Jeremiya 13:18 - Bhibhiliya Nya Guage

¹⁸ Embela mufumeli ni pfhumugadzi, khuwe: “Dzi vbwasamiseni mu khala vbavbatshi, wumburi ni sihugu nya wudhumo wanu, si thegide khu mihungoni gwanu.”

Jeremiya 13:18 Iomraidhean Croise

2 Dzipfhumu 24:12

Khavbo avbo, Jowakimi, mufumeli wa Judha, a di duga dhoropani aya dzi ningela ga mufumeli wa Bhabhiloni; uye gumogo ni mayi waye, sithumi saye, dzindruna ni mithenwa yaye; mufumeli wa Bhabhiloni, a di va mola a va gira dzikhumbi; gu diri mwaga nya livbandre na miraru nya gufume gwaye.

2 Dzipfhumu 24:15

A di vbagela Jowakimi, a mu yisa Bhabhiloni; gumogo ni mayi wa mufumeli, vagadzi va mufumeli, mithenwa yaye ni sitetema sa tigoni, va di vbagedwa khu Jerusalema, va yiswa Bhabhiloni.

2 Dzikoronika 33:12

Nari vbakari nya wuvi, a di lombelela ga Pfhumu Nungungulu waye, a dzi thesa ngudzu vbavbatshi ga Nungungulu wa vababe vaye;

2 Dzikoronika 33:19

Nombelo waye, ni idzo Nungungulu a mu hakhidego khidzo, ni gighoho gyaye, guyeyisa gwaye, malanga a ma vbahidego nya sigomo, umo a nga emisago sifananiso nya guvatwe na si gu dzi thesi vