Jeremiya 13:23 - Bhibhiliya Nya Guage

²³ Ina Muetiyopi a ngu dzi kodza gu vbindrugedza tshonge yaye, mwendro likhamba mavalavala yaye, gani? Khu guralo, enu nenu, olu mu nga olovela gu gira guvivba kha mu na dzi khodza gu gira ugo nya gwadi.

Jeremiya 13:23 Iomraidhean Croise

2 Dzipfhumu 17:40

Aholu avo kha va mu yingisa gilo; va di landrisela sihena nya tumbunugo wawe nya guphele.

Mavingu 27:22

Gipumbu ambari gya hindzwa kununi nga mavbila, gima kha gi hambani ni wupumbu waye.

Muhevbudzi 1:15

Gile gi wegedego gima kha gi lulamiswi, ni igyo gi gu mwalo kha gi sayedwi.

Isaya 1:5

Khu ginani mu na gu simamago mu tsayiswa, khu guyeyisa gwanu? Mihungo yanu yatshavbo yi ngu dwala, ni myonyo yanu yi vbede tshivba.

Jeremiya 17:9

Gimwalo gi kanganyisago guvbindra monyo, madwali yaye kha ma thumwi. A na tidwa khu mani?

Jeremiya 2:22

Ambari mwa gu hamba khu levbini lifumbu nya sabawu, noda nya sighoho sanu kha yi na futega; A ngu ganela Pfhumu Nungungulu.

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

1 Samuweli 19:21

Avbo a nga tiviswago esi, Sawule a di rumela vambe vathu, avo navo va di guprofeta; khavbo avbo Sawule a di rumela gambe tsawa nya wuraru, avo navo diya guprofeta.