Jeremiya 15:1 - Bhibhiliya Nya Guage

¹ Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 15:1 Iomraidhean Croise

Genesi 19:27

Ni dzimindru, Abrahama a di wuga a hongola wulanga wule a nga bani a emide mbeli ga Pfhumu Nungungulu.

2 Dzipfhumu 17:20

Khu guralo, Pfhumu Nungungulu a di hambana ni livelego latshavbo la Israyeli, a va tshanisa, a va ningela mandzani ga vaphangi, kala a va dusa mbeli gwaye.

Dzindzimo 106:23

Nungungulu a di khuye a na mbembisa va na Israyeli; Mosi, githumi gyaye nya gigodwa, a di ema mbeli ga Nungungulu a lombelela gasi gu bosisa likhulo laye.

Dzindzimo 99:6

Mosi ni Aroni va diri vbakari nya vaphasi vawe nya mhamba, Samuweli moyo nya avo va nga rungudza lina laye, avo va di gu rana Pfhumu Nungungulu, uye a va hakha.

Mavingu 14:35

Githumi nya mapimo gi ngu zundzega ga mufumeli waye, aholu likhulo laye la gu thegela ga wule a thumago silo nya dzitshoni.

Jeremiya 10:18

Kholu Pfhumu Nungungulu a ngu ganela kharati, khuye: “Khu gikhati gegi nyi na va dzudzuga hwindzo vatshavbo vavbanyi va tigoni, nyi na va tshanisa kala va ganela, khavo:

Jeremiya 11:14

Khu guralo, uwe Jeremiya u nga lombeleli khu vathu vava, ambari gu khusa lito u lila khu avo ni gu va girela nombelo; kholu gikhati va na gu lilago avbo gwangu gima kha nyi na va yingisa, khu kotani nya sighoho sawe.

Jeremiya 14:11

Pfhumu Nungungulu a di engedza a nyi embela gambe, khuye: “U nga dzi garadzi khu gu lombelela gu vbweta iso nya sadi ga vathu vava.”

Jeremiya 14:12

“Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Jeremiya 15:19

Khu guralo, Pfhumu Nungungulu a ngu ganela kharati, khuye: “Wa gu dzi laya, u wuya eno gwangu, nyi na gu hakha u ta khala mbeli gwangu; wa gu ganela silo nya lisima u hambana niso nya guvivbe, uwe u na khala kha nga likana langu, vathu va na wuya iyo gwago, khandri uwe u na gu bwelelago iyo gwawe.

Jeremiya 16:13

“Khu guralo, nyi na mi dusa tigoni momu nyi mi yisa ga litigo mu si litigo enu ambari ni vavelegi vanu va ngamba liti; iyoyo mu na ya thumelani vanungungulu nya malipha, wutshigu ni mihani, kholu eni kha nyi na khathala gambe khenu.”

Jeremiya 16:5

Kholu, Pfhumu Nungungulu a ngu ganela kharati, khuye: U nga beli nyumbani nya gililo, ambari guya lila, gambe u nga va pweli gisiro; kholu Pfhumu Nungungulu wari khuye vathu vava kha nyi nga gu khathala gambe khavo, kha nyi va goli ambari gu va pwela wusiwana.

Jeremiya 18:20

Ina wuwadi wu ngu livbwa khu guvivba, gani? Kholu va nyi kembede liphala gasi gu reledza umo hefemulo wangu. Alakanya idzo nyi emidego khidzo mbeli gwago, nyi lombelela khu vathu vava gasi u si va theseli likhulo lago.

Jeremiya 22:28

Ina kamwe Jekoniya a di vbindrugedza a khala gindzengele nya khali yi pandregidego, mwendro gyombo nyamba phasa gilo gi si khathaledwigo khu muthu, gani? Khu kotani nya ginani va nga dzegwago gumogo ni livelego lawe va ya dzudzugwa ga litigo va si litigo?

Jeremiya 23:39

khu kotani nya isoso, eni nyi na mi dzega nyi mi dzudzuga hwindzo ni eni, enu gumogo ni lidhoropa nyi mi ningidego enu gumogo ni vababe vanu.

Jeremiya 35:19

Pfhumu Nungungulu nya Tshivba Yatshavbo, Nungungulu wa Israyeli a ngu ganela kharati, khuye: Ndrani nya livelego la Jonadhabhi, mwamana wa Rekabhi, gima kha gu na hamugega muthu a na gu thumago mbeli gwangu matshigu yatshavbo.”

Jeremiya 52:3

Khu kotani nya isoso, Pfhumu Nungungulu a di vbisega khu Jerusalema ni Judha, kala a va dusa mbeli gwaye; Zedhekiya a di wugela mufumeli wa Bhabhiloni.

Jeremiya 9:19

Kholu gu ngu pwala lito nya gililo li dugago khu Siyoni, khilo: “Yowe, yowe! Libango lathu hi mbembisidwe! Hi tade khu dzitshoni, kholu hi ngu duswa tigoni gwathu, va hafumude dzinyumba dzathu!”

Ezekiyeli 14:14

Ambari na va khade vbakari nya litigo lile vama vava va vararu, Nowa, Dhaniyeli ni Joba, a gu vama nya gululame, va di hadza guvbulugisa womi wawe basi khu kotani nya gululame gwawe; a ngu ganela Mune Pfhumu Nungungulu.

Ezekiyeli 22:30

“Nyi vbwetide vbakari gwawe mwama moyo a nga vbahago mabhiyo, a nga emago a tiya mbeli gwangu a vhikela litigo leli, gasi nyi si li khungumuli, aholu kha nya mana ni moyo.

Hoseya 9:15

Wuvivbi wawe watshavbo, wu khugede Giligali, kholu, khiyo iyo nyi nga phela gu va venga, khu kotani nya mithumo yawe nya guvivbe, nyi va tutumiside tigoni gwangu. Nyi si va goli gambe, Vathangeli vawe vatshavbo sindraga milayo.

Zakariya 3:3

Josuwa a di ambade dzingandzu nya dzindzilo gikhati a nga bani a emide mbeli ga ngilozi ya Pfhumu Nungungulu.

Dhewuteronome 9:26

Nyi di lombelela ga Pfhumu Nungungulu, nyi ganela, kheni: Ama Pfhumu Nungungulu! U nga mbembisi vathu vago, a gu thomba yago gambe, U va dzegisidego khu wugulu wago, U va dusidego khu tigoni ga Egipito khu mandza yago nya tshivba.

Vahebheru 9:24

Kholu Kristo kha bela Makhuvini nya Wulanga nya Guage Ngudzu nya gugirwe khu mandza nya vathu a gu giyeyedzo nya Wulanga nya Guage nya lisine. Uye bede ndzadzini gwabune, umo a guromo olu a lombelela khu ethu mbeli ga Nungungulu.

Valamuli 5:9

Monyo wangu wa gu tsakela vathangeli nya dzinyimbi va Israyeli, ni ga vathu va nga dzi ningelago khu gugola gwawe. Rungudzani Pfhumu Nungungulu.

1 Samuweli 12:19

Vathu vatshavbo va di embela Samuweli, khavo: “Lombelela khu ethu sithumi sago ga Pfhumu Nungungulu wago; gasi hi sifi, kholu hi engedzedego sighoho sathu ni wuvivbi wathu, khu gu lomba mufumeli.”

1 Samuweli 12:23

Gasi a gu bani nari eni, gima kha nyi na nga dzumela nyi ghoha khu gumba mi lombelelani ga Pfhumu Nungungulu; aholu, nyi na mi hevbudzani guti ndzila nya yadi ni gululama.

1 Samuweli 7:9

Khu guralo, Samuweli a di dzega ginvutana nya gu bani na gi nga gu mama, a gira phaso nya guvbiswe ga Pfhumu Nungungulu; Samuweli a di lila ga Pfhumu Nungungulu wa Israyeli, ni Pfhumu Nungungulu, a di mu hakha.