Jeremiya 18:15 - Bhibhiliya Nya Guage

¹⁵ Kholu vathu vangu va nyi divade, vaya vbisela libani vanungungulu nya sifananiso; si va tshunganisa ndzilani gwawe va thega va diga ndzila yawe ya gale, gasi va ndreya va gimbila khu dzindzila dza khabini nyamba lulama;

Jeremiya 18:15 Iomraidhean Croise

Nehemiya 9:17

Va di bomba gu gu yingisa, va si alakanyi gambe siliwugiso U giridego vbakari gwawe, va di bangisa mihungo yawe, khu guyeyisa gwawe, va di dzi hathela muthu gasi a va thangela gu bwelela wugumbitunu, aholu uwe, U Nungungulu U dzi emisedego gu tsetselela, na wuri ni wuhigo, nu tade khu wuhindzi, U hwelago gu goroga na wu tade khu wuhindzi, khu guralo, Uwe khwa va pfhuralela.

Isaya 3:12

Vathu vangu va gu tshaniswa khu sanana, va fumedwa khu vanyamayi. Enu! Vathu vangu, avo va mi thangelago va gu mi kanganyisa va mi ndreyisa ga ndzila mu yelago gu gimbila khiyo.

Isaya 41:29

Vatshavbo kha va sizi gilo, esi va girago si mwalo giphaso, sifananiso sawe nya gupfhudwe, liphuvbo nya gu dzi pfhadze basi.

Isaya 57:14

Gu na ganedwa pwani: “Polani ndzila, langaladzelani mafu, agisani ndzila mu dusa sitshunganiso ndzilani ga vathu vangu.”

Isaya 62:10

Dugani, dugani khu myanya! Tulelani ndzila vathu vangu! Guledzelani, guledzelani makondro! Mu duselani siwindri! Ghwimbani ngavbya gasi va nya mayigo va wone!

Isaya 65:7

Pfhumu Nungungulu a ngu ganela kharati, khuye: Khu guvivba gwanu, gumogo nugo ga vababe vanu, va vbisidego libani sigomoni, va nyi vala na vari musigomwanani; khu guralo, nyi na simama gu pima mithumo yawe ya gale vbakari gwawe.”

Isaya 9:16

Kholu vathangeli nya vathu vava va kanganyisi, ni avo va thangedwago khavo, va na mbembiswa.

Jeremiya 1:16

Khu guralo, nyi na va lamula gukhedza khu guvivba gwatshavbo va giridego. Kholu, va hambanide ni eni, va vbisela libani vambe vanungungulu, ni gu khozela vanungungulu va nga girago khu mandza yawe.

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 11:12

Khu guralo, madhoropa ya Judha ni vavbanyi va Jerusalema, va na lila ga vanungungulu va nga va vbiselago libani; aholu, kha va na vbanyiswa khavo khu litshigu nya libango.

Jeremiya 11:13

Uwe Judha, tengo nya vanungungulu vago wungi ngudzu; va ninganago ni madhoropa yago, gukhedza khu tengo nya dzindzila dza Jerusalema, mu emiside siluvelo nya dzitshoni mu vbisela avbo libani Bhahali.

Jeremiya 11:17

Kholu Pfhumu Nungungulu nya Tshivba Yatshavbo, Uye a gu yadego a tiviside gu gu resela mhango khu kotani nya sighoho si giridwego khu ndranga ya Israyeli ni ya Judha, kholu mu nyi wusede likhulo khu gu vbisela libani Bhahali.

Jeremiya 13:25

Khigyo egi giavelo gyago, gipandre u na pimedwago kheni, a ngu ganela Pfhumu Nungungulu; kholu u di divaledwa kheni, u tumba vanungungulu nya malipha.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 17:13

Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.

Jeremiya 18:14

Ina musiwindrini ga Libhanoni gu ngu khala nyambana thondrwane, gani? Mwendro mitsongo ya sigomoni yi gogago mati nya gudzidzile nya gute khu hwindzo, ina yi ngu vbwa, gani?

Jeremiya 19:5

Va giride siluvelo nya guphasele dzimhamba nya guvbiswe va vbisela nungungulu Bhahali, gasi va vbisela avbo sanana sawe; iso nyi ngamba va ruma gu gira ambari gu si alakanya monyoni gwangu.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 2:32

Ina yomo mbiri yi divaledwago khu dziphera nya gu dzi mburisele, mwendro khundzwa yi divaledwago khu keka waye, gani? Aholu vathu vangu va nyi divade, khu gipandre nya matshigu nyambana tengo.

Jeremiya 3:21

Gupwala dzihuwa sigomoni nya gulaphe; gililo gya va na Israyeli va lombago gu divaledwa ni gu pwedwa wuhindzi; kholu va nga diga Pfhumu Nungungulu wawe, va landra yimbe ndzila.

Jeremiya 44:25

Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Enu gumogo ni vagadzi vanu mu sambanyide khu magana yanu, mu bwelo khavbo mu gira khu mandza yanu, khenu: Khu lisine hi na tadzisa gisambanyo gyathu hi giridego, nya guvbisele libani Pfhumugadzi ya Ndzadzini ni gu ninga miningelo nya miphaso nya wadwa; ina kamwe, tadzisani ni gu tiyisa gifungo gyanu!

Jeremiya 51:18

Iso kha si phasi gilo, mithumo nya wupumbu; khu litshigu nya tsayiso, satshavbo si na mbemba.

Jeremiya 6:16

Pfhumu Nungungulu a ngu ganela kharati, khuye: “Emani khu bambe nya ndzila mu wona, mu wudzisa khu sindzilana sa gale, mu wudzisani ndzila nya yadi, belani khiyo mu na ya mana gurula mihefemulo yanu. Aholu, mu di hakha, khenu: Kha hi na yi landra.”

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Ezekiyeli 21:15

Gasi myonyo yi titivale ni gu engedzela gutshunganela va thega, vbafuvbi ni dzinyangwa dzawe nyi vegide litshari nya gusonge. Oh! Ilo li giridwe gasi gukhedziga kha nga gulasa gasi gu sasela.

Ezekiyeli 36:15

Gima kha nyi na gu diga u poyidwa khu va nya mayigo; khu na khala gambe gihegiso nya mayigo, ambari vathu vago gutshunganiswa va thega. A ngu ganela Mune Pfhumu Nungungulu.

Hoseya 11:2

Aholu, avbo eni nyi nga bani nyi gu va rana, avo va di simama gu bomba va nyi pfhurarela. Va girela miphaso vanungungulu nya Vabhahali ni gu vbisela libani sifananiso nya guvatwe.

Hoseya 2:13

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.

Hoseya 2:6

Sanana saye kha nyi na si sayisa khu lihaladzo, kholu sanana sa wubhayini gwaye.

Malakiya 2:8

Aholu enu mu di ndreya ndzilani, mu tshunganisa va nya gutala khu sihevbudzo sanu; mu tshungunula gidzumeledzwano nyi giridego ni Levhi, a ngu ganela Pfhumu Nungungulu nya Tshivba Yatshavbo.

Matewu 15:6

muthu yoyo tshulegide mahoni gwanu. Mwalo gambe giguruvedzo nya guphase babe mwendro mayi waye. Mu tshipisa, kharati, nayo wa Nungungulu khu kotani nya tumbunugo wanu.

Varoma 14:21

Gwadi gumba hodza nyama, ni gumba sela wadwa, ni gumba gira gilo wa gu dziti gukhuwe gi na tshunganedzisa ndriyago a thega gighohoni.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.