Jeremiya 14:22 - Bhibhiliya Nya Guage

²² Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Jeremiya 14:22 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 17:14

Kholu Pfhumu Nungungulu wa Israyeli, a ngu ganela kharati, khuye: Gima kha gu na vbela wuguvbi gifugoni gwago, ni mafura kha ma na vbela mugigasini gwago, kala litshigu Pfhumu Nungungulu a na gu wisago ndzadzi mafuni.”

1 Dzipfhumu 18:1

Hwane nya gu bani na ma vbindride matshigu nya gutale, khu mwaga nya wuraru, Pfhumu Nungungulu a di ganela kharati ga Eliya, khuye: “Indra dzi wonegisa ga Akabi; kholu nyi na wisa ndzadzi mafuni.”

1 Dzipfhumu 8:36

Uwe va yingise khu ndzadzini yoyo, u tsetselela sighoho sa vathu vago va na Israyeli, u va hevbudza gu gimbila khu ndzila nya yadi, u wisa ndzadzi tigoni gwatshavbo u ningidego vathu vago gu khala thomba yawe.

Joba 28:26

gikhati a emisidego nayo nya ndzadzi ni ndzila nya gulase ni mabara,

Joba 5:10

Khuye a wisago ndzadzi mafuni, ni gu gogisa mati mahangeni;

Dzindzimo 130:5

Hefemulo wangu wa gu tumba uwe Pfhumu Nungungulu; eni nya gu lirela magana yago.

Dzindzimo 135:7

Khuye a wusago mapfhi gukhugela mahegiso nya mafu; khuye a girago gulasa ni mabara, guwa ndzadzi; a tulela phuvbo yi duga khu gukhothedwani gwaye.

Dzindzimo 147:8

Khuye a fenengedzago ndzadzini khu mapfhi, a wisago ndzadzi mafuni ni gu bugisa mwasi sigomoni;

Dzindzimo 25:21

Lisine ni gululama si na nyi sayise; kholu eni nya gu tumba uwe Pfhumu Nungungulu.

Dzindzimo 25:3

Avo va tumbago uwe, kha va khali dzitshoni; va na thedwe dzitshoni avo va gu dangago khu silo nyamba phasa gilo.

Dzindzimo 27:14

Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 30:23

Khavbo avbo, Pfhumu a na wisa ndzadzi yi bugisa dzimbewu dzanu edzi mu na yalago mafuni, gumogo ni gu mi ningani guhodza a gu handro nya mafu. Avbo mu na hodzago mu khura mu ena; khu gikhati gyogyo, mitshambi yanu yi na mana mahawo mikovani nya guaname.

Isaya 41:29

Vatshavbo kha va sizi gilo, esi va girago si mwalo giphaso, sifananiso sawe nya gupfhudwe, liphuvbo nya gu dzi pfhadze basi.

Jeremiya 10:12

Pfhumu Nungungulu khu tshivba yaye, khuye a giridego mafu, a tiyisa litigo khu guti gwaye, khu wugengeli waye a ladza damboni.

Jeremiya 10:13

A gu khusa lito laye, mati ma gu dzumadzuma, ma khugega mapfhi khu mahegiso nya litigo; ma veta mabara, yiwa ndzadzi, gu duga phuvbo khu wulangani yi khalago.

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 10:3

Kholu sihena nya tumbunugo sa va nya mayigo kha si phasi gilo; kholu va gu koka simbo wa khabini, Wu vatwa khu meseri khu mbato.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 5:12

Va di ganedza Pfhumu Nungungulu, khavo: “Gima kha hi na dugeledwa khu libango; gima kha hi na sasedwa khu matshari, ambari gufa khu ndzala.

Jeremiya 5:24

Kha va alakanya khu myonyoni gwawe, khavo: Hongoleni hi ninga githawo Pfhumu Nungungulu wathu, Uye gikhati nya guenele a hi wiselago ndzadzi nya nango nya gu yale ni gu vidzwa dzimbewu, a vegidego dzisemana nya guvbwere dzi gumba vbindra.

Jeremiya 51:16

Khu libara nya lito laye, mati ma gu dzuma ndzadzini, gu khusega mapfhi khu mahegiso nya litigo, gwa gu lasa, ya guwa ndzadzi, gu khuga dziphuvbo khu malangani gwaye.

Hoseya 2:7

Kholu mayi wawe bhayide, uye a nga va velegago, giride silo nya dzitshoni, kholu a di khuye: “Nyi na landrela sibhayi sangu, si nyi hodzisago ni gu nyi sedza mati, va nyi ninga myendra nya gufurumele, myendra nya seda, mafura nya guhodze ni mati.

Joyele 2:23

Enu vathu va Siyoni, tsakani mu nengela ga Pfhumu Nungungulu wanu, kholu uye a na mi ninga muhevbudzi nya gululame ni gu wisa ndzadzi khu gikhati ni nango yi vbwetegago, khu ngima nya guhegule.

Amosi 4:7

Gu diga isoso, nyi mi segede ndzadzi yi siwi, na gu nga tshade migima miraru nya nango nya guvbwere. Nyi yi wisa ga lidhoropa limwedo, aholu ga limbe nyi si yi wisi. Nyi yi wisa ga lithembwe limwedo, aholu ga limbe yi nga ngamba mbawa, ilo li di banga.

Mikeya 5:6

Avo va na mbembisa litigo la Asiriya khu matshari ni litigo la Ninirodhi, kala dzinyangwani gwalo. Khu kharati, a na hi vbulugisa mandzani ga Asiriya, a guta dhumela litigo lathu khu gu ndraga mivbingano yathu.

Mikeya 7:7

Gasi eni, nyi na tumba Pfhumu Nungungulu; nyi na namarela ga Nungungulu a gu muvbulugisi wangu; kholu Nungungulu wangu a na nyipwa.

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Dhewuteronome 28:12

Pfhumu Nungungulu a na gu tulela thomba yaye nya yadi, ndzadzini, a gu ninga ndzadzi tigoni gwago khu gikhati gyakone ni gu kategisa thumo watshavbo nya mandza yago; u na fuyarisa mayigo nya mangi, aholu uwe khu na fuyari gilo.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.