Jeremiya 17:8 - Bhibhiliya Nya Guage

⁸ Kholu uye a na fanana ni simbo wu yadwego bambe nya mati, mikhamba yaye yi navago kala matini, ambari li khondra lihani kha wu wuni: Aholu mahagane yaye ma gu nyuga gikhati gyatshavbo; kha wu khathali khu gihala, gikhati gyatshavbo wa gu ninga mihandro.

Jeremiya 17:8 Iomraidhean Croise

Joba 29:19

Mikhamba yangu yi na nava kala matini, matamo yangu ma thegedwa khu thondrwane wutshigu watshavbo.

Joba 8:16

Uye simbo wu gu ni mahagane ma nyugago nyamba thava lihani, matamo yaye ma gu thaphela ma enedza lithembwe latshavbo;

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Mavingu 11:28

Uye a tumbago thomba yaye a na theswa khiyo, aholu avo valulamidego va na nyuga kha nga simbo wu thelago nyenvu.

Isaya 58:11

Pfhumu Nungungulu a na gu thangela gikhati gyatshavbo, malangani nya gihala gu na ninga iso u si vbwetago, ni gu tiyisa marambo yago; u khala kha nga lithembwe nya senge li theledzedwago mati, ni gifefe nya mati ma gumba vbela.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Jeremiya 39:18

Kholu Eni khu lisine nyi na gu vhikela; khu na songwa khu litshari, aholu u na vbanyisa womi wago, kholu u tumbide Eni,” a ngu ganela Pfhumu Nungungulu.

Ezekiyeli 31:3

Wonani gukheni Asiriya a diri sena wa Libhanoni, nya matamo nya gumbure, nya mahagane nya yadi ma ningago mutsa, ni tshina nya gulaphe, dzitshoka dzago dzi di vboha kala mapfhini.

Ezekiyeli 47:12

Vbafuvbi ni tsongo, khu bambe ga eno ni eno, gu na buga misimbo nya mafumbo yatshavbo nya guninge mihandro nya guhodzwe; mahagane yaye kha ma na nga wu na, gambe kha gu na hamugega mihandro yaye; khu migima yaye, yi na velega mihandro nya yiphya, kholu mati yaye ma gu duga khu nyumbani nya guage; mihandro yaye yi na khala guhodza, mahagane yaye ma khala rendre.”