Jeremiya 14:7 - Bhibhiliya Nya Guage

⁷ Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Jeremiya 14:7 Iomraidhean Croise

Ezira 9:15

Ah! Pfhumu Nungungulu wa na Israyeli, uwe U lulamide kholu hi vbulugide kha nga olu hi si wonago; wona nya gukhuwe hi womo mbeli gwago musighohoni gwathu; kholu mwalo ni moyo a yelago gu khala vbafuvbi gwago khu kotani nya esi.”

Dzindzimo 115:1

U nga zundzi ethu, Pfhumu Nungungulu, u nga zundzi ethu, aholu dhumisa lina lago, khu kotani nya lihaladzo lago, ni gutumbega gwago.

Dzindzimo 25:11

Pfhumu Nungungulu, khu kotani nya lina lago, tsetselela giwono gyangu; kholu gikhongolo ngudzu.

Dzindzimo 79:9

Hi phase Nungungulu muvbanyisi wathu, khu wudhumo nya lina lago, hi tshudzise u hi tsetselela siwono sathu, khu lihaladzo nya lina lago.

Isaya 48:11

Khu kotani nya lihaladzo nya lina langu, khu kotani nya lihaladzo langu, kholu nyi na dzumela kharini gukheni lina langu li nyenyeziswa? Kholu kha nyi dzi kodzi gu ningela wudhumo wangu ga mumbe muthu.

Isaya 59:12

Kholu mithumo yathu nya gunyenyeze yi ngu engedzelana mahoni gwago, ni sighoho sathu si ngu hi fakazela; kholu mithumo yathu nya gunyenyeze yomo avbo gwathu, gambe hi ngu guti guvivba gwathu.

Jeremiya 10:19

Yowe! Libango langu khu kotani nya gumbembiswe gwangu, mbanga yangu yi mwalo rendre! Ambari khu guralo nyi di, kheni: Owu khu tsayiso wangu, nyi fanede gu wu rwala.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 3:25

Dzitshoni dzi na khale lidawu lathu, hi fenengedzwa khu milandru yathu, ethu gumogo ni vababe vathu; kholu gukhugela wudzahani wathu kala na muhuno, ethu gumogo ni vababe vathu hi ghohede Pfhumu, Nungungulu wathu, gambe kha ha yingisa lito la Pfhumu Nungungulu wathu.

Jeremiya 3:6

Pfhumu Nungungulu a di ganela gambe gikhatini gya mufumeli Josiya, khuye: U wonide iso a giridego Israyeli, muthu nyamba tumbega, gani? A di gwela sigomoni gwatshavbo nya gukhugege ni vbavbatshi nya misimbo nya gunyuge, a gira umo wuphuphulu waye watshavbo.

Jeremiya 5:25

Guvivba gwanu gu ngu ndreyisa silo sesi, ni sighoho sanu si ngu hidzimisa makategwa hwindzo nanu.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Jeremiya 8:14

Khu ginani hi nga gu khalago gambe avba? Tombanani hi thavela madhoropani nya makhokhola, hi ya fela iyoyo, kholu Pfhumu Nungungulu wathu a hi konede gufa, ni gu hi sedza mati nya wuhungu nya gusonge, kholu hi ghohede Pfhumu Nungungulu.

Jeremiya 8:5

Gasi khu ginani vathu vava va Jerusalema va simamago gu banga mihungo va dzi ndreyisa? Va simama ndzilani nya guwegele va si dzumeli gu wuya gambe!

Ezekiyeli 20:14

Aholu khu lihaladzo nya lina langu, kha nya dzina kheni lina langu li nyenyeziswa na li gu wonwa khu mayigo, a gu vathu va nyi wonidego na nyi va dusa khu tigoni ga Egipito.

Ezekiyeli 20:22

Aholu kha nya si gira, nyi di neredza mandza yangu, khu kotani nya lihaladzo nya lina langu, gasi nyi si li nyenyezisi ga mayigo ma nyi wonidego na nyi gu va dusa khu tigoni ga Egipito.

Ezekiyeli 20:9

Aholu khu lihaladzo nya lina langu, kha nya dzumela gukheni lina langu li nyenyeziswa, li gu wonwa khu mayigo va vbanyidego umo ni mahoni ga vale nyi dzi wonegisidego gwawe, gasi gu va dusa tigoni ga Egipito.

Hoseya 5:5

Matshandza ya na Israyeli, ma ngu va ketsari dzikhovbeni gwawe; Israyeli ni Efrayimi va na thega khu wuvivbi wawe, Judha nuye a na thega gumogo navo.

Hoseya 7:10

Matshandza ya Israyeli, ma ngu mu girela wufakazi, ambari khu satshavbo soso, uye kha wuyi ga Pfhumu, Nungungulu waye, ambari gu mu vbweta.

Amosi 7:2

Avbo mbasa yi nga bani yi vbedzide gu hodza mwasi watshavbo wa tigoni, nyi di ganela, kheni: “Pfhumu Nungungulu, va tsetselele!” A na ema kharini Jakobe, olu a ngari dugwana?

Mikeya 7:9

Nyi na rwala likhulo la Pfhumu Nungungulu, kholu nyi mu ghohedego; kala a vhikela mahungu yangu a nyi lamula; a na nyi yisa guwonegelani nyi nata wona gululama gwaye.

Vaefeso 1:12

Kharati, ethu, gukhugela guhegulani, hi vegidego gitumbo gyathu ga Kristo, hi na embelela wudhumo waye.

Vaefeso 1:6

Gasi gu dhumisa gungangamela nya wuhigo waye, a hi ningidego khu ga Mwanaye nya gigodwa.

Dhewuteronome 32:27

Nasiri ga olu nyi thavago matshandza ya valala vawe, va nga hadza gu dzi zundza, va ghiya, va ganela, khavo: Mandza yathu ma khusegide, ma va pade, khandri Pfhumu Nungungulu a giridego satshavbo sesi.

Josuwa 7:9

Avbo Vakhanani ni vatshavbo vavbanyi va tigoni va na gu pwago esi, va na hi randrela va fuvisa lina lathu omu mafuni; khu guralo, U na khuwe ginani khu lina lago nya likhongolo?”