Jeremiya 17:12 - Bhibhiliya Nya Guage

¹² Gikhalo gyathu nya wudhumo, gi khusegidego ngudzu gukhugela guhegulani, khu wulanga wathu nya miphaso.

Jeremiya 17:12 Iomraidhean Croise

Dzindzimo 103:19

Pfhumu Nungungulu tiyiside gikhalo nya wufumu Waye Ndzadzini, wufumu waye womo vbatshani nya silo satshavbo.

Dzindzimo 96:6

Wudhumo ni wugulu somo mbeli gwawe, tshivba ni wumburi, somo nyumbani nya guage.

Isaya 6:1

Khu mwaga a fudego khuwo mufumeli Uziya, nyi wonide Pfhumu na khade vbagikhalotunu nya gikhongolo nya wufumu nya gukhugege, guambala gwaye gu di fenengedza Nyumba nya Miphaso.

Isaya 66:1

Pfhumu Nungungulu a ngu ganela kharati, khuye: Ndzadzini gikhalo gyangu nya wufumu, ni mafuni gigandredzelo nya migondro yangu. Gasi lifumbu muni nya nyumba mu hadzago gu nyi vbahela, ni gasi wulanga muni nyi yelago gu hefemula avbo, na?

Jeremiya 14:21

Khu kotani nya lihaladzo nya lina lago, u nga hi digi; u nga poyili gikhalo gyago nya wudhumo, alakanya gidzumeledzwano hi hungidego nago, u nga gi tshuli.

Jeremiya 3:17

Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.

Ezekiyeli 1:26

Khu vbatshani nya rodha nya mihungo yawe, gu diromo gilo nya gufanane ni gikhalo nya wufumu nya gukhedzige nga giwindri nya safira; khu vbatshani nya igyo nya gufanane ni gikhalo nya wufumu, gu diromo gilo nya gufanane ni muthu khu vbatshani gwaye.

Ezekiyeli 43:7

“Mwamana wa muthu, owu khuwo wulanga nya gikhalo gyangu nya wufumu, ni wulanga wu gandredzedwago khu migondro yangu, avbo nyi na vbanyago vbakari ga sanana sa na Israyeli kala gupindruga; va na Israyeli gima kha va na nyenyezisa gambe lina langu nya gukatege, avo, mwendro vafumeli vawe, khu kotani nya wubhayi wawe; ni gu vega umo sirumbi sa vafumeli vawe.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.

Vahebheru 4:16

Khavbo avbo, hongoleni hi tiye hi hidzimela vbagikhalotunu nya wufumu wa Nungungulu nya gutale khu wuhigo, avbo hi na ya manago guvbanya ni gu phasedzedwa hi gu vbwetago gikhati gyatshavbo.

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.