Jeremiya 17:13 - Bhibhiliya Nya Guage

¹³ Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.

Jeremiya 17:13 Iomraidhean Croise

Dzindzimo 22:4

Vababe vathu va di tumba uwe; va di gu tumba, uwe u di va vbanyisa;

Dzindzimo 69:29

Gasi eni nyi vbisegago ni gutshaniseka, nyi wuse u nyi vbanyisa, uwe Nungungulu u gu wuthavelo wangu.

Dzindzimo 71:5

Kholu uwe Pfhumu Nungungulu, khuwe gitumbo gyangu, nyi tumbide uwe gukhugela wananani wangu.

Dzindzimo 73:27

Avo va dzi pambulago gwago, va nafa; uwe u ngu fuvisa vatshavbo avo va si khodwigo gwago.

Dzindzimo 97:7

Va na thedwe dzitshoni avo va khozelago sifananiso nya guvatwe, avo va dzi khusedzago khu gu khozela sifananiso, va na khidzime mbeli gwaye vanungungulu vatshavbo.

Mavingu 10:7

Mapimo ma tshidwego khu muthu nya gululame, ma gu resa gikategiso, aholu lina la muthu nya guvivbedwe khu monyo, la gu vbiredza gufuva,

Mavingu 14:14

Uye nya guvivbedwe khu monyo a na khura khu mavbanyelo yaye, aholu muthu nya gululame a na khura khiso sa monyoni gwaye.

Isaya 1:28

Aholu, va nya guvivbedwa khu myonyo ni sighohi, va na pfhungumudwa gumogo vatshavbo; avo va pfhurarelago Pfhumu Nungungulu, va na mbembiswa.

Isaya 66:5

Yingisani magana ya Pfhumu Nungungulu enu mu mu thavago, enu mu ndrendremelago mbeli nya magana yaye. Vandriyanu va na mi nyenya va mi tutumisa, muya hwindzo khu kotani nya lihaladzo lanu khu lina langu, va ganela, khavo: “Pfhumu Nungungulu a na yeyedze wudhumo waye, gasi hi kodze gu wona gutsaka gwanu, vathu vovo va na thedwa dzitshoni.”

Jeremiya 14:8

Uwe khuwe gitumbo gya Israyeli, mutshudzisi gikhatini nya wuvi! Khu ginani u khala nga muluveli tigoni, kha nga muvbindri nya ndzila a ndreyago gasi guya lala a gedwa basi?

Jeremiya 17:17

U nga khali gilo nya guthavise avbo gwangu; uwe u gu wuthavelo wangu litshigu nya mhango.

Jeremiya 17:18

Va na tale khu dzitshoni vale va nyi tshanisago, aholu eni nyi nga thegi dzitshonini; va na ndrendremele avo, nasiri eni; va na thegedwe khu libango nya wuvi, u va sasela khu dzimhango nya guwuyelele.

Jeremiya 17:5

Pfhumu Nungungulu a ngu ganela kharati, khuye: A na vadwe muthu wule a tumbago muthu kwawe, a dzi seketela avbo nya givangwa nya nyama ni novba, monyo waye na wuri hwindzo ni Pfhumu Nungungulu!

Jeremiya 19:4

Khu kotani va nyi digidego ni gu nyenyezisa wulanga wowu, khu gu vbisela avbo libani vambe vanungungulu va ngamba vati, ambari vababe vawe ni vafumeli va Judha; va tadzide wulanga wowu khu novba nya vathu nyambana nandru.

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:17

Ina satshavbo sesi, khandri si di gu dugelela kholu u nga hambana ni Pfhumu Nungungulu wago, a nga bani a gu gimbidzisa khu ndzila, gani?

Jeremiya 50:7

Vatshavbo avo va va manago va gu va sasela; valala vawe na va gukhavo: Ethu hi mwalo nandru; kholu avo va ghohede Pfhumu Nungungulu gumogo ni wulanga nya wululamo, a gu Pfhumu Nungungulu, gitumbo gya vababe vawe.

Ezekiyeli 13:9

Gyandza gyangu gi na wugela vaprofeti va girago siwoniso nya wukanganyisi ni nyatumbatumbane nya malipha. Avo kha va na lumba huwo nya vathu vangu, kha va na lovedwa libhukuni nya vathu va Israyeli, gambe kha va na bela tigoni ga Israyeli. Khu guralo, enu mu na dzitini gukhenu Eni kheni Mune Pfhumu Nungungulu.

Ezekiyeli 16:63

Nyi na gira esi, gasi u alakanye ni gu khala dzitshoni, gima u si tuli gambe likana lago khu kotani nya dzitshoni dzago, gikhati nyi nga tsetselelana nago khu satshavbo u giridego; a ngu ganela Mune Pfhumu Nungungulu.”

Ezekiyeli 36:32

Dzitini nya gukhenu kha nyi giri esi khu kotani nya lihaladzo nanu, a ngu ganela Mune Pfhumu Nungungulu. Enu va na Israyeli, thegani vbavbatshi khu dzitshoni, khu kotani nya dzindzila dzanu nya guvivbe.

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

Joyele 3:16

Pfhumu Nungungulu a na bhonga khu Siyoni, lito laye li na dzuma khu Jerusalema; gu ndrendremela ndzadzi ni mafu, aholu Pfhumu Nungungulu a na khala wuthavelo nya vathu vaye ni likhokhola la va na Israyeli.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Zakariya 9:12

Bwelelani likhokholani gwanu enu sibotshwa, mu tadego khu gutumba; muhuno nyi ngu tivisa gukheni nyi na mi bweledzela satshavbo khu nyondro mbili.

Luka 10:20

Gasi enu, mu nga tsakini basi khu gu yingiswa khu maphuvbo. Aholu tsakani kholu malina yanu ma lovidwe Ndzadzini.”

Johane 4:10

Jesu a di mu hakha, khuye: “Nari pwani u ngu wuti wuhigo wa Nungungulu ni oyu a gukhuye: ‘Nyivbe mati nyi sele’, uwe khuwe u nga vbweta gu mu lomba, uye na gu ninga mati nya guvbanye.”

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Mithumo 28:20

Khiso esi nyi nga mi ranelani, gasi guta mi wona ni gu mi tivisani, kholu dzitshinga dzedzi nyi hungidwe khu kotani nya gitumbo hi gu nagyo ethu va na Israyeli.”

1 Thimoti 1:1

Eni Pawulo, Mupostoli wa Kristo Jesu, khu gu rumwa khu Nungungulu Muvbanyisi wathu ni Jesu Kristo, gutumba gwathu,

Gutuledwa 20:15

Tsivani momo va di rinywa vatshavbo vathu va nga bani va sa lowa malina yawe omu nya libhuku nya womi.

Gutuledwa 21:6

A di nyi embela gambe, khuye: “Satshavbo si giregide! Eni kheni Guphela ni Mahegiso (Alfa ni Omega). Oyu a gu ni lidora nyi na mu ninga a sela mahala mati nya gifefe nya guvbanye.

Gutuledwa 22:1

Khavbo avbo, ngilozi yi di nyi yeyedza tsongo nya mati nya womi, nya gukhedzige nga libona nya kristali, na ma gu duga khu vbagikhalotunu nya wufumu wa Nungungulu ni wa Nvutana.

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.

Gutuledwa 7:17

Kholu Nvutana yi guromo vbagikhalotunu nya wufumu khiyo yi va havisago, yi va yisa namboni nya mati nya womi. Nungungulu a na va bavbula marongo yawe yatshavbo.”