropa la Bhozira, li na vbindrugedza li khala gilo nya guthise, li na khala marumbi ni gihegiso, vbakari nya vathu vatshavbo, ni madhoropa yaye yatshavbo ma na khala nari marumbi kala gupindruga.

Jeremiya 49:17

Kharati, Edhomi a na khala gilo nya gusamadzise; vatshavbo va na vbindrago khu mule va na liwuga bwelo khavbo va womba ndrodzi khu kotani nya dzimbanga dzaye dzatshavbo.

Jeremiya 50:13

Khu kotani nya likhulo la Pfhumu Nungungulu, mwalo na moyo a na gu khalago umo, aholu li na bani liri marumbi nya guvbelele; ni vatshavbo va na vbindrago khu Bhabhiloni, va na samala ni gu womba ndrodzi, khu gu wona dzimhango dzatshavbo dzi na gu mu dugelelago.

Jeremiya 51:37

Bhabhiloni a na vbindrugedza a khala litala nya siwindri umo yi na vbanyelago umo migehe, gilo nya gisamadziso ni gihegiso, wulanga wu si khadwigo khu muthu.

Jeremiya 51:43

Madhoropa yaye ma vbindrugedzide ma khala marumbi, ma khala marumbi ni gihala, giwula nyamba khadwa khu muthu umo ni muthu moyo a si vbindrigo khumo.

Jeremiya 9:11

Jerusalema nyi na gu gira gu khala siwungela nya siwindri, gu khala liphala nya migehe; ni madhoropa ya Judha ma na khala giwula nyamba khadwa khu muthu.

Gililo 1:12

Enu mwatshavbo mu vbindrago khu ndzila, nga khedzani mu wona mwendro gomo gumbe gusaniseka gu vbindrago ugo gwangu, ogu Pfhumu Nungungulu a nyi giredego khu litshigu nya likhulo laye. Mem

Ezekiyeli 12:19

Embela vathu va tigoni, khuwe: Mune Pfhumu Nungungulu, a ngu ganela kharati ga vathu vale va vbanyago Jerusalema ni Israyeli, khuye: Va na hodza na vari ni wugara, va sela mati na va vbede tshivba, kholu satshavbo si guromo tigoni gwawe si na wandrwa khu kotani nya dzihanyi dza vatshavbo va vbanyago mule.

Ezekiyeli 27:36

“Vamahungane va vbakari nya mayigo, va di womba ndrodzi va samala; kholu u khade gilo nya gihegiso, u na fuva nyamba wonega gambe.”

Ezekiyeli 36:3

Khu guralo, profeta u ganela, khuwe: Mune Pfhumu Nungungulu, a ngu ganela kharati, khuye: Avo va di mi pfhungumula mu khala marumbi, va bwelo khavbo va mi lundrani khu maphuvbo yatshavbo, avbo enu mu nga khalani thomba nya mayigo ni gu khalani maganani nya vathu nya guvivbedwe khu monyo, ni va nya milembo.

Ezekiyeli 6:14

Nyi na thawuludza libogo langu vbatshani gwawe, nyi pfhungumula litigo lawe gukhugela giwulani gya Marandzi, kala dhoropani ga Ribila, phuvbo ga Wuronga, nyamba tshiya ni wulanga wumowo nya umo va vbanyago umo va na Israyeli; gikhati gyogyo va na dziti gukhavo kheni Pfhumu Nungungulu.”

Levhi 26:32

Nyi na ghohetela litigo leli, valala vanu va nata khalago umo, va na liwuga ni gu samala.

Levhi 26:43

Va na diga Litigo li khala giwula, li mana guhefemula gwaye nya dzisabhadho; avo va mana hakhelo nya milandru yawe, kholu va hambanide ni sileletelo sangu, mihefemulo yawe yi nyenyide milayo yangu.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”

Matewu 27:39

Vavbindri nya ndzila va di mu vala, na va gu khiniga mihungo, khavo:

Marko 15:29

Vavbindri nya ndzila va di mu vala na va gu khiniga mihungo, khavo: “Ah! Uwe u pfhungumulago Nyumba ya Nungungulu u yi vbahedza khu matshigu mararu!

Dhewuteronome 28:59

Pfhumu Nungungulu a na gu veta khu mitungu nya gu samadzise, uwe gumogo ni situgulwana sago; mitungu yeyi nya yikhongolo nya gusimame ni madwali nya gugaradze nya mangi ngudzu nyamba saywa.

Dhewuteronome 29:23

Khu guralo, mayigo yoyo yatshavbo ma na wudzisa, khayo: Khu ginani Pfhumu Nungungulu a giridego esi tigoni momu? Khu gevbini givangelo gi nga wusago likhulo nya nga eli?