Jeremiya 17:3 - Bhibhiliya Nya Guage

³ Uwe gigomo gyangu gya khabini, thomba yago ni gyuma gyago gyatshavbo si na phangwa khu valala vago, gumogo ni musigomoni gwago gatshavbo u phaselago umo khu kotani nya sighoho u giridego tigoni gwago gwatshavbo.

Jeremiya 17:3 Iomraidhean Croise

2 Dzipfhumu 24:13

A di dzega vbale thomba yatshavbo ya Nyumbani gwa Pfhumu Nungungulu, ni yatshavbo thomba ya nyumbani ga mufumeli; a pandrelela sombo satshavbo nya ndralama, si nga girwago khu Solomoni mufumeli wa Israyeli, Nyumbani gwa Pfhumu Nungungulu, kha nga idzo a nga bani na ganede khidzo Pfhumu Nungungulu.

Dzindzimo 78:58

Va di mu gorosa khu gu gira siluvelo nya wuhedheni, va mu girisa wufu khu kotani nya gukhozele vanungungulu nya malipha.

Isaya 27:9

Khidzo kharato, nandru wa Jakobe wu na handzwa, owu a nga bani nari handro nya gutsetseledwe sighoho saye, si na dzi yeyedza khu gu va khungumulela siluvelo satshavbo, va pandrelela siwindri sakone si khala wuguvbi, va sigulela madingo ya nungungulu nya malipha Asitaroti ni sifananiso nya lidambo, si thega vbavbatshi.

Jeremiya 12:12

Vapfhungumuli va dita khu malangani yatshavbo nya sigomo ni ya giwulani; kholu litshari la Pfhumu Nungungulu li na vbiyela litigo leli gukhugela mahegiso kala mambe mahegiso nya litigo; mwalo ni moyo a na manago gurula.

Jeremiya 15:13

Silo sago ni thomba yago nyi na si ningela si phangwa mahala, khu kotani nya talo nya sighoho sa tigoni gwago gwatshavbo.

Jeremiya 20:5

Gambe nyi na ningela mufumo watshavbo nya lidhoropa leli ga valala vago va phanga silo nya lisima, gumogo ni thomba yatshavbo ya vafumeli va Judha, va na dzega ni gu phanga satshavbo va si yisa Bhabhiloni.

Jeremiya 21:13

Wona nya gukhuwe nyi mi wugede, enu vavbanyi va kovani, ni uwe giwindri gi ladzidwego panini, a ngu ganela Pfhumu Nungungulu; nyi na wugela ni enu mu ganelago khenu khu mani a na gu relelago ata hi wugela? Mwendro khu mani a na gu belago dzinyumbani gwathu?

Jeremiya 26:18

Na nga gu fuma Ezekhiya, mufumeli wa Judha, muprofeti Mikeya wa Morasi, a hi profetide a ganela ga vathu vatshavbo va Judha, khuye: Pfhumu Nungungulu nya Tshivba Yatshavbo ganede kharati, khuye: Siyoni a na limwa nga lithembwe, Jerusalema a na vbindrugedza a khala litala nya marumbi, lina nya Nyumba ya Nungungulu li vbindrugedza li khala gigomo gi bhiyidwego khu likhabi.

Gililo 1:10

Nala a mu dzegede thomba yaye yatshavbo. Uye wonide va nya mayigo na va gu bela nyumbani gwaye nya miphaso, eyi u nga va himbedzelago, khuwe: Kha va yeli gu gubela tshanganoni gwago.” Caf

Ezekiyeli 16:39

Eni nyi na gu ningela mandzani ga sibhayi sago, avo va na khungumulela malanga yago nya miphaso nya gunyenyeze ya musigomoni, va gu rundruwulela guambala gwago, va gu dzegela sombo sago nya lisima, va gu diga nuri wumbwiri.

Ezekiyeli 23:46

Mune, Pfhumu Nungungulu a ngu ganela kharati, khuye: Nyi na va rumela gidzemo nya gingi, nyi va ningela pfilupfiluni ni guphangwani.

Ezekiyeli 6:3

u va embela, khuwe: Enu sigomo sa Israyeli, upwani magana ya Pfhumu Nungungulu, a ngu ganela kharati ga enu sigomo, sigomwana, mitsongo ni mikova, khuye: Nyi womo vbafuvbi ni gu resa dzinyimbi dzi ta mi saselago; nyi na khungumula siluvelo sa vanungungulu vanu nya malipha.

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Mikeya 3:12

Khu guralo, khu kotani yanu, Siyoni gu na limwa nga lithembwe, ni Jerusalema gu na khala litala nya siwindri, ni gigomo nya Nyumba ya Nungungulu, gi na khala gigomo nya likhabi.

Sofoniya 1:13

Khu guralo, dzithomba dzawe dzi na phangwa, dzinyumba dzawe dzi khungumuledwa. Va na vbaha dzinyumba, aholu kha va na lala umo, va na yala misimbo nya mihandro nya miuvha, aholu kha va na sela wadwa wakone.