Jeremiya 17:21 - Bhibhiliya Nya Guage

²¹ Pfhumu Nungungulu a ngu ganela kharati, khuye: Mwa gu vbweta guvbanya, dzi woneleni mu nga rwali mirwalo khu litshigu nya Sabhadho, gambe mu nga bedzini gilo khu dzinyangwani dza Jerusalema.

Jeremiya 17:21 Iomraidhean Croise

Ekisodha 20:8

Alakanya litshigu nya Sabhadho, u li agisa.

Mavingu 4:23

Guvbindra silo satshavbo, vegedza monyo wago, kholu khumo gu guromo guvbanya gwago.

Isaya 56:2

Kategide wule a landrisago milayo yeyi, ni muthu wule a tiyago ga iyo, a dzi vegedza gumba nyenyezisa Sabhadho, a si giri guvivba khu mandza yaye.”

Isaya 58:13

Wa gu dzi vegisa u si nyenyezisi Sabhadho, u si thumi iso si godwago khu monyo wago khu litshigu langu nya guage, litshigu nya Sabhadho u li rana nari litshigu nya gutsake li phasedwego Pfhumu Nungungulu, li yelago gu zundzwa; wa gu li rungudza u si yi umo u gu golago, u si vbweti gu gira iso uwe u si golago, ambari gu ganela silo nya guvivbe,

Marko 4:24

A di engedza gambe, khuye: “Gengelani gwadi khu iso mu si pwago: Ndrengo mu na gu pimago khiyo mu na pimedwa nenu khiyo khu Nungungulu bwelo khavbo mu gu tadzisedwa.

Luka 8:18

Yingisani gwadi iso nyi mi embelago: Uye a gu naso a na engedzedwa; gasi uye a gu mwalo gilo, ni esi nya sidugwana a gu naso, a na dzegedwa.”

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Dhewuteronome 11:16

Dzi woneleni myonyoni gwanu, gasi mu si phazamiswi mu thumela vambe vanungungulu, mu noga mbeli gwawe.

Dhewuteronome 4:15

Dzi woneleni gwadi enu va mune, kholu gimwalo ni gimwegyo gifananiso mu gi wonidego litshigu lile Pfhumu Nungungulu wanu a ganedego nanu gigomoni ga Horebhi, nari vbakari nya nilo;

Dhewuteronome 4:23

Dzi vegedzeni mu nga divali gidzumeledzwano gya Pfhumu Nungungulu wanu, a giridego nanu, mu nga tshuki mu dzi girela gifananiso nya guwumbwe, gi fananago ni gilo gile Pfhumu Nungungulu wanu, a mu himbedzedego.

Dhewuteronome 4:9

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Josuwa 23:11

Khu guralo, dzi garadzeni khu gu vegedza hefemulo wanu gasi mu fela gu gola Pfhumu Nungungulu wanu.