Jeremiya 14:16 - Bhibhiliya Nya Guage

¹⁶ Ni vathu va dzi girelago wuprofeti, va na mbambamela mudzindzilani dza Jerusalema, khu kotani nya gu songwe khu ndzala ni matshari; kha va na dzingwa khu muthu, avo gumogo ni vagadzi vawe, sanana sawe nya sikhwathana nesi nya sagadzyana; nyi na va fenengedza khu libango va li wusidego vabune.

Jeremiya 14:16 Iomraidhean Croise

Mavingu 1:31

Khu guralo, va na hodza handro nya mithumo yawe, va khura khu gupimisa gwawe.

Isaya 51:20

Sanana sago si titivade, si mbambamede mahandzakanyani nya dzindzila dzatshavbo, gu fanana ni tshesi yi modwego khu naphwi; va levide khu likhulo la Pfhumu Nungungulu, ni tsayiso wa Nungungulu wago.

Isaya 9:16

Kholu vathangeli nya vathu vava va kanganyisi, ni avo va thangedwago khavo, va na mbembiswa.

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 18:21

Khu guralo, sanana sawe si na vbele khu ndzala, va na sasedwe khu matshari; vagadzi vawe va na wandredwe sanana, ni gu khala dzinoni; vama vakone va na vbele khu tungu, madzaha yawe ma na sasedwe khu matshari nyimbitunu.

Jeremiya 20:6

Aholu, uwe Pasuri, gumogo ni ngamo yago, mu na vbagedwa mu yiswa wugumbini Bhabhiloni; u na yafa u dzingwa iyoyo uwe gumogo ni dzipari dzago dzatshavbo u giridego nadzo wuprofeti nya malipha.

Jeremiya 27:15

Kholu Pfhumu Nungungulu wari, khuye: Khandri eni nyi va rumidego, avo va gu profeta malipha khu lina langu, gasi Eni nyi mi phalalegisa mu mbemba enu gumogo navo va profetago isoso.”

Jeremiya 4:18

Mapimo ni mithumo yago khiso si gu reselago libango leli; idzo wu vavago khidzo tsayiso yoyu! Wa gu paya kala monyoni gwago!

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 7:33

Sirumbi sa vathu vava, si na rothedwa khu sinyoni sa damboni ni gu hodzwa khu sirengo sa mafuni; mwalo ni moyo a na si gusago.

Jeremiya 8:1

Khu gikhati gyogyo, a ngu ganela Pfhumu Nungungulu, khuye: Marambo ya vafumeli va Judha, nya manganagana, ya vaphasi nya mhamba, ya vaprofeti ni ya vavbanyi va Jerusalema, ma na duswa khu marowoni gwawe;

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Jeremiya 9:20

Enu vanyamayi yingisani magana ya Pfhumu Nungungulu, tulani dzindzeve dzanu dzi yingise magana ma dugago khu kanani gwaye; hevbudzani gililo sanana sanu nya sagadzyana; moyo ni moyo a na hevbudze mata waye ndzimo nya gililo.

Jeremiya 9:22

Va embele, khuwe: Pfhumu Nungungulu a ngu ganela kharati, khuye: “Sirumbi nya vathu si na mbambamela kha nga gitoromu gi thedwago marembweni, si mbambamede kha nga dzinyandra nya mavbila ya muvbweri, nyamba kodzwa gu roledwa khu muthu.”

Ezekiyeli 39:14

Hwane nya livbandre na mivili migima, gu na thodwa vama va na gimbilago tigoni nyamba garala, gasi guvbweta avo va na gu bani va tshade va va dzinga, gasi gu handza litigo.

Amosi 7:17

Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Matewu 15:14

Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

Gutuledwa 16:1

Eni nyi dipwa lito nya likhongolo na li gu duga khu Nyumbani ga Nungungulu, li gu embela dzingilozi dza Nungungulu, khilo: “Indrani mu ya vbaladza tigoni sikombe satshavbo nya livbandre na sivili si tadego khu likhulo la Nungungulu.”