Jeremiya 14:19 - Bhibhiliya Nya Guage

¹⁹ Ina va na Judha u va digede muphelo, gani? Ina kamwe monyo wago wa gu swihala khu Siyoni, gani? Khu ginani u hi podego dzimbanga dzi si vboligo, na? Ha gu lindrela gurula, aholu gimwalo nya gyadi hi gi wonago; Ha gu khedzisela gikhati nya guvbanyiswe, aholu ha guta mana wuvi.

Jeremiya 14:19 Iomraidhean Croise

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Joba 30:26

Nyi di gu khevisela silo nya sadi, gambe nyi dugeledwa khu dzimhango, nyi di gu lirela wenengedzo, gu dita gidema.

Dzindzimo 78:59

Nungungulu, na wone esi, a di goroga, a pfhurarela muphelo va na Israyeli.

Dzindzimo 89:38

Aholu uwe u digide gihathwa gyago, u gi nyenya u gi reda phuvbo!

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Jeremiya 12:7

Nyi digide gu tangadzisa ndranga yangu, nyi digide thomba yangu; nyi ningela gigodwa gyangu mandzani ga valala vaye.

Jeremiya 12:8

Vathu nya thomba yangu, va di nyi wugela va khala kha nga nghala ya khabini; va khuside lito va nyi bhongela; khu kota nya isoso, nyi di va gorogela.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 15:18

Gasi khu ginani gu gumba vbela gutshaniseka gwangu? Dzimbanga dzangu dza gumba vbola khu ginani? U na khala kha nga gitsongwana nyamba tumbega gi vbwago mati yaye, gani?

Jeremiya 30:12

Pfhumu Nungungulu a ngu ganela kharati, khuye: “Mbanga yago yikhongolo, kha yi vboli ni gilondra gyago khya gimange.

Jeremiya 30:13

Mwalo ni moyo a khathalago khuwe; ni gilondra gyago gi mwalo rendre nya gu gi vbodzise, ambari gu gi hungelela.

Jeremiya 51:5

kholu Israyeli ni Judha kha va digwa khu Nungungulu wawe, ni Pfhumu Nungungulu nya Tshivba Yatshavbo ambari litigo la Vabhabhiloni li tadego khu sighoho nya gu ghohele Gihathwa gya Israyeli.

Jeremiya 6:30

“Va na ranwa gupwani parata nyamba phasa gilo, kholu Pfhumu Nungungulu a va digide.”

Jeremiya 7:29

Vbalulani ndzudzu wa hungoni gwanu mu dzudzuga hwindzo; wombani huwa ni gu lila musigomoni nya gulaphe, kholu Pfhumu Nungungulu hambanide ni gitugulwana gegi gi wusidego likhulo laye, a gi diga.

Jeremiya 8:15

Hi di gu lirela gukhethu hi na mana gurula, aholu kha ha mana gilo nya gutsakise; hi di khethu hi na mana gikhati nya gu vbodzisedwe, aholu hi di wona wughevenga.

Jeremiya 8:22

Gasi Gileyadhi mwalo gambe mafura nya gugondredzele khayo, gani? Ina gu mwalo gambe nyanga iyoyo, gani? Khu ginani gu ngamba vbodziswa gilondra gya vathu vangu?

Gililo 2:13

Wufakazi muni nyi na gu girelago? Nyi na gu fananisa ni mani uwe nyamahegyane wa Jerusalema? Gasi nyi na gu fananisa ni mani? Gasi gu gu tangadzisa, uwe likendzi la tsindza wa Siyoni? Gilondra gyago gikhongolo nga linene; khu mani a na gi vbodzisago? Nuni

Gililo 2:22

U nyi rambede sighevenga khu maphuvbo yatshavbo, kha nga litshigu nya buzo; litshigu nya likhulo la Pfhumu Nungungulu, mwalo a nga tutumago mwendro gu vbuluga. Ngamo yangu nyi nga yi dandrisa ni gu yi sayisa, nala wangu a yi mbembiside.

Gililo 4:17

Maho yathu ma di fuvila khu gu vbweta giphaso hi si gi woni, hi garala khu gu khedzisela vathu va si kodzigo guta hi vbulugisa. Sade

Gililo 5:22

Ina kamwe u hi digede muphelo, gani? Ina u ngari ni likhulo ngudzu khethu, gani?

Mikeya 1:12

Kholu vathu va vbanyago Maroti vomo guvbisegani nya gukhongolo ngudzu na va gu lirela guvbanyiswa, aholu kha va na gu mana; kholu libango leli li rumedwe khu Pfhumu Nungungulu, li vboha kala vbanyangwatunu ga Jerusalema.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.