Jeremiya 17:10 - Bhibhiliya Nya Guage

¹⁰ Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 17:10 Iomraidhean Croise

1 Dzipfhumu 8:39

uwe va yingise khu ndzadzini yoyo, wulangani u khadego avbo, ninga moyo ni moyo maningano khu dzindzila dzaye dzatshavbo, nidzo u na wonago khidzo monyoni gwaye, kholu khuwe basi u wonago myonyo yatshavbo ya sanana sa vathu.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

2 Dzikoronika 6:30

khu guralo, Uwe nuri khu ndzadzini yoyo, wulangani gwago U khalago avbo, va tsetselele U ninga muthu ni muthu mayelano khu dzindzila dzaye, kholu khuwe basi utigo myonyo ya sanana nya vathu,

Joba 34:11

Kholu a gu bweledzela muthu mayelano ni mithumo yaye, a mu ninga maningano khu dzindzila dzaye.

Dzindzimo 44:21

ina Nungungulu a sa hi tugula gani, uye a yitigo misihalo ya myonyoni, gani?

Dzindzimo 44:22

Aholu khu kotani nya gu gu haladze, hi ngu songetedwa matshigu yatshavbo, va hi gira kha nga dzinvuta nya guye gusindzwatunu.

Dzindzimo 62:12

Lihaladzo la gu lumba Pfhumu kholu a gu bweledzela ga muthu ni muthu gukhedza khu mithumo yaye.

Dzindzimo 7:10

Nungungulu khuye gitshangu gyangu; a ngu vbanyisa va nya myonyo nya gululame.

Dzindzimo 7:9

Vbedza guvivba nya sighohi, u tiyisa muthu nya gululame Uwe Nungungulu nya gululame u wonago monyo ni mahingigedzo.

Mavingu 12:14

Muthu ni muthu a gu hakha handro nya iso a si dusago khu kanani gwaye, ni gu mana tshatshazelo nya sile a girago khu mandza yaye.

Mavingu 17:3

Parata ya gu lingwa khu nilo ni ndralama ya gu nyiviligiswa khu lidhingiso, aholu myonyo ya vathu ya gu lingwa khu Pfhumu Nungungulu.

Muhevbudzi 9:3

Ogu khu guvivba gu guromo vbakari nya silo si girwago mafuni momu. Gu vatshavbo va mana mahegiso nya idzosaye. Khu guralo, myonyo ya vathu yi tade khu guvivba, gukhwatshi va di handruga guvbanyani gwawe; khu guhegisa va guya phalani nya vafi.

Isaya 59:18

A na bweledzela tshatshazelo ga moyo ni moyo gukhedza khu mithumo yaye; a na yisa likhulo laye ga valala vaye; ni gu bweledzela ga avo a dwanago navo iso si vbwetago; ni mayigo ya sidwani, a na ma ninga tshatshazelo yawe.

Jeremiya 11:20

Aholu, Uwe Pfhumu Nungungulu nya Tshivba Yatshavbo, mulamuli a lulamidego, U lingago mapimo ni hefemulo, dzi yeyedze gwangu khu gu livbisa vathu vava; kholu avbo gwago nyi vegide mahungu yangu.

Jeremiya 12:13

Va di yala tirigu, va vbwera miba; va dzi garadzide mahala; mu na khalani dzitshoni khu mihandro nya guvbwere gwanu; khu kotani nya gukhondre nya nilo nya likhulo la Pfhumu Nungungulu.

Jeremiya 20:12

Gasi olu, uwe Pfhumu Nungungulu nya Tshivba Yatshavbo, uwe u khedzago monyo nya muthu a lulamidego, ni guti mapimo nya monyo waye, nyi phodzele ga valala vangu na nyi gu va wona khu maho yangu, kholu nyi gu tiviside mahungu yangu.

Jeremiya 21:14

“Nyi na mi tsayisani gukhedza khu mithumo yanu, a ngu ganela Pfhumu Nungungulu; nyi na khondrisa nilo khabini gwanu, wu na vbisago satshavbo si guromo bambe nya lidhoropa lanu.”

Jeremiya 23:2

Khu guralo, Pfhumu Nungungulu wa Israyeli a ngu ganela kharati ga vahavisi va havisago vathu vangu, khuye: Mu phalalegiside dzinvuta mu dzi dzimedza mu si khathali khidzo; khu guralo, nyi na mi tsayisa khu kotani nya mithumo yanu nya guvivbe.

Jeremiya 32:19

Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Ezekiyeli 11:5

Khavbo avbo, Liphuvbo la Pfhumu Nungungulu li dita gwangu li ta nyi embela, khilo: Pfhumu Nungungulu a ngu ganela kharati, khuye: Khiso mu ganelago, enu va na Israyeli, aholu eni nyi ngu siti iso mu si pimisago khu myonyoni gwanu.

Ezekiyeli 14:5

Esi nyi na si gira gasi gu wuyisela myonyo ya va na Israyeli, kholu vatshavbo va hambanide ni Eni, va landrisela sifananiso sawe.

Mikeya 7:13

Aholu, litigo leli li na khala giwula, khu kotani nya wuvivbi wu giridwego khu vathu va vbanyago umo ni kotani nya mihandro yawe va giridego.

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Matewu 6:4

gasi zomola yago yi si tidwi khu muthu. Kharati, Babe wago, a gu uye a wonago iso si sihadego, a na gu ninga tshatshazelo.

Johane 2:25

Kha nga vbweta gu embedzedwa mavbanyelo ya moyo ni moyo, kholu uye mune a di gu yiti myonyo yawe.

Mithumo 1:24

Khavbo avbo, va di gira nombelo, khavo: “Pfhumu, Uwe utigo monyo nya muthu ni muthu, wonegisa ga ava vavili khu wevbini uye u mu hathidego,

Varoma 6:21

Aholu, giphaso muni mu gi manidego khu gu thumani silo, muhuno si mi thelago dzitshoni? Mahegiso nya mithumo yoyo khu gufa.

Varoma 8:27

Uye a wonago ndrani nya myonyo a ngu giti egi Liphuvbo li vbwetago gu lomba, kholu Liphuvbo la gu lombelela khu vale va lumbago Nungungulu, kha nga edzi Nungungulu a dzinago khidzo.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.

Gutuledwa 20:12

Nyi di wona va nya gufa, vakhongolo ni sanana, va na emide mbeli nya gikhalo nya wufumu. Ma di tudwa mabhuku. Li tudwa gambe libhuku nya womi. Vafi va di lamudwa nga idzo gu nga bani gu lovidwe khidzo mabhukuni, gupima khu mithumo yawe.

Gutuledwa 22:12

“Wonani, eni nyi nguta khu gu vbiredza, nyi resa tshatshazelo wa muthu ni muthu gukhedza khu mithumo yaye.

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.