Jeremiya 17:27 - Bhibhiliya Nya Guage

²⁷ “Aholu, mwa gumba nyi yingisani, mu si dzumeli gu agisa litshigu nya Sabhadho, ni gu rwalani mirwalo nya gulemele, mu bela nayo khu dzinyangwani nya lidhoropa khu litshigu nya Sabhadho, nyi na vasa nilo wu nata dagaredzisago dzinyumba dzatshavbo nya wufumu dza Jerusalema, uwo wu na gumba tshimega gambe.”

Jeremiya 17:27 Iomraidhean Croise

2 Dzipfhumu 22:17

Kholu va nyi pfhurarede, va vbisela libani vambe vanungungulu, va nyi gorosa khu mithumo yatshavbo nya mandza yawe, khu guralo, likhulo langu, li di vila khu wulanga wowu, gima kha li na tshimega.

2 Dzipfhumu 25:9

a ta vbisa Nyumba ya Pfhumu Nungungulu, nyumba ya mufumeli, gumogo ni dzinyumba dzatshavbo dza Jerusalema; a vbisa ni dzinyumba dzatshavbo dza vathangeli.

2 Dzikoronika 36:19

Va di vbisa Nyumba ya Pfhumu Nungungulu, va khungumulela makhokhola ya Jerusalema, dzinyumba dzawe nya wufumu dzi di vbiswa khu nilo, va pandrelela mikanvu yawe yatshavbo nya lisima.

Dzindzimo 122:7

Gu na tale gurula mabhiyoni gwago ni gutangala dzinyumbani gwago nya wufumu.

Isaya 1:20

Aholu, mwa gu bomba, mu simama gu ganedza, mu na mbembiswa khu matshari; a ngu ganela Pfhumu Nungungulu.

Isaya 1:31

Muthu nya tshivba a na fanana ni mavivi, ni thumo waye, wu na khala kha nga tshahe nya nilo; vatshavbo va na vbiswa gumogo va hamuga ni muthu nya gu va tshimele.

Jeremiya 17:24

Pfhumu Nungungulu a ngu ganela, khuye: Mwa gu nyi yingisa khu lisine, kha mu na rwala mirwalo nya gulemele mu vbindra nayo khu dzinyangwani dza dhoropani momu khu litshigu nya Sabhadho, aholu mu na ninga githawo litshigu nya Sabhadho, mu li agisa nyamba thuma gilo.

Jeremiya 17:4

Khu guralo, nyi na dusa mandzani gwago thomba yatshavbo nyi gu ningidego, nyi na gu gira u thumela valala vago, ga litigo u si litigo; kholu u vaside nilo nya likhulo langu, wu na khondra nyamba tshimega.

Jeremiya 18:1

Aya khu magana Pfhumu Nungungulu a ma rumedego ga Jeremiya, khuye:

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Jeremiya 21:14

“Nyi na mi tsayisani gukhedza khu mithumo yanu, a ngu ganela Pfhumu Nungungulu; nyi na khondrisa nilo khabini gwanu, wu na vbisago satshavbo si guromo bambe nya lidhoropa lanu.”

Jeremiya 22:5

Aholu, mwa gumba yingisa magana yaya, Eni Pfhumu Nungungulu, nyi ngu sambanya khu lina langu gukheni, ndranga yeyi yi na vbindrugedza yi khala marumbi.

Jeremiya 32:29

Vakalidhiya va saselago lidhoropa leli va na bela umo va li vbisa khu nilo, va na vbisa ni dzinyumba edzi va na Israyeli va nga wusa khidzo likhulo langu khu gu lita khu vbatshani nya sikoli va vbisa libani gasi gu girela dzimhamba Bhahali ni gu ninga miphaso nya wadwa vambe vanungungulu nya malipha.

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Jeremiya 44:16

“Magana u hi embelago nya gukhuwe ma guta khu ga Pfhumu Nungungulu, ethu gima kha hi na gu yingisa!

