Jeremiya 15:16 - Bhibhiliya Nya Guage

¹⁶ Avbo nyi nga mana magana yago, ayo ma di khala guhodza gwangu; ayo ma di khala litsako ni gunengela nya monyo wangu, kholu nya gu ranwa khu lina lago, uwe Pfhumu Nungungulu nya Tshivba Yatshavbo.

Jeremiya 15:16 Iomraidhean Croise

Nehemiya 8:12

Vathu vatshavbo va di hongola magaya gwawe, vaya hodza ni gusela va nengela ngudzu va rumela iso va nga si tshiyago ga vambe, kholu va di manide tshamuselo nya magana va nga embedwego.

Joba 23:12

Kha nya hambana ni sileletelo sa kanani gwaye, magana yaye nyi ma vegedzide ndrani nya monyo wangu.

Dzindzimo 119:111

Milayo yago yi khade thomba yangu kala gupindruga, kholu yi ngu tsakisa monyo wangu.

Dzindzimo 119:16

Nyi na tsakela sirumo sago; nyi si divali mahungu yago. Guimel

Dzindzimo 119:72

Nayo wu dugago khu kanani gwago, wu na ni giphaso ngudzu, guvbindra mazana ni mazana nya ndralama ni parata. Yod

Dzindzimo 119:97

Oh! Idzo nyi wu golago khidzo nayo wago! Litshigu latshavbo nya gu alakanya uwo.

Dzindzimo 19:10

Gu ngu tsakisa ngudzu guvbindra ndralama nya gutale, ni siwindri nya lisima ngudzu; magana yaye ma ngu lombela ngudzu guvbindra wulombe.

Jeremiya 14:9

Khu ginani u gira nga muthu a garadego, mwendro ndrena nyambana tshivba yi gumba kodza gu vbanyisa? Aholu uwe Pfhumu Nungungulu, u womo vbakari gwathu, ethu ha gu ranwa khu lina lago; u nga hi digi.

Ezekiyeli 2:8

Aholu uwe mwamana wa muthu, upwa esi nyi gu embelago. U nga khali nuwe muthu nya guyeyise kha nga vathu vale; tula likana u hodza iso nyi gu ningago.”

Mikeya 2:7

Enu mu gu situgulwana sa Jakobe, ina Liphuvbo la Pfhumu Nungungulu li ngu vbiredza gu goroga, gani? Ina khayo aya mathumelo yaye, gani? Ina magana yangu ma ngu gira wuwadi ga wule a gimbilago khu ndzila nya gululame, gani?