Jeremiya 16:19 - Bhibhiliya Nya Guage

¹⁹ Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 16:19 Iomraidhean Croise

1 Dzipfhumu 20:23

Dzindruna dza mufumeli wa Siriya dzi di mu embela, khidzo: Vanungungulu vawe, vanungungulu va musigomoni; khidzo va nga hi palago khidzo; aholu ha gu va dhumela panini, ethu khethu hi na va pala.

Dzindzimo 18:3

Eni nyi di rana Pfhumu Nungungulu, a gu ni fanelo nya gurungudzwe, a na nyi vbanyisa ga valala vangu.

Dzindzimo 19:14

Magana yangu ma na gu tsakise, ni mahingigedzo ya monyoni gwangu ma na vbohe mbeli gwago, Pfhumu Nungungulu, muvhikeli ni muvbanyisi wangu.

Dzindzimo 27:5

Kholu uye a ngu nyi siha Tshatshani gwaye, litshigu nya sigaradzo; a gu nyi siha gusihalani nya Tshatsha waye; a nyi khusedza vbatshani nya giwindri.

Dzindzimo 46:1

Nungungulu wuthavelo ni likhokhola lathu, muphasedzeli vbakari nya dzimhango.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 62:2

Khuye basi a nyi vbanyisago ni gu nyi vhikela, kha nyi na padwa kholu khuye wuthavelo wangu.

Dzindzimo 62:7

Guvbanyiswa ni wudhumo wangu womo ga Nungungulu; khuye muvhikeli wangu nya tshivba, wulanga nyi thavelago avbo.

Dzindzimo 65:3

Mithumo yathu nya guvivbe yi ngu hi lemela guvbindra pimo, aholu uwe u ngu hi tsetselela siwono sathu.

Dzindzimo 68:31

Khu Egipito dzi nata dzindruna; Vaetiyopi va na khozela Nungungulu na va khusedzide mandza.

Dzindzimo 86:9

Mifumo yatshavbo u yi giridego yi nata khidzima mbeli gwago uwe Pfhumu, yi na dhumisa lina lago.

Mavingu 18:10

Lina la Pfhumu Nungungulu likhokhola li tiyidego va sihalago avbo vathu nya gululame.

Isaya 25:4

Kholu u wuthavelo nya sisiwana, ni likhokhola ga wule a hamugago gutshanisekani gwaye, u wuthavelo wawe matshiguni nya phuvbo nya gingulu, ni mutsa litshigu nya lihani. Kholu, lunya nya vathu nya guvivbedwe khu monyo la gu fanana ni phuvbo nya guthise yi furugedzago ndzari,

Isaya 32:2

Moyo ni moyo nya avo va na fanana ni wulanga nya wuthavelo gikhatini nya phuvbo ni gingulu. Va na fanana gambe ni mitsongo mafuni nya gihala, ni mutsa nya giwindri nya gikhongolo tigoni nya lihani.

Isaya 44:10

Muthu a gu dzi girela nungungulu ni gu dzi vatela gifananiso, a na wuyedwa khu ginani?

Isaya 44:20

Muthu nya kharato, a gu hodza nguma, a gu kanganyiswa ni gu dzimedzwa khu maalakanyo yaye; kha dzi kodzi guvbulugisa hefemulo waye, ambari gu ganela, khuye: “Esi nyi si pharidego khu mandzani gwangu ga nyamudye, ina khandri malipha, gani?”

Isaya 45:14

Pfhumu Nungungulu a ngu ganela kharati, khuye: “Thomba ya Egipito ni wugwewo wa Etiyopiya, ni vavbanyi va Sabha, vathu nya vadandrangulu, va nata gwago vata lumba uwe; avo va na landra khu hwane gwago na va hungidwe makhetshe; va na noga mbeli gwago, va gira milombelo avbo gwago, khavo: Khu lisine Nungungulu womo avbo gwago basi; vbavbandze gwaye, mwalo mumbe Nungungulu.”