Jeremiya 49:27

Nyi na khondrisa nilo, nyi vbisedzela libhiyo la Dhamasiko, uwo wu na dagaredzisago ni dzinyumba nya wufumu dza Bheni-Hadhadhi.

Jeremiya 52:13

a ta vbisa Nyumba ya Pfhumu Nungungulu, nyumba ya mufumeli, dzinyumba dzatshavbo dza dhoropani ga Jerusalema gumogo ni dzinyumba dza vathu vatshavbo nya guthavisege.

Jeremiya 6:17

Nyi vegide gambe vawoneleli vbakari gwanu, nyi va embela, kheni: “Yingisani gudzuma nya pundru!” Aholu avo va di nyi hakha, khavo: Kha hi dzumeli gu gu yingisa.

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Gililo 2:6

Pfhungumude Tshatsha waye nga khwatshi lithembwe; a fuvisa wulanga nya tshangano waye. Pfhumu Nungungulu a fuviside Siyoni, matshigu nya mibuzo ni dzisabhadho khu kotani nya guvbisege gwaye, fuviside vafumeli ni vaphasi nya mhamba. Zain

Gililo 4:11

Pfhumu Nungungulu vbohide mahegiso nya likhulo laye, vbaladzide likhulo laye, rothide nilo Siyoni wu nga vbisago siseketelo nya madingo yaye. Lamed

Ezekiyeli 16:41

Avo va na vbisa dzinyumba dzago khu nilo, va gu tsayisa nu gu wonwa khu vanyamayi nya vangi. Nyi na gu gira u vbedze wubhayi, u si engedzi gambe gurengelela sibhayi sago.

Ezekiyeli 21:15

Gasi myonyo yi titivale ni gu engedzela gutshunganela va thega, vbafuvbi ni dzinyangwa dzawe nyi vegide litshari nya gusonge. Oh! Ilo li giridwe gasi gukhedziga kha nga gulasa gasi gu sasela.

Ezekiyeli 21:3

U va embela, khuwe: Pfhumu Nungungulu a ngu ganela kharati, khuye: Wona gukhuwe nyi na gu wugela. Nyi na homola litshari langu nyi mbembisa vbakari gwago uye nya gululame ni uye nya guvivbedwe khu monyo.

Ezekiyeli 22:8

Khwa ninga githawo sombo sangu nya guage, u di nyenyezisa dzisabhadho dzangu.

Ezekiyeli 23:38

Eni neni va nyi giride esi: Khu litshigu la limwedo va nyenyeziside nyumbani gwangu nya miphaso gumogo ni dzisabhadho dzangu.

Hoseya 8:14

Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Amosi 1:10

Khu guralo, nyi na khondrisa mabhiyo ya Tiro khu nilo, wu vbisa dzinyumba dzawe nya wufumu.”

Amosi 1:12

Khu guralo, nyi na rotha Temani khu nilo, wu vbisa dzinyumba nya wufumu dza Bhozira.

Amosi 1:14

Khu guralo, nyi na rotha khu nilo mabhiyo ya Rabha, wu vbisa dzinyumba dzawe nya wufumu, gu wombwa dzihuwa khu litshigu nya nyimbi, gu fanana ni gipupwane litshigu nya gingulu.

Amosi 1:4

Khu guralo, nyi na rotha nilo ndrangani ga Hazayeli, wu na gu vbisago makhokhola ya Bheni-Hadhadhi

Amosi 1:7

Khu guralo, nyi na rotha nilo mabhiyoni ya Gaza, wu vbisa dzinyumba nya wufumu.

Amosi 2:2

Khu guralo, nyi na rotha Mowabhi khu nilo, wu na vbisago dzinyumba nya wufumu dza Keriyoti; Mowabhi a nafa khu gudzuma nya gukhongolo, vbakari nya ligwaha nya nyimbi, ni gu gudzuma nya pundru.

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.