Jeremiya 14:12 - Bhibhiliya Nya Guage

¹² “Ambari va gu hala, eni kha nyi na yingisa gulila gwawe, va gu nyi girela dzimhamba nya guvbiswe ni dzimhamba nya guhodze, kha nyi na tsakiswa khidzo; nyi na va mbembisa khu matshari, ndzala ni mitungu.”

Jeremiya 14:12 Iomraidhean Croise

Joba 27:9

Ina va gu thegedwa khu mhango, Nungungulu a na yingisa gulila gwawe, gani?

Mavingu 1:28

Khu guralo, mu na nyi rana, aholu kha nyi na mi hakha, mu na nyi vbweta, aholu kha mu na nyi mana.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 21:27

Mhamba ya muthu nya guvivbedwe khu monyo yi nyenyezide mahoni ga Pfhumu, ngudzungudzu a gu yi ningela khu maalakanyo nya guvivbe.

Mavingu 28:9

Uye a dzi girago givbwiri a si vbweti gu yingisa nayo, nombelo waye nuwo, wu na nyenyeziswa.

Isaya 58:3

Va gu ganela, khavo: Gwa gu phasa ginani gu hi hala ni gu dzi sodzisa, nari gu uwe khu theli kota khu ethu? Ni gu garadza hefemulo wathu mahala khu isoso? Aholu litshigu mu halago, mwa gu gira iso mu si golago, mu tshanisani sithumi sanu.

Jeremiya 11:11

Khu guralo, Pfhumu Nungungulu a ngu ganela kharati, khuye: Nyi na resa vbakari gwawe libango va na gumba vbuluga khilo, va na keta ni gu wombeledzela dzihuwa, aholu eni kha nyi na va yingisa.

Jeremiya 11:14

Khu guralo, uwe Jeremiya u nga lombeleli khu vathu vava, ambari gu khusa lito u lila khu avo ni gu va girela nombelo; kholu gikhati va na gu lilago avbo gwangu gima kha nyi na va yingisa, khu kotani nya sighoho sawe.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 16:4

“Va nafa khu mitungu nya guthise, gima kha va na lidwa ambari gu dzingwa; va na mbambamela nga ndzilo ya tigoni, va na mbembiswa khu ndzala ni matshari, sirumbi sawe si na khala guhodza nya sinyoni sa damboni ni sirengo sa khabini.”

Jeremiya 21:6

Nyi na sasela vavbanyi va dhoropani momu, vathu gumogo ni sirengo; va nafa khu tungu nya guthise.

Jeremiya 24:10

Nyi na va wusela dzinyimbi, ndzala ni mitungu, kala va vbela vatshavbo havo bhi, gasi gu si tshali ni moyo ga litigo nyi nga ningago avo ni vababe vawe.

Jeremiya 32:24

Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Jeremiya 6:20

Ma gu nyi phasa ginani mabani mu nyi reselago khu tigoni ga Sabha, ni mafura nya gunungele mu nyi reselago khu mayigoni ya hwindzo? Miphaso yanu nya guvbiswe ni dzimhamba dzanu kha dzi nyi nengedzisi.

Jeremiya 8:13

“Nyi na va vbiyela havo bhi.” A ngu ganela Pfhumu Nungungulu. Kha gu na tshala likandzu vbatshani nya kandzu, ambari lidimwa dimwani ni mahagane ma na wu na; olu nyi rumede avo va na gu ya va sasela.

Jeremiya 9:16

Nyi na va phalalegisa ni mayigo, avo va si matigo, ambari ni vavelegi vawe va ngamba mati, nyi na ya va vbedza khu matshari kala havo bhi.”

Ezekiyeli 14:19

Aholu nya gu rumela mitungu tigoni mule nyi guhula likhulo langu vbatshani gwaye, nyi vbaladza novba ni gu songetela vathu vaye ni sifuyo saye;

Ezekiyeli 14:21

Kholu Mune Pfhumu Nungungulu a ngu ganela kharati, khuye: “Ahati nya gu rumela sitsayiso sangu nya sina dhoropani ga Jerusalema, a gu nyimbi, ndzala, sirengo nya wurena ni mitungu, gasi guya songetela vathu vaye gumogo ni sifuyo sawe!”

Ezekiyeli 8:18

Khu guralo, nyi na va lamula khu likhulo; kha nyi na va pwela gisiro, gambe kha nyi na va tsetsa. Ambari va gu womba huwa dzindzeveni gwangu, kha nyi na va yingisa.”

Hoseya 5:6

Va na hongola gumogo ni mitshambi yawe, ni dzimombe dzawe nya migadzi, gasi guya vbweta Pfhumu Nungungulu, aholu kha va na mu mana. Kholu uye hambanide navo.

Amosi 5:21

Nyi ngu vengana ni gu nyenya mibuzo yanu, ni mitshangano yanu nya mikhuwo, gima kha yi nyi tsakisi.

Mikeya 3:4

Khu guralo, mu na rana Pfhumu Nungungulu, aholu uye kha na mi hakha, gambe khu gikhati gyogyo uye a na mi sihela khovbe yaye, khu kotani nya mithumo nya guvivbe va nyi giredego.

Zakariya 7:13

Avbo nyi nga va ranago, avo kha va nyi yingisa, avo navo va di nyi rana, Eni neni nyi si va yingisi; a ngu ganela Pfhumu Nungungulu nya Tshivba Yatshavbo.

Malakiya 1:10

Khu mani vbakari gwanu a na segago malimba nya Nyumba ya Nungungulu gasi gu si khondriswi gambe nilo nyambana fanelo vbagiluvelotunu gwangu? Kholu enu kha mu nyi salalegisi gambe, kha nyi na hakha gambe miphaselo yanu. A ngu ganela Pfhumu Nungungulu nya Tshivba Yatshavbo.

Malakiya 2:13

Gomo gambe gumbe guvivba mu gu girago. Mwa gu tadzani khu marongo giluvelo gya Pfhumu, khu gu lila ni gu keta; kholu Pfhumu Nungungulu kha nga gu dzumela gambe gu hakha miningelo yanu, ambari gu hakha khu matsenya ndruwo ya mandzani gwanu.

Gutuledwa 6:8

Nyi di wona kavalu nya safarawu, na yi khiledwe khu moyo nya gupwani khu “Gufa” a na gu bangaladzwa khu Hayidhesi, litigo nya vafi. A di ningwa gipandre nya wu na nya litigo, gasi a gi mwaladze khu litshari, ni ndzala, ni mitungu nya madwali ni sirengo nya likhabi.