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 62:2

Mayigo ma na wona gululama gwago, ni vafumeli vatshavbo, va na wona wudhumo wago; u na ranwa khu lina nya liphya u na riywago khu Pfhumu Nungungulu.

Jeremiya 10:3

Kholu sihena nya tumbunugo sa va nya mayigo kha si phasi gilo; kholu va gu koka simbo wa khabini, Wu vatwa khu meseri khu mbato.

Jeremiya 10:5

Sifananiso sawe sa gu fanana ni githombe gi vbayegwago thembweni ga mulimi gi thusa sinyoni, aholu gi si ganeligo; si lindrela muthu nya gu si khuse, kholu kha si kodzi gu gimbila; mu nga thusedzedwi khiso, kholu kha si na mi tshongisa; ambari gu mana tshivba nya gu mi gireleni iso nya sadi.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Jeremiya 14:8

Uwe khuwe gitumbo gya Israyeli, mutshudzisi gikhatini nya wuvi! Khu ginani u khala nga muluveli tigoni, kha nga muvbindri nya ndzila a ndreyago gasi guya lala a gedwa basi?

Jeremiya 17:17

U nga khali gilo nya guthavise avbo gwangu; uwe u gu wuthavelo wangu litshigu nya mhango.

Jeremiya 2:11

Ina lomo litigo li nga vbindrugedzago vanungungulu vawe, gani? Ambari vanungungulu vawe a gu siri vanungungulu nya lisine, gani? Aholu vathu vangu va digide wudhumo wawe, va khozela vanungungulu va si phasigo gilo.

Jeremiya 2:8

Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.

Jeremiya 3:23

Khu lisine, wukhozeli nya malipha wa musigomoni wu ngu kanganyisa; esi va si girago giwulani ligwaha basi; guvbanyiswa ga Israyeli gwa guta khu ga Pfhumu Nungungulu wanu.

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Ezekiyeli 11:16

Khu guralo, va embele, khuwe: Mune Pfhumu Nungungulu, a ngu ganela kharati, khuye: “Ambari eni nyi va rumidego gu hongola mayigoni ya hwindzo ngudzu, ambari nyi va phalalegisa vbakari nya mayigo, khu gikhatinyana, nyi na khala nyumba nya miphaso, ga mayigo va yisidwego umo.”

Joyele 3:16

Pfhumu Nungungulu a na bhonga khu Siyoni, lito laye li na dzuma khu Jerusalema; gu ndrendremela ndzadzi ni mafu, aholu Pfhumu Nungungulu a na khala wuthavelo nya vathu vaye ni likhokhola la va na Israyeli.

Amosi 2:4

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Judha, kha nyi na bweledza tsayiso. Kholu va kanyiside nayo wa Pfhumu Nungungulu ni gumba vegisa sileletelo saye, aholu a di dzumela gu kanganyiswa, khu vanungungulu nya malipha, vanungungulu va nga khozedwago khu vababe vawe.

Nahume 1:7

Pfhumu Nungungulu khwadi, likhokhola nya wuthavelo litshigu nya wuvi. A ngu vhikela avo va mu tumbago,

Habhakuka 3:19

Pfhumu Nungungulu, khuye tshivba yangu ni guvbanyiswa gwangu, a na vbindrugedza migondro yangu yi fanana ni ya dziyisya, a na nyi gimbidzisa sigomoni gwangu. (Ga muthuledzeli umo nya sitendre sangu nya wutsendze.)

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Varoma 1:25

Va digide gu landrisa lisine la Nungungulu, va gu landrisela malipha. Va khozede ni gu thumela sivangwa, va diga gu khozela ni gu thumela uye mune Muvangi, uye a gu ni fanelo nya bongwe kala gupindruga. Amen!

1 Pedro 1:18

Kholu enu mu ngu wutini gwadi tengo wu livbidwego gasi gu mi tshula guvbanyani nya gumba phasa gilo, mu gu hakhidego ga vababe vanu. Tengo yoyo khandri gilo gi kuwulugago nga ndralama mwendro parata.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”