Jeremiya 16:4 - Bhibhiliya Nya Guage

⁴ “Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 16:4 Iomraidhean Croise

2 Dzipfhumu 9:10

Jezabheli a na hodzwa khu dzimbwa mahangeni ya Jezireyeli, kha na mana ni muthu nya gu mu dzinge.” Khavbo avbo, a di tula lidimba a tutuma.

Dzindzimo 78:64

Vaphasi nya mhamba va di songwa khu matshari; dzinoni dza vaphasi dzi di himbedzedwa gu lila vama vawe.

Dzindzimo 83:10

U nga va mbembisa dhoropani ga Eni-Dhori; sirumbi sawe si hinidego mafuni.

Isaya 18:6

Vatshavbo va na ningedwa ga makoti ya musigomoni, ni ga sirengo sa khabini, va hodzwa; va na khala guhodza ga vamahigonganye va vbamarongatunu, va gu hodzwa khu sirengo satshavbo sa khabini vbagirametunu.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Jeremiya 19:7

Kholu ga wulanga wowu, nyi fuviside makungo ya Judha ni ya Jerusalema, nyi na va gira va thega khu matshari mbeli ga valala vawe ni mandzani ga vale va va vbwetago gu va songa; sirumbi sawe si na rothedwa khu sinyoni sa damboni ni gu hodzwa khu sirengo sa khabini.

Jeremiya 21:6

Nyi na sasela vavbanyi va dhoropani momu, vathu gumogo ni sirengo; va nafa khu tungu nya guthise.

Jeremiya 25:33

Khu matshigu yoyo, sirumbi nya vathu va na ningedwago khu Pfhumu Nungungulu guveni va songwa, si na mbambamela gukhugela mahegiso kala mahegiso nya litigo; mwalo a na gu va dzingago ni gu va lila, si na tadza mafu kha nga mavivi.

Jeremiya 34:17

Khu guralo, Pfhumu Nungungulu a ngu ganela kharati, khuye: “Enu kha mwa nyi yingisani gu tshula vandriyanu muwugumbini. Olu eni Pfhumu Nungungulu, nyi ngu mi embelani gukheni nyi na mi tulelani dzinyimbi dzi ta mi sasela khu matshari, mitungu ni dzindzala; mu na khala gihegiso vbakari nya mifumo yatshavbo ya mafuni.

Jeremiya 34:20

nyi na va ningela mandzani ga valala vawe ni ga vatshavbo va vbwetago gu va sasela, sirumbi sawe nyi na si ningela si khala guhodza nya sinyoni sa damboni ni sirengo sa khabini.

Jeremiya 36:30

Khu guralo, Pfhumu Nungungulu a ngu ganela kharati khu kotani ya Jowakimi, mufumeli wa Judha, khuye: Mwalo ni moyo nya gitugulwana gyago a na gu khalago vbagikhalotunu nya wufumu wa Dhavhidhe, sirumbi sawe si na dzudzugwa sivbya khu lihani vbamihanitunu ni gu banga khu girame vbawutshigutunu.

Jeremiya 44:12

Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 44:27

Gikhati gyatshavbo nyi na va suvela dzimhango nasiri makategwa; Vajudha vatshavbo va vbanyago tigoni ga Egipito, va na mbembiswa khu matshari ni ndzala kala va vbela vatshavbo.

Jeremiya 7:33

Sirumbi sa vathu vava, si na rothedwa khu sinyoni sa damboni ni gu hodzwa khu sirengo sa mafuni; mwalo ni moyo a na si gusago.

Jeremiya 9:22

Va embele, khuwe: Pfhumu Nungungulu a ngu ganela kharati, khuye: “Sirumbi nya vathu si na mbambamela kha nga gitoromu gi thedwago marembweni, si mbambamede kha nga dzinyandra nya mavbila ya muvbweri, nyamba kodzwa gu roledwa khu muthu.”

Gililo 4:9

Avo va nga songwago khu matshari va kategide guvbindra avo va ngafa khu ndzala; kholu va gu saniseka khu gu hamuga guhodza gwa mahangeni. Yod

Ezekiyeli 24:21

Embela vathu va Israyeli, khuwe: Mune Pfhumu Nungungulu a ngu ganela kharati, khuye: Nyi womo vbafuvbi ni gu nyenyezisa nyumba yangu nya miphaso, likhokhola mu dzi khusedzago khilo, li tsakisago maho yanu, gilo gi tangadzisago myonyo yanu. Sanana sanu nya sikhwathana nesi nya sagadzyana mu si tshidego iyoyo, si na songetedwa khu matshari.

Ezekiyeli 5:12

Gipandre nya wuraru nya vathu vago gi nafa khu mitungu mwendro ndzala vbakari gwago; gipandre nya wuraru va na songwa khu matshari vbavbandze nya lidhoropa, ni gipandre nya wuraru nyi na va phalalegisa khu maphuvbo yatshavbo ni gu va lundra na nyiri ni litshari mandzani.

Sofoniya 1:17

Nyi na pwisa wuvi vathu, avo va na gimbila khu gu phiphithela nga sikhumu, kholu va ghohede Pfhumu Nungungulu, novba wawe wu na vbalaga nga kudzudzwane ni sirumbi sawe si na khala nga ndzilo.

Dhewuteronome 28:22

Pfhumu Nungungulu a na gu veta khu madwali nya gikhohola, dzedzedze, gindrendrewane, gisimba mwendro giwumbwa ni guvbisa nya guthise, ni gu hina nya dzimbewu, dzinyimbi ni mitungu yi na gu lundrago kala u fuva.

Dhewuteronome 28:26

Girumbi gyago gi na khala guhodza nya sinyoni sa damboni ni sirengo sa mafuni, mwalo a na kodzago gu si tutumisa.