Jeremiya 15:14 - Bhibhiliya Nya Guage

¹⁴ U na girwa khumbi khu valala vago ga litigo u si li pimigo; kholu nilo nya likhulo langu wu khondride, wu na dzura wu mi vbisa.

Jeremiya 15:14 Iomraidhean Croise

Dzindzimo 21:9

Uwe u na va gira va dzura kha nga nilo litshigu u na dzi wonegisago, Pfhumu Nungungulu a na va midza khu likhulo laye, va na tsagamiswa khu nilo;

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Jeremiya 14:18

Nya gu hongola gundze, nya gu wona vathu va sasedwego khu matshari, nya gu wuya dhoropani, nya gu wona avo va dagarelago khu ndzala; ambari vaprofeti ni vaphasi nya mhamba, va gu legalega tigoni nyamba pima gilo.

Jeremiya 15:4

Nyi na va ningela va khala gihegiso ga mifumo yatshavbo ya mafuni; khu kotani ya Manasi, mwamana wa Ezekhiya, mufumeli wa Judha, khu satshavbo iso a giridego Jerusalema.

Jeremiya 16:13

“Khu guralo, nyi na mi dusa tigoni momu nyi mi yisa ga litigo mu si litigo enu ambari ni vavelegi vanu va ngamba liti; iyoyo mu na ya thumelani vanungungulu nya malipha, wutshigu ni mihani, kholu eni kha nyi na khathala gambe khenu.”

Jeremiya 17:4

Khu guralo, nyi na dusa mandzani gwago thomba yatshavbo nyi gu ningidego, nyi na gu gira u thumela valala vago, ga litigo u si litigo; kholu u vaside nilo nya likhulo langu, wu na khondra nyamba tshimega.

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Jeremiya 52:27

Mufumeli wa Bhabhiloni a di ya va songa dhoropani ga Ribala, umo nya gipandre gya Hamati; khu guralo, Judha a di vbagedwa a yiswa hwindzo ni tigoni gwaye.

Amosi 5:27

Khu guralo, nyi na mi yisa wugumbitunu tshatugo wa Dhamasiko, a ngu ganela Pfhumu, oyu lina laye a gu Nungungulu nya Tshivba Yatshavbo.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.

Dhewuteronome 29:23

Khu guralo, mayigo yoyo yatshavbo ma na wudzisa, khayo: Khu ginani Pfhumu Nungungulu a giridego esi tigoni momu? Khu gevbini givangelo gi nga wusago likhulo nya nga eli?

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.

Vahebheru 12:29

Kholu, khu lisine, Nungungulu wathu, nilo nya gupfhungumule.