Jeremiya 16:18 - Bhibhiliya Nya Guage

¹⁸ Khu guhegula, nyi na va bweledzela khu nyondro mbili tshatshazelo nya sighoho ni wuvivbi va nga nyenyezisago khuwo litigo langu, ni sirumbi nya sifananiso sawe, si nyenyezisago thomba yangu.

Jeremiya 16:18 Iomraidhean Croise

Dzindzimo 106:38

Va vbaladzide milovba nya vathu nyambana nandru, novba nya sanana sawe nya vama ni vanyamayi, va phasela vanungungulu Vakhanani, ni litigo li di nyenyeziswa khu novba wawe.

Isaya 24:5

Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 61:7

Wulangani nya dzitshoni va dzi manego vathu vangu, va na hakha nyondro mbili, ni ga givalo ni gipoyilo mu gi manego, mu na hakhani gambe khu gu wuyelela nyondro mbili dzithomba nya mayigo yawe, mu na khalani khu gunengela ni litsako kala gupindruga.

Isaya 65:6

Wona nya gukhuwe si lovidwe mbeli gwangu gupwani: “Kha nyi na degula; nyi si gu bweledzeli, nyi bwelo khavbo nyi gu ninga tshatshazelo wago,

Isaya 65:7

Pfhumu Nungungulu a ngu ganela kharati, khuye: Khu guvivba gwanu, gumogo nugo ga vababe vanu, va vbisidego libani sigomoni, va nyi vala na vari musigomwanani; khu guralo, nyi na simama gu pima mithumo yawe ya gale vbakari gwawe.”

Jeremiya 17:18

Va na tale khu dzitshoni vale va nyi tshanisago, aholu eni nyi nga thegi dzitshonini; va na ndrendremele avo, nasiri eni; va na thegedwe khu libango nya wuvi, u va sasela khu dzimhango nya guwuyelele.

Jeremiya 2:7

Nyi mi vbohiside ga litigo nya gunone gasi mu hodze mihandro yaye ni silo saye nya sadi; aholu na mu bede umo, mu di li nyenyezisa mu ghohetela ni thomba yangu.

Jeremiya 3:9

Khu gumba khathala gwaye, nyenyeziside litigo latshavbo, khu gu khozela sifananiso nya siwindri ni misimbo.

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Jeremiya 7:30

Kholu va na Judha va giride iso si vivbidego mbeli gwangu. A ngu ganela Pfhumu Nungungulu; va giride manyala nyumbani gu khozedwago umo lina langu va gu nyenyezisa.

Ezekiyeli 11:18

Gikhati va vbohago tigoni momo, va na duse sifananiso satshavbo nya guvivbe, ni gu diga gukhozela sifananiso.

Ezekiyeli 11:21

“Aholu vale myonyo yawe yi golago silo nya gunyenyeze, nyi na va bweledzela khu guvivba va giridego, a ngu ganela Mune Pfhumu Nungungulu.”

Ezekiyeli 36:18

Khu guralo, nyi na guhula likhulo langu vbatshani gwawe, khu kotani nya novba va wu vbaladzidego mafuni, va bwelo khavbo va dzi nyenyezisa khu sifananiso sawe.

Ezekiyeli 5:11

Khu guralo, Mune, Pfhumu Nungungulu, a ngu ganela kharati, khuye: Nyi ngu sambanya khu guvbanya gwangu, khu kotani nya olu u nyenyezisidego Nyumba yangu nya miphaso khu sifananiso sago satshavbo nya gunyenyeze ni mithumo nya guvivbe, eni nyi na dusa gwago gikategiso gyangu. Kha nyi na gu khedza khu maho nya wuhindzi, gambe kha nyi na gu pwela gisiro.

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Levhi 26:30

Nyi na khungumulela malanga yanu nya sigomo, nyi pandrelela siluvelo sanu, nyi wungeledzela sirumbi sanu vbatshani nya sirumbi sa vanungungulu vanu nya sifananiso; hefemulo wangu, wu na goroga khu enu.

Mikeya 2:10

Khugani mu hongole, kholu avba khandri wulanga nya guhefemule. Khu kotani nya wudambane wanu mu pfhungumulago khuwo, mu engedzela gu pfhungumula.

Gutuledwa 18:6

Mu bweledzeleni guvbindrisa guvili, gukhedza khu guvivba a nga mi girelago. Omu nya gikombe a nga mi sedza khigyo, thelani sipimo sivili.