Jeremiya 17:11 - Bhibhiliya Nya Guage

¹¹ Muthu a wungedzelago thomba khu wukanganyisi; a gu fanana ni tshugwa yi fundramelago mandra yi ngamba ma vega; vbakari nya matshigu yaye a na yi luza, khu guhegisani a na khala madhadhavale.

Jeremiya 17:11 Iomraidhean Croise

Joba 20:21

Gimwalo ni gimwegyo gi nga bani gi vbindra nyamba gi wandra, khu guralo, gughanya gwaye kha gu naya hwindzo.

Dzindzimo 49:13

Gupimisa gwawe khwa wupumbu; ni avo va va landriselago va gu tsakiswa khu magana yawe.

Dzindzimo 55:23

Aholu uwe Nungungulu u ngu va gira va relela phalani nya guete; avo vathu nya sighevenga ni wukanganyisi, kha va na vbohisa vbakari nya matshigu yawe nya guvbanye; aholu eni nya gu tumba uwe!

Mavingu 13:11

Thomba nya gu yi mane khu gu kanganyisa, kha yi hweli gu vbela, aholu iyo nya gu yi mane khu guthuma ya gu engedzelana.

Mavingu 15:27

Muthu nya makolo a gu thela libango ndrangani gwaye, gasi uye a gumba dzumela gu rengeledwa, a na vbanya.

Mavingu 21:6

Thomba nya gu yi mane khu gu kanganyisa, ya gu tshatshega gu fanana ni thondrwane, i naphwi wu gu vangelago lufu.

Mavingu 23:5

U nga vegi maho yago ga thomba u si yeligo gu yi mana, kholu iyo yi na mana mambapi kha nga lighama, yi vbuvba yiya damboni.

Mavingu 28:16

Muthangeli nyambana mapimo, a gu engedzela sitshaniso nya singi, aholu uye a gumba dzumela gu rengeledwa, a na laphisa matshigu yaye nya gufume.

Mavingu 28:20

Muthu a tumbegidego a na tala khu makategwa, aholu uye a vbwetago gufuma khu givbiredza, gima kha na hamuga tsayiso.

Mavingu 28:22

Muthu nya ligungo a gu tutumela gufuma, aholu kha dziti gukhuye a na khala gisiwana.

Mavingu 28:8

Uye a andrisago thomba yaye khu guvelegisa dzitsapawu nya gufiyarise, a gu yi hengeledzela uye a pwelago wuhindzi sisiwana.

Jeremiya 22:13

Libango ga uye a dzi vbahelago nyumba khu wukanganyisi, a yi andrisa nyambana nayo, a thumisago vakwawe nyamba va hakhisa, a si va ningi tshatshazelo nya thumo wawe;

Jeremiya 22:17

Aholu, maho ni monyo wago, ma gu vbweta gu wona basi gu tsakiswa khu dzithomba, ni gu vbaladza novba wu gu mwalo nandru, ni gu fuma vathu khu dzihanyi ni wughevenga.

Jeremiya 6:13

kholu gukhugela ga sanana kala vakhongolo, vatshavbo va gu vbweta gu ghanya. Vaprofeti ni vaphasi nya mhamba, vatshavbo sidambane.

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Amosi 3:10

Kholu avo kha va kodzi gu gimbila khu gululama, a ngu ganela Pfhumu Nungungulu, va gu wungedzela dzinyumbani gwawe nya wufumu esi va nga phangago khu wurena ni dzihanyi.

Mikeya 2:9

Mu tutumisa vagadzi va vathu vangu mapangoni gwawe va ma golago, mu luziside muphelo wuzundzo wangu ga sanana sawe.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Sofoniya 1:9

Litshigu lolo, nyi na tsayisa gambe, vatshavbo vale va gandrago nvunvuri, wa vanungungulu nya malipha, va tadzago nyumba ya mune wawe, khu silo nya wuvafa va phangago khu dzihanyi ni wudambane.

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Matewu 23:13

Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Luka 12:20

Aholu Nungungulu a di mu embela, khuye: ‘Gipumbu gikhongolowe! Wutshigu wa muhuno va na gu dzegela hefemulo wago. Esi u nga vegedzelago si na tshalela mani?’

1 Thimoti 6:9

Aholu, ava va vbwetago gughanya, va gu thegela gulingwani ni naphwini nya guvbwete silo nya singi nyambana giphaso. Khiso si girago vathu va bela guvivbani, va mbemba ni wurumba wawe.

Tito 1:11

Gu vbwetega u va sege magana yawe, kholu va ngu dzuwungela dzindranga dzatshavbo va gu hevbudza esi si si yeligo na va gu dwanela gu mana dzitsapawu khu silo nya dzitshoni.

2 Pedro 2:14

Kha va khedzi nyamayi nyamba mu dogorela, kha va garali khu gu gira sighoho. Va gu kanganyisa vathu nyamba tiya. Mapimo yawe khya gu alakanya gu mana dzitsapawu. Avovo va vadwe khu Nungungulu.

2 Pedro 2:3

Kotani nya misuwo nya dzitsapawu, vahevbudzi vovo nya malipha va na mi kalavela, va ganela mitsheketo nya gu yi vange. Gale na dongide mulamuli wawe, ni mumbembisi wawe wugide kha na hwela.