Jeremiya 13:21 - Bhibhiliya Nya Guage

²¹ U na khuwe ginani a gu vega dzipari dzago dzi gu fumela, olu a gu uwe kamwe u va hevbudzidego gu khala vamune vago? Ina khwa napwa guvbisa kha nga nyamayi nya gulumwe, gani?

Jeremiya 13:21 Iomraidhean Croise

2 Dzipfhumu 16:7

Akazi a di rumela myango ga Tigalati-Pileseri, mufumeli wa Asiriya, a mu embela, khuye: “Eni nyi githumi gyago ni gyanana gyago, gwela u ta nyi vbulugisa mandzani ga mufumeli wa Siriya ni mandzani ga mufumeli wa Israyeli, va nyi wugedego va nyi dhumela.”

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 13:8

Va na thurugiswa ngudzu; va modwa khu sigaradzo, va saniseka gu fanana ni nyamayi nya gulumwe, va na khedzisana khu gyawe na va gu samala, dzikhovbe dzawe dzi ngangamela kha nga nilo.

Isaya 21:3

Khu guralo, nyi di pwa wuvi ngudzu, nyipwa guvbisa kha nga nyamayi a lumwago; nyi ngu tshaniseka avbo nyi padwago ni gu yingisa, nyi thusedzedwa, avbo nyi si kodzigo ni gu wona gilo.

Jeremiya 2:25

Thela kota khu ngondro wago gasi wu si tshulegedwi khu gilato, ni ngolo wago wu si bangi khu lidora. Aholu, uwe wari, khuwe: “Kha gu phasi gilo; kholu nyi manide vambe vanungungulu nya valombo, khavo nyi yelago gu va landra.”

Jeremiya 22:23

Uwe u khalago Libhanoni, u vbahidego gihaga gyago matamoni nya sedhari, litshigu nya mhango u na wona tshanisa ngudzu, guvbisa gakone gu fanana ni ogu gwa nyamayi a lumwago!

Jeremiya 30:6

Wudzisani ni gu wona, ina mwama a ngu dzi kodza gu lumwa, gani? Khu ginani nyi wonago vama vatshavbo va dzi pharago sirumbu gukhwatshi khu nyamayi a lumwago? Khu ginani dzikhovbe dzawe dzatshavbo dzi thuvigidego?

Jeremiya 38:22

Vanyamayi vatshavbo va na tshalago nyumbani nya wufumu wa Judha, va na dzegwa va ningedwa ga vathangeli va mufumeli wa Bhabhiloni, gasi avo va na ganela, khavo: Dzipari dzile dzago nya dzadi dzi gu kanganyiside, dzi gu pfhadzide. Migondro yago yi pfugunyede maragani; dzipari dzago dzi gu digide.

Jeremiya 4:30

Gasi olu uwe Jerusalema, u tshadego wenga nuri marumbi, u na gira gambe ginani? Ambari u ambalago guambala nya giwunguwungu, u dzi mburisela khu siphatiphati nya ndralama, u engedzela gu pendra maho yago, ni gu tola mafura nya gunungele; sibhayi kha si gu khathaleli gambe, sa gu vbweta gu gu songa.

Jeremiya 4:31

Kholu nya gupwa lito nya miketo nya gufanane ni nyamayi a lumwago, miketo nya wuvi ya nyamayi nya tiwula. Lito la lidhoropa la Siyoni li lilago na li gu khusa mandza, khilo: Yowe! Nyi fude, hefemulo wangu wu vbede tshivba khu kotani nya vasaseli!

Jeremiya 48:41

Madhoropa yawe ma na phangwa, ma wandrwa makhokhola yawe; khu litshigu lolo, myonyo nya dzindrena dza Mowabhi, yi na fanana ni monyo nya nyamayi a lumwago.

Jeremiya 5:31

Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 6:24

Avbo hi nga pwa ndruma yawe, mawogo yathu ma di vbela tshivba hi gu saniseka khu wuvi wathu watshavbo, kha nga nyamayi a lumwago.

Ezekiyeli 28:9

Ina u na ganela mbeli ga wule a na gu songago, khuwe: Eni kheni Nungungulu, gani? Kholu uwe mandzani ga vale va gu songago, u muthu basi, khuri Nungungulu.

Matewu 24:8

Aholu satshavbo sesi a na bani ari guphela nya sitshaniso.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.