Jeremiya 17:24 - Bhibhiliya Nya Guage

²⁴ Pfhumu Nungungulu a ngu ganela, khuye: Mwa gu nyi yingisa khu lisine, kha mu na rwala mirwalo nya gulemele mu vbindra nayo khu dzinyangwani dza dhoropani momu khu litshigu nya Sabhadho, aholu mu na ninga githawo litshigu nya Sabhadho, mu li agisa nyamba thuma gilo.

Jeremiya 17:24 Iomraidhean Croise

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Ekisodha 20:8

Alakanya litshigu nya Sabhadho, u li agisa.

Isaya 21:7

A gu wona vathu na va khilede dzikavalu na vari vavili vavili, ni vama na va khilede siburwana mwendro dzingameriya, a na va khedze gwadi a dzi wonela gwadi.”

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Ezekiyeli 20:20

Agisani dzisabhadho dzangu, gasi idzo dzi khale giyeyedzo vbakari gwanu. Khu guralo, mu na dzitini gukhenu eni kheni Pfhumu Nungungulu wanu.

Zakariya 6:15

Ni avo va guromo hwindzo va nata va ta vbahedza Nyumba ya Pfhumu Nungungulu, khavbo mu na dzitigo gukhenu eni nyi rumedwe gwanu khu Pfhumu Nungungulu nya Tshivba Yatshavbo, isoso si na girega khu lisine mwa gu landrisa khu gutumbega lito la Pfhumu Nungungulu wanu.”

Dhewuteronome 11:13

Khu kharato, mwa gu yingisa khu lisine milayo yangu muhuno nyi mi leletelago, nya guhaladzeni Pfhumu Nungungulu wanu, ni gu mu thumela khu monyo wanu watshavbo ni hefemulo wanu watshavbo,

Dhewuteronome 11:22

Kholu, mwa gu vegedzani milayo yeyi yatshavbo nyi mi leletelago gasi mu yi vegedza, mu haladza Pfhumu Nungungulu wanu, mu gimbila khu dzindzila dzaye dzatshavbo, na mu gu dzi ningedzela gwaye,