Jeremiya 16:21 - Bhibhiliya Nya Guage

²¹ Aholu gukhugela olu guya mbeli, nyi na va layedza ni gu va gira va wona tshivba yangu, va na dziti gukhavo lina langu kheni Pfhumu Nungungulu.”

Jeremiya 16:21 Iomraidhean Croise

Dzindzimo 83:18

Va na dziti gukhavo khuwe basi u gu Pfhumu Nungungulu, khuwe basi u Khusegidego ngudzu vbatshani nya litigo latshavbo!

Dzindzimo 9:16

Pfhumu Nungungulu a dzi yeyedzide, khu gulamula gwaye nya gululame; oyu nya guvivbe monyo, a di konwa khu malipha yaye.

Ekisodha 14:4

Khavbo avbo, Eni nyi na bangisa monyo wa Faro ni mabutho yaye yatshavbo nya nyimbi, khavbo va na dzitigo Vagipiti gukhavo Eni kheni Pfhumu Nungungulu. Avo va di gira kharato.

Ekisodha 15:3

Pfhumu Nungungulu ndrena nya tshivba, Lina laye khuye Pfhumu Nungungulu.

Ekisodha 6:3

Nyi dzi wonegiside ga Abrahama, ga Isaki ni ga Jakobe, kha nga Nungungulu nya Tshivba Yatshavbo, aholu, khu lina langu nya Pfhumu Nungungulu kha nya tidwa gwadi.

Isaya 43:3

Kholu eni kheni Pfhumu Nungungulu wago, Nyaguage wa Israyeli, Muvbanyisi wago; nyi ningede Egipito, gu khala mudzegisi wago, Etiyopiya ni Sebha wulangani gwago.

Jeremiya 33:2

Pfhumu Nungungulu a girago silo sesi, Pfhumu Nungungulu a wumbago esi gasi gu si tiyisa, lina laye a gu uye Pfhumu Nungungulu, a ngu ganela kharati, khuye:

Ezekiyeli 24:24

Ezekiyeli a na khala giwonelo gwawe; enu mu na gira kha nga edzi uye a giridego. Sa gu girega isoso, mu na dzitini nya gukhenu, eni kheni Mune Pfhumu Nungungulu.

Ezekiyeli 24:27

“Ga litshigu lolo, likana lago li na tulega; u na ganela naye khu na nga khala gidudu. Khu guralo, uwe u na khala giwonelo nya gusamadzise gwawe, avo va na dziti gukhavo eni kheni Pfhumu Nungungulu.”

Ezekiyeli 25:14

Eni nyi na phodza ga Edhomi, khu mandza ya Israyeli, a gu vathu vangu, Israyeli a na lamula Edhomi gukhedza khidzo nyi gorogidego khidzo ni likhulo langu; va na Edhomi va na liti likhulo langu,” a ngu ganela Mune Pfhumu Nungungulu.

Ezekiyeli 6:7

Vathu vaye va na thega khu gu songwa mbeli gwanu, gasi mu kodza gu dziti gukhenu, eni kheni Pfhumu Nungungulu.

Amosi 5:8

Vbwetani uye a nga gira tshangano nya dzinyeledzi ni thandra nya masase; uye a vbindrugedzago gidema gi khala guwonegela nya dzimindrudzile, mihani gu vbindrugedza gu khala wutshigu, uye a ranago mati ya linene a ma guhula vbatshani nya mafu; lina laye khuye Pfhumu Nungungulu.