Jeremiya 15:11 - Bhibhiliya Nya Guage

¹¹ Pfhumu Nungungulu a di ganela, khuye: “Khu lisine eni nyi na gu tiyisa nyi bwelo khavbo nyi gu kategisa, gikhatini nya mhango ni gusaniseka, nyi na gira ya valala vago vata khidzima migondroni gwago.”

Jeremiya 15:11 Iomraidhean Croise

Dzindzimo 106:46

Khu kotani nya isoso a di kuha myonyo ya vale va nga vbagela va na Israyeli, va phela gu va pwela wusiwana.

Dzindzimo 138:3

Litshigu nyi nga lila gwago, u nyi hakhide; u engedzela tshivba nya hefemulo wangu.

Mavingu 16:7

Muthu a tsakisago Pfhumu Nungungulu khu mavbanyelo yaye, Uye a na mu gira a vbanya khu gurula ambari vbakari ga valala vaye.

Mavingu 21:1

Monyo wa mufumeli, wa gu fanana ni gitsongwana nya mati gi gimbidziswago khu Pfhumu Nungungulu, uye a gu mu rumela ni evbini a gunago.

Muhevbudzi 8:12

Gighohi gya gu ghoha lizana dzinyondro, ambari gya gu vbanya matshigu nya gutale mafuni, eni nyi ngu dziti khu lisine gukheni avo va thavago Nungungulu va na dugelela, kholu va ngu mu thumela.

Isaya 41:10

u nga khali hwanga, kholu eni nyi nago; u nga vbeli tshivba, kholu eni kheni Nungungulu wago; nyi na gu tiyisa ni gu gu phasa, nyi gu seketela, nyi gu phara khu libogo langu la nyamudye nya gutumbege.

Jeremiya 21:2

“Hi ngu lomba gukhethu u hi wudzisela ga Pfhumu Nungungulu, kholu Nabhukodhonosori, mufumeli wa Bhabhiloni, a ngu soma nyimbi a hi sasela, mwendro saye Pfhumu Nungungulu a na hi girela siliwugiso gasi nala a khuge vbakari gwathu.”

Jeremiya 37:17

Khu hwane, mufumeli Zedhekiya, a di rumela guya mu dusa gasi guta mu wudzisa khu gisihaledza, nari khu nyumbani gwaye nya wufumu, a mu wudzisa, khuye: “U na ni mahungu ya Pfhumu Nungungulu, gani?” Jeremiya a di hakha, khuye: “Ina momo.” A mu embela gambe, khuye: “Uwe u na ningedwa mandzani ga mufumeli wa Bhabhiloni.”

Jeremiya 37:3

Khu guralo, mufumeli Zedhekiya, a di rumela Jukali, mwamana wa Selemiya, muphasi nya mhamba Sofoniya, mwamana wa Mahaseya, ga muprofeti Jeremiya va ya mu embela, khavo: “Lombelela khu ethu ga Pfhumu Nungungulu wathu.”

Jeremiya 38:14

Tshigu mwedo, mufumeli Zedhekiya a di ranisa muprofeti Jeremiya, aya tshangana naye vbalidimbatunu nya mwanya nya wuraru wu belago umo nya Nyumba ya Pfhumu Nungungulu; mufumeli a di embela Jeremiya, khuye: “Gyomo nyi vbwetago gu gu wudzisa, u nga nyi siheli ni gimwegyo.”

Jeremiya 42:2

va di embela muprofeti Jeremiya, khavo: “Upwa gulila gwathu, u hi lombelela ga Pfhumu Nungungulu wago, khu vathu vatshavbo vava va tshadego kholu, kha nga u dzitigo, hi diri vangi, aholu hi tshade na hiri vadugwana, kha nga u si wonago;