Jeremiya 13:19 - Bhibhiliya Nya Guage

¹⁹ “Madhoropa ya Marandzi ma segidwe, mwalo a kodzago gu ma tula; vatshavbo va na Judha va vbagedwe va yiswa wugumbini; vatshavbo va hongode kha ga tshala muthu.”

Jeremiya 13:19 Iomraidhean Croise

2 Dzipfhumu 25:21

Va diya songwa Ribala khu mufumeli wa Bhabhiloni, tigoni ga Hamati; Judha a di duswa tigoni gwaye a vbagedwa a yiswa hwindzo ni litigo laye.

1 Dzikoronika 9:1

Vatshavbo va na Israyeli va di lovedwa khu longoloko nya linyumba lawe, va vegwa umo nya Libhuku la Vafumeli va Israyeli. Va na Judha va di modwa va yiswa wugumbitunu Bhabhiloni, khu kotani nya sighoho sawe.

Joba 12:14

Iso Uye a si pfhungumulago, kha si vbahedzwi khu muthu, ni uye a mu khothelago, kha kodzi gu tuledwa khu muthu.

Jeremiya 17:26

Va nata khu madhoropani ya Judha, khu wubambe wa Jerusalema, khu mayigwana ya Bhejami, khu mapanini, khu musigomoni ni Marandzi, va resa miphaso nya guvbiswe, miningelo nya wuguvbi ni libani, ni miningelo nya gubonge, Nyumbani ga Pfhumu Nungungulu.

Jeremiya 20:4

Kholu Pfhumu Nungungulu a ngu ganela kharati, khuye: Wona nya gukhuwe nyi na gu gira gighevenga, u dzi thusedzela wabune ni gu thusedzela dzipari dzago; avo va na songwa khu matshari khu valala vawe nu gu va wona, va na Judha vatshavbo va na thegela mandzani ga mufumeli wa Bhabhiloni; uye a na va vbagela vayiswa wugumbini tigoni ga Bhabhiloni aya va sasela khu matshari.

Jeremiya 24:1

Pfhumu Nungungulu a di nyi yeyedza situndru sivili nya gutale khu dzindzawa na si vegidwe Nyumbani gwa Pfhumu Nungungulu, hwane nya gu Nabhukodhonosori, mufumeli wa Bhabhiloni, na vbagede Jekoniya, mwamana wa Jowakimi, mufumeli wa Judha, gumogo ni dzindruna dza Judha, ni vameseri, ni vabethi nya dzisimbi dza Jerusalema, a va yisa wugumbini Bhabhiloni.

Jeremiya 28:4

Nyi na wuyisa gambe wulangani wowu Jekoniya, mwamana wa Jowakimi, mufumeli wa Judha, ni vatshavbo va na Judha va vbagedwego va yiswa wugumbini Bhabhiloni; kholu nyi na funya kanga wa mufumeli wa Bhabhiloni.” A ngu ganela Pfhumu Nungungulu.

Jeremiya 32:44

Mu na renga marembwe khu dzitsapawu, mu lova malangalila nya gu renge khayo mu rana dzifakazi mu ta sayina tigoni momu ga Bhejami ni bambe ga Jerusalema, ni madhoropani ga na Judha, ni ya musigomoni, ni ya mikovani ni madhoropani ga Marandzi; kholu nyi na va wuyisa khu wugumbitunu vata khala tigoni gwawe; a ngu ganela Pfhumu Nungungulu.

Jeremiya 33:13

Madhoropani ya sigomoni ni ya mapanini, madhoropani ya Marandzi, ni ya tigoni ga Bhejami, ni wubambe nya lidhoropa la Jerusalema, ni madhoropani ya Judha, yi nga na gu simama gu vbindra gambe mitshambi khu mandzani ga vahavisi, a ngu ganela Pfhumu Nungungulu.”

Jeremiya 39:9

Vathu vatshavbo va nga tshalago dhoropani, gumogo ni vayeyisi va nga bani va dzi ningede gwaye ni mitshaledwa nya vathu, Nebhuzaradhani, muthangeli nya dzighadhi, a di va vbagela a va yisa wugumbitunu Bhabhiloni.

Jeremiya 52:27

Mufumeli wa Bhabhiloni a di ya va songa dhoropani ga Ribala, umo nya gipandre gya Hamati; khu guralo, Judha a di vbagedwa a yiswa hwindzo ni tigoni gwaye.

Jeremiya 52:28

Owu khu tengo nya vama va yisidwego wugumbitunu khu Nabhukodhonosori khu mwaga nya livbandre na wuvili nya gufume gwaye, a gu owu: Magumararu mazana ni magumavili na vararu (3.023) vama va Judha.

Jeremiya 52:30

Khu mwaga nya magumavili na wuraru nya gufume gwa Nabhukodhonosori, Nebhuzaradhani, muthangeli nya vaemeledzi, vbagede livbandre na mavili mazana ni magumana na livbandre (745) vathu vbakari nya Vajudha. Gu va pata vatshavbo va gu enedza magumana ni livbandre na limwedo mazana (4.600).

Gililo 1:3

Judha vbagedwe a yiswa hwindzo a tshaniswa a girwa khumbi; a gu vbanya vbakari nya va nya mayigo a si mani gurula. Vatshanisi vaye vatshavbo va mu lundrago, va mu randrede va mu sokhovedza. Dalet

Zakariya 7:7

Kha mwa ma pwani magana ya Pfhumu Nungungulu a nga ma tivisago khu magana ya vaprofeti va gale, matshiguni yale Jerusalema gu nga bani gu vbanya vathu khu gurula gumogo ni madhoropa yaye ma mu randredego, gikhati sipandre nya mayigo ya Negebhi ni Sefela ma nga bani ma tade khu vathu, gani?”

Dhewuteronome 28:15

Aholu, wa gumba yingisa lito la Pfhumu, Nungungulu wago, u si khathali khu gu landrisa milayo ni sileletelo saye nyi gu ningago muhuno, dzitshanisa dzi na gutago vbatshani gwago khedzi:

Dhewuteronome 28:52

Va na gu randrela madhoropani gwago gwatshavbo, kala ma thega mabhiyo yago nya gulaphe tigoni gwatshavbo ni makhokhola u na bani u gu ma tumba, a na gu randrela ga litigo latshavbo eli Pfhumu Nungungulu wago a nga gu ningago.

Josuwa 18:5

Mu na li kabanisa khu livbandre na sivili sipandre: Judha a na khala tigoni gwaye khu phuvbo ga Marandzi, gasi nyumba ya Josefe, yi na khala tigoni gwaye khu phuvbo ga Wuronga.