Jeremiya 14:2 - Bhibhiliya Nya Guage

² Judha a ngu lila, madhoropa yaye ma vbede tshivba; vavbanyi vaye va thegide vbavbatshi na va ambade silendra, gupwala huwa dhoropani ga Jerusalema.

Jeremiya 14:2 Iomraidhean Croise

Joba 34:28

Khu kharato, va giride gukhavo, huwa nya sisiwana yi vbohe mbeli ga Nungungulu, Uye pwide gulila ga vahamugi.

Dzindzimo 144:14

dzimombe dzathu dzi na have gwadi dzi nona, gu nga beli gambe valala tigoni gwathu, gu nga manegi gambe dzihuwa nya gililo mitendrelani gwathu.

Ekisodha 2:24

Nungungulu a dipwa gulila gwawe, a dundruga gidzumeledzwano a giridego ni Abrahama, Isaki ni Jakobe.

Isaya 15:5

Monyo wangu wu ngu lila khu kotani ya Mowabhi; vathu vaye nya guthavisege, va thavede tigoni ga Zowari, gu fanana ni gimombyana nya myaga miraru; kholu va gu lila na va gu gwela khu gigomo gya Luwiti, va gimbila na gu womba huwa khu ndzila yiyago Horonayimi, na va guwomba dzihuwa nya wuvi.

Isaya 24:11

Vathu va gu lila mudzindzilani khu gu hamugega vbinyu; gutsaka gwatshavbo gu vbede, yi fuvisidwe mihagano yatshavbo ya mafuni.

Isaya 24:4

Mafu momo gililoni ma bwelo khavbo ma wu na; litigo li rerekide li vbela tshivba, vakhongolo nya vathu va tigoni va vbede tshivba.

Isaya 24:7

Vbinyu yi ngu lila miuvha nya yiphya yi ngu wu na; ni wadwa wu na kala ngudzu, ava va nga bani va tsaka va ngu lila.

Isaya 3:26

Dzinyangwani nya lidhoropa lago, gu na pwala dzihuwa; u na tshala nyambana gilo, Siyoni a khala vbavbatshi huye hokohoko.

Isaya 33:9

Litigo lomo mugililoni ni guvbela tshivba; Libhanoni a gu wu na khu dzitshoni; Saromi, vbindrugedzide a fanana ni giwula, Sihagane sa Bhasani ni Karimelo si moride.

Isaya 5:7

Kholu lithembwe nya miuvha la Pfhumu Nungungulu nya Tshivba Yatshavbo, khu nyumba ya Israyeli, ni vathu va Judha, khavo dzimbewu a nga bani a dzi lirela gu mu tsakisa; Uye a di gu lirela gu wona gwawe gululama, aholu gu di wonega basi gusongana; a di gu lirela gu wona nayo ni lisine, aholu a dipwa basi dzihuwa ni miketo.

Jeremiya 11:11

Khu guralo, Pfhumu Nungungulu a ngu ganela kharati, khuye: Nyi na resa vbakari gwawe libango va na gumba vbuluga khilo, va na keta ni gu wombeledzela dzihuwa, aholu eni kha nyi na va yingisa.

Jeremiya 12:11

Va li ghohetede, la gu lila avbo gwangu khu kotani nya olu li khadego giwula; litigo latshavbo li pfhungumudwe, aholu mwalo a khathalago khu isoso.

Jeremiya 12:4

Kala lini litigo na liri ni gililo, ni gu banga mwasi wa marembweni gwatshavbo? Khu kotani nya guvivbe nya avo va vbanyago umo, gu ngu mbemba sirengo ni sinyoni; na va gukhavo: “Uye kha na wona mahegiso yathu.”

Jeremiya 18:22

Gu na pwale dzihuwa dzinyumbani gwawe, avbo u na va rumelago khu guvbiredza tsawa nya sighevenga! Kholu va nyi kembede liphala gasi gu nyi rinya umo, va riyide naphwi gasi gu nyi mola.

Jeremiya 4:28

Khu guralo, mafuni gu na lidwa, ni ndzadzini gu na sivbala; kholu khiso nyi fungidego, kha nyi dzi layi ambari gu bwelela hwane.

Jeremiya 46:12

Mayigo yatshavbo ma pwide dzitshoni dzago, dzihuwa dzago dzi pwade tigoni gwatshavbo, ndrena yago yi dzi tshunganiside ni ndrena yikwawe, dzi thega gumogo dzatshavbo.

Jeremiya 8:21

Nyi ngu vbela tshivba khu gu sasedwa ga vathu vangu; nyi ngu lila ngudzu, nyi vbede tshivba.

Gililo 2:8

Pfhumu Nungungulu hungide makungo nya gupfhungumule laba ni libhiyo la nyamahegyane wa Siyoni, a mu pimide khu ngodzi nya sifi aholu kha bweledza gyandza gyaye nya gusasele; a khungumula laba ni likhokhola; satshavbo si keta gumogo. Tet

Gililo 2:9

Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod

Gililo 5:10

Tshonge yathu ya guvbisa nga gikho, khu kotani nya wuvi nya ndzala.

Hoseya 4:3

Khu guralo, litigo li ngu lila, vatshavbo va vbanyago umo va ngu vbela tshivba; gumogo ni sirengo sa khabini, sinyoni sa damboni, ni dzindzandzi dza phwani sa gufa.

Joyele 1:10

Va sasede lithembwe, litigo lomo gililoni, kholu va ghohetede tirigu, wadwa nya dosi nya dziuvha, mafura kha ma manegi gambe.

Joyele 1:11

Valimi va va vbede tshivba, va yali nya miuvha va womba huwa khu kotani nya tirigu ni mala, kholu dzimbewu dza mahangeni dzi fuvisidwe.

Joyele 1:14

Dzi agiseleni litshigu nya guhale, tivisani litshigu nya guloledziswe, mu tombanisa madhota ni vatshavbo vavbanyi va tigoni momu, Nyumbani ga Pfhumu Nungungulu wanu, mu lila ga Pfhumu Nungungulu.

Joyele 2:6

Mbeli gwawe mayigo ma na khala hwanga; dzikhovbe dzatshavbo dzi na sivbala kha nga wutshita nya khali.

Agewu 1:11

Nyi reside gihala mafuni, musigomoni, umo nya tirigu, umo nya miuvha, umo nya mafura ni gwatshavbo umo mafu ma ningago mihandro, gumogo gambe ni umo nya vathu, numo nya sirengo, ni vbatshani nya thumo watshavbo nya mandza yanu.

Zakariya 7:13

Avbo nyi nga va ranago, avo kha va nyi yingisa, avo navo va di nyi rana, Eni neni nyi si va yingisi; a ngu ganela Pfhumu Nungungulu nya Tshivba Yatshavbo.

1 Samuweli 5:12

Avo va nga bani va si manwi khu lufu, va di tshaniswa khu sithunya; huwa ya dhoropani mule yi di gwela kala ndzadzini.

1 Samuweli 9:16

“Mindru, khu gikhati nya nga egi, nyi na gu rumela mwama moyo wa tigoni ga Bhejami, u na mu todza khu mafura gasi a khala muthangeli wa vathu vangu va Israyeli; uye a na tshudzisa vathu vangu mandzani ga Vafilisitiya; kholu nyi wuyiside maho yangu nyi khedza vathu vangu, huwa yawe yi vbohide kala eno gwangu.”