Jeremiya 14:9 - Bhibhiliya Nya Guage

⁹ Khu ginani u gira nga muthu a garadego, mwendro ndrena nyambana tshivba yi gumba kodza gu vbanyisa? Aholu uwe Pfhumu Nungungulu, u womo vbakari gwathu, ethu ha gu ranwa khu lina lago; u nga hi digi.

Jeremiya 14:9 Iomraidhean Croise

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Dzindzimo 10:1

Pfhumu Nungungulu, khu ginani u khala hwindzo? Khu ginani u nyi sihalela gikhati nya gusaniseke?

Dzindzimo 27:9

U nga nyi siheli khovbe yago, u nga dzudzugi githumi gyago khu likhulo; uwe khuwe basi muphasedzeli wangu, u nga nyi digi, gambe u nga nyi hotshi, Nungungulu muvbanyisi wangu.

Dzindzimo 46:5

Nungungulu khade vbakari gwaye; gima kha li na nga tsekatseka, Nungungulu a ngu ta li phasa gukhugela marandragugya.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 43:7

kholu vatshavbo va ranwago khu lina langu, avo nyi va vangidego gasi va khala wudhumo wangu, kheni nyi va wumbidego nyi bwelo khavbo nyi va gira.”

Isaya 51:9

Khendzuga! Khendzuga! Ambala tshivba yago; uwe gyandza gya Pfhumu Nungungulu. Khuga u ema u gira gu fanana ni iso u giridego matshigu ya gale, ga mimelana ya gale. Gasi khandri uwe u vetidego Egipito ni gu bayisa mwamilambo, gani?

Isaya 59:1

Wonani nya gukhenu gyandza gya Pfhumu kha gya khwenyela nya gu tandrege guvbanyisa; ambari ndzeve yaye kha ya segega, nyamba kodza gupwa.

Isaya 63:19

Hi khade kha nga vale va gu gima u si va fumeli, ni vale va gu gima va si gu ranwi khu lina lago.

Jeremiya 15:16

Avbo nyi nga mana magana yago, ayo ma di khala guhodza gwangu; ayo ma di khala litsako ni gunengela nya monyo wangu, kholu nya gu ranwa khu lina lago, uwe Pfhumu Nungungulu nya Tshivba Yatshavbo.

Jeremiya 51:5

kholu Israyeli ni Judha kha va digwa khu Nungungulu wawe, ni Pfhumu Nungungulu nya Tshivba Yatshavbo ambari litigo la Vabhabhiloni li tadego khu sighoho nya gu ghohele Gihathwa gya Israyeli.

Jeremiya 8:19

Nya gu yingisa dzihuwa nya miketo ya nyamahegyane wa vathu vangu, huwa yi pwalago tigoni momu gwatshavbo, khavo: “Gasi Pfhumu Nungungulu kha manegi gambe Siyoni, gani? Mufumeli waye kha manegi gambe mule, gani? Khu ginani va nyi gorosago va nyi wusela likhulo khu sifananiso sawe nya guvatwe, ni vanungungulu va mambe mayigo?

Gililo 5:20

Ina u na hi divala gikhati gyatshavbo, gani? Ni gu hi pfhurarela khu gikhati nya gingi, gani?

Ezekiyeli 48:35

Pfhuka wa maphuvbo yatshavbo wu diri wa likhumi na livbandre na mararu magumi mazana (18.000); lina nya lidhoropa, gukhugela litshigu lile li na pwani: Pfhumu Nungungulu womo vbale.

Habhakuka 1:2

Kala lini, Pfhumu Nungungulu na nyi gu lila u si nyi yingisi? Nyi laledza avbo gwago, kheni: “Nyi ngu sasedwa!” Uwe khwa nyi vbanyisa?

Zakariya 2:5

Aholu Eni, a ngu ganela Pfhumu Nungungulu, nyi na khala kha nga libhiyo nya nilo li va dzundrulugedego, eni mune kamwe nyi na khala wudhumo waye, vbakari gwaye.”

Zakariya 8:3

Pfhumu Nungungulu a ngu ganela kharati, khuye: “Nyi na bwelela Siyoni, nyi ya vbanya vbakari nya lidhoropa la Jerusalema; Jerusalema gu na ranwa lidhoropa nya lisine, ni gigomo gya Pfhumu Nungungulu nya Tshivba Yatshavbo gi na ranwa gupwani Gigomo nya Guage.”

Mitengo 11:23

Khu guralo, Pfhumu Nungungulu a di phindrula Mosi, khuye: “Ina tshivba ya Pfhumu Nungungulu yi di vbunguga, gani? Olu u na wona wabune gukhuwe esi nyi gu embelago si na girega mwendro kha si na girega.”

Mithumo 15:17

gasi vathu vatshavbo vale va nga tshadego va vbwete Pfhumu. Gumogo ni va nya mayigo vatshavbo va agisedwego Lina langu,

2 Vakorinto 6:16

Gu mwalo gupwanana Nyumba ya Nungungulu ni vanungungulu nya malipha. Kholu ethu hi Nyumba ya Nungungulu a vbanyago, kha nga a ganelago uye mune Nungungulu, khuye: “Nyi na vbanya, nyi gu gimbila vbakari gwawe; eni nyi na khala Nungungulu wawe, avo va na khala vathu vangu.”

Dhewuteronome 23:14

Kholu, Pfhumu Nungungulu wago, womo vbakari nya lizumbo gasi gu gu vhikela, ni gu ningela valala vago mandzani gwago; khu kharato, lizumbo lago gu vbwetega na li agide, gasi uye a si woni ndzilo avbo gwago, a dzi hambanisa nago.”

Dhewuteronome 28:10

Mayigo yatshavbo ya mafuni ma na gu wona na wu gu ranwa khu lina la Pfhumu Nungungulu, ma na gu ninga githawo.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

Gutuledwa 21:3

Khavbo avbo, nyi di pwa lito nya tshivba na li guta khu gikhalotunu nya wufumu, khilo: “Wonani Nyumba ya Nungungulu vbakari nya vathu. Nungungulu a na vbanya vbakari nya vathu, avo va na khala vathu vaye, uye vbakari gwawe, a na bani ari Nungungulu wawe.

1 Samuweli 12:22

Kholu, khu kotani nya lina laye nya likhongolo, Pfhumu Nungungulu, kha na dzudzuga vathu vaye, kholu si nengedziside Pfhumu Nungungulu, gu mi hathani mu khala vathu vaye.