Jeremiya 16:20 - Bhibhiliya Nya Guage

²⁰ Ina muthu a nga dzi kodza gu dzi girela vanungungulu, gani? Kholu avo khandri vanungungulu nya lisine!

Jeremiya 16:20 Iomraidhean Croise

2 Dzipfhumu 19:18

va vbisa niloni vanungungulu vawe; kholu avo va di siri vanungungulu, aholu va diri sifananiso nya guvatwe khu mandza nya vathu, nya misimbo ni siwindri; khu guralo, va va mbembiside.

Isaya 36:19

Vomo hayi vanungungulu va Hamati ni va Aripadhi? Vomo hayi vanungungulu va Sefarivhayimi? Ina avo, va di nga dzi kodza gu vbulugisa Samariya mandzani gwangu, gani?

Isaya 37:19

va vbisedzede vanungungulu vawe, kholu khandri a diri vanungungulu, aholu a diri sifananiso, thumo nya mandza nya vathu, nya guvatwe khu misimbo ni siwindri; khu guralo va si khungumulede.

Jeremiya 2:11

Ina lomo litigo li nga vbindrugedzago vanungungulu vawe, gani? Ambari vanungungulu vawe a gu siri vanungungulu nya lisine, gani? Aholu vathu vangu va digide wudhumo wawe, va khozela vanungungulu va si phasigo gilo.

Jeremiya 5:7

Nyi na dzi kodza kharini gu gu divalela na nyi gu wona esi? Kholu sanana sago si nyi digide, va sambanya khu avo va gu siri vanungungulu; hwane nya gubani nyi mi ningide siningwa nya gutale, kha mwa tumbega, mu di tadzani migondro dzinyumbani nya maphuphulu mu ya tshangana iyoyo;

Dhaniyeli 3:1

Mufumeli Nabhukodhonosori a di gira gifananiso nya ndralama nya livbandre na limwedo magumi mikono gukhugega, ni magumararu mikono guanama, a gi emisa kovani ga Dhura, gipandrengulu gya Bhabhiloni.

Mithumo 19:26

Aholu mu ngu si wona ni gu sipwa khu dzindzeve dzanu esi mwama yoyu nya gupwani khu Pawulo a gimbilago a gira. A gu hevbudza khuye vanungungulu nya guvatwe khu mandza nya vathu khandri vanungungulu nya lisine. Khu kharato a dzi kodzide gu ndreyisa vathu nya vangi, nasiri basi tigoni momu ga Efeso, aholu ni Aziya gwatshavbo.

Vagalatiya 1:8

Gani khu mani mumbe muthu a na tago ata mi tivisa yimbe Ivhangeli nya guhambane ni eyi hi mi tivisidego ethu, a na vadwe. Ambari nari eni mune, ambari nari ngilozi nya gute khu Ndzadzini!

Vagalatiya 4:8

Gale, na mu si gu muti Nungungulu, mu diri dzikhumbi nya gukhozele vanungungulu nya liphanga.