Jeremiya 14:14 - Bhibhiliya Nya Guage

¹⁴ Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”

Jeremiya 14:14 Iomraidhean Croise

Isaya 56:10

Va woneleli vawe vatshavbo, sikhumu, kha vati gilo; vatshavbo va gu fanana ni dzimbwa nya sidudu, nyamba kodza gu huhula; va gu gola gu wotela, va khala na va lade, va lora dzindroro nya wugara.

Isaya 9:15

Hungo khu madhota ni vale nya guthavisege, muprofeti a va hevbudzago malipha, khuye a gu ngila.

Jeremiya 20:6

Aholu, uwe Pasuri, gumogo ni ngamo yago, mu na vbagedwa mu yiswa wugumbini Bhabhiloni; u na yafa u dzingwa iyoyo uwe gumogo ni dzipari dzago dzatshavbo u giridego nadzo wuprofeti nya malipha.

Jeremiya 28:11

a ganela mbeli nya vathu vatshavbo, khuye: “Pfhumu Nungungulu a ngu ganela kharati, khuye: Gu na girega kharato, hwane nya myaga mivili, nyi na bani nyi fanyide kanga wa Nabhukodhonosori, mufumeli wa Bhabhiloni a wu rwegidego dzithamoni nya mayigo yatshavbo.” Khu guralo, muprofeti Jeremiya a di khuga a hongola.

Jeremiya 28:13

“Indra, u ya embela Hananiya, khuwe: Pfhumu Nungungulu a ngu ganela kharati, khuye: U fanyide kanga nya simbo, aholu, vbatshani nya uwo nyi na gira nya dzisimbi.

Jeremiya 28:15

Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Jeremiya 29:21

Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati khu kotani ya Akabi, mwamana wa Kolaya, ni Zedhekiya, mwamana wa Maseya, khuye: Vathu vovo va dzi girago vaprofeti va ganela malipha khu lina langu; nyi na va ningela mandzani ga Nabhukodhonosori, mufumeli wa Bhabhiloni, a va songa na mu gu va wona.

Jeremiya 29:31

Rumela gu embedwa vatshavbo va vbagedwego mayelano khu Simaya, Muneyemi, khuwe: Kha nga olu Simaya, a nga dzi gira muprofeti avbo gwanu, mu khodwa gwaye khu malipha na sa rumwa kheni,

Jeremiya 37:19

Olu vomo hayi vaprofeti vago va nga bani va gu profeta, khavo: Mufumeli wa Bhabhiloni kha nata mu sasela, ambari gu sasela litigo leli?

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 8:10

Khu guralo, nyi na ningela vagadzi vawe ga vambe vama, ni marembwe yawe ma na ningedwa ga valala vawe; kholu gukhugela sanana kala vakhongolo, vaprofeti ni vaphasi nya mhamba, moyo ni moyo wawe a dzi ningede umo nya wudambane.

Jeremiya 8:11

Thumo nya guvbodzise dzimbanga dza vathu vangu va di wu gira kha nga thumo nya wudugwane, na va gu ganela, khavo: “Gurude, gurude;” nari gu gumwalo gurula.

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Gililo 2:9

Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod

Ezekiyeli 12:24

Kholu, kha gu na manega gambe siwoniso nya malipha, mwendro nyatumbatumbane nya wukanganyisi, vbakari ga va na Israyeli.

Ezekiyeli 13:2

“Mwamana wa muthu, profeta u embela vaprofeti va Israyeli va profetago olu. Embela vale va profetago khu gu si khugela, khuwe: Yingisani mahungu ya Pfhumu Nungungulu!”

Ezekiyeli 13:23

Khu kotani nya isoso, kha mu na mana gambe siwoniso nya malipha, gima kha mu na gira gambe wuprofeti. Nyi na tshudzisa vathu vangu mandzani gwanu. Khavbo mu na dzitigo gukhenu Eni kheni Pfhumu Nungungulu.”

Ezekiyeli 21:29

gasi li vegwa thamoni ga va nya gu dzi nyenyezisa ni va nya guvivbedwa khu myonyo, avo litshigu lawe ni gikhati nya tsayiso wawe nya guhegise gi vbohidego, na va gu gu wonisa siwoniso nyamba phasa gilo, ni gu sasuledza malipha.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Zakariya 10:2

Kholu sihuru nya mipaso ya ndrangani kha si ganeli gilo nya gupwale; va nya dzisolo va gu lola malipha; va nya miloro va gulora ni gutshamusela silo nyambaya khumo; va tangadzisa khu silo nyambana gighelo. Khu kharato, vathu va gu pengiswa kha nga tshambi nya dzinvuta, va tshaniseka khu gumbana muhavisi.

Zakariya 13:3

Ni wevbini muthu a na yedzago gu gira wuprofeti, babe ni mayi waye va nga mu velegago, va na mu embela, khavo: “Khu na nga vbanya, kholu u ganede malipha khu lina la Pfhumu Nungungulu; avbo a na phelago gu profeta, babe ni mayi waye va nga mu velegago, va na mu paya afa nari vbakari nya guprofete.

Dhewuteronome 18:20

Aholu muprofeti a na gu tshuka a ganela khu lina langu nya sa mu ruma, mwendro gu ganela khu lina la vambe vanungungulu, muprofeti yoyo a na songwa afa.

1 Thimoti 4:2

Va na landrisela ava va hevbudzago malipha khavo lisine, ava mapimo yawe ma fudego.

1 Johane 4:1

Sigodwa sangu, mu nga dzumeli vatshavbo avo va ganelago gukhavo va na ni liphuvbo la Nungungulu. Hegulani khu gu va sola vathu vovo mu fela gu dziti gukhenu liphuvbo lolo la guta khu ga Nungungulu kamwe, gani? Kholu vaprofeti nya vangi nya malipha va phalalegide ni litigo latshavbo.