Jeremiya 14:11 - Bhibhiliya Nya Guage

¹¹ Pfhumu Nungungulu a di engedza a nyi embela gambe, khuye: “U nga dzi garadzi khu gu lombelela gu vbweta iso nya sadi ga vathu vava.”

Jeremiya 14:11 Iomraidhean Croise

Ekisodha 32:10

Nyi dige nyi va nonedza guvbisa nya likhulo langu, nyi va mbembisa. Aholu Eni nyi na wusa lihundzu nya likhongolo khavbo gwago.”

Jeremiya 11:14

Khu guralo, uwe Jeremiya u nga lombeleli khu vathu vava, ambari gu khusa lito u lila khu avo ni gu va girela nombelo; kholu gikhati va na gu lilago avbo gwangu gima kha nyi na va yingisa, khu kotani nya sighoho sawe.

Jeremiya 15:1

Pfhumu Nungungulu a di nyi embela, khuye: “Ambari nari pwani Mosi ni Samuweli vomo mbeli gwangu va lombelela khu vathu vava, gima eni nyi si va tsetseleli; va duse mbeli gwangu, u va yise hwindzo ni eni!”

Jeremiya 7:16

Gasi olu, uwe Jeremiya, u nga lombeleli khu vathu vava, u nga nyi reseli gambe gililo mwendro nombelo khu kotani nya vathu vava, ne u nga dzi garadzi, kholu eni kha nyi na gu yingisa.

1 Johane 5:16

Muthu a gu wona ndriyaye na gu gira gighoho gi si mu yisigo gufani, a na mu lombelele, Nungungulu a na mu vbanyisa. Nombelo yoyu wa gu phasa basi a gu bani ari gighoho nyamba yisa gufani. Gyomo gighoho gi yisago gufani. Kha nyiri kheni lombelelani khigyo.