Jeremiya 14:3 - Bhibhiliya Nya Guage

³ Vathu vawe nya guthavisege va gu ruma sithumi sawe guya rega mati, aholu avo kha va ma mani kholu milamboni gu bangide; va bwelela ni dzikhali nya maphanga, va poyilega khu dzitshoni, va fenengedza mihungo.

Jeremiya 14:3 Iomraidhean Croise

2 Samuweli 15:30

Khu guralo, Dhavhidhe a di gwela gigomo nya miolivha na gu lila na sa ambala silato, na fenengede hungoni; vathu vatshavbo va nga bani va mu landrela va di fenengela navo hungoni, va lila gumogo naye.

2 Samuweli 19:4

Mufumeli a di fenengedza khovbe yaye a womba huwa, khuye: “Mwanangu Abhisalamo! Abhisalamo mwanangu, mwanangu!”

1 Dzipfhumu 17:7

Na ma vbindride matshigwana, tsongo wu divbwa; kholu kha ga ngawa ndzadzi tigoni.

2 Dzipfhumu 18:31

Mu nga mu yingisi Ezekhiya, kholu mufumeli wa Asiriya a ngu ganela, khuye: Girani gurula ni eni; mu dzi ningelani avbo gwangu; khavbo avbo, muthu ni muthu a na hodza mihandro ya thembweni gwaye, ni mihandro nya simbo waye, bwelo khavo a sela mati nya nambo waye.

Joba 6:20

Va na khale dzitshoni mugitumboni gwawe; kholu, va guya vboha kha va ma mani.

Dzindzimo 109:29

Avo va nyi nyenyago va na tale khu dzitshoni, dzitshoni dzawe dzi na va fenengedze kha nga guambala.

Dzindzimo 40:14

Va na tale khu dzitshoni avo va golago gukhavo nyi nafe; va na bwelele hwane va khala dzitshoni avo va golago gu nyi wona na nyi gu fenengedzwa khu sigaradzo.

Jeremiya 14:4

Valimi navo va fenengedzide dzikhovbe dzawe khu dzitshoni, khu kotani nya mafu ma bangidego, kholu ndzadzi kha yiwi mafuni.

Jeremiya 15:18

Gasi khu ginani gu gumba vbela gutshaniseka gwangu? Dzimbanga dzangu dza gumba vbola khu ginani? U na khala kha nga gitsongwana nyamba tumbega gi vbwago mati yaye, gani?

Jeremiya 2:13

Kholu vathu vangu va nyi ghohede guvili, khesi: “Va hambanide ni eni nyi gu gifefe nya mati ma vbanyago, vaya dzi kembela milambo nya malufa nyamba tshengeledza mati.”

Jeremiya 2:37

U na wuya khiyoyo u na rwade mawogo hungoni, kholu Pfhumu Nungungulu kha va vbweti avo u va tumbago, gima khu na dugelela khu gu phaswa khavo.

Jeremiya 20:11

Aholu Pfhumu Nungungulu a na ni eni, kha nga ndrena nya tshivba; khu guralo, uye a na tshunganisa vatshanisi vangu vatshavbo va thega, va na poyidwa va tala khu dzitshoni; wusiwana wawe kha wu na vbela, gambe gima kha va na wu divala.

Jeremiya 3:3

Khu guralo, ndzadzi kha yiwi, ambari ni iyo nya nango kha yawa; aholu uwe u na ni khovbe nya wubhayi, u si khali dzitshoni.

Gililo 4:4

Migolo nya sanana sa beleni yi bangide khu kotani nya lidora. Sanana sa gu lomba guhodza aholu mwalo a si ningago. He

Hoseya 2:3

Ranani vandriyanu nya vama, khenu: “Vathu vangu” ni vandriyanu nya vanyamayi, khenu: “Sigodwa sangu.”

Joyele 1:20

Ni sirengo sa khabini niso si ngu lila gwago, kholu mitsongo yi bangide, ni nilo wu vbiside mahawo ya giwulani.

Amosi 4:7

Gu diga isoso, nyi mi segede ndzadzi yi siwi, na gu nga tshade migima miraru nya nango nya guvbwere. Nyi yi wisa ga lidhoropa limwedo, aholu ga limbe nyi si yi wisi. Nyi yi wisa ga lithembwe limwedo, aholu ga limbe yi nga ngamba mbawa, ilo li di banga.

Amosi 4:8

Va di legalega va khuga khu ga madhoropa mavili mwendro madhoropa mararu, va hongola ga limbe lidhoropa gasi guya sela mati, aholu kha va dzi kodza gu tshima lidora; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Zakariya 14:17

Ni levbi lihundzo la mafuni li na gumba gwela Jerusalema gasi guya khozela Pfhumu Nungungulu nya Tshivba Yatshavbo, kha li na wedwa khu ndzadzi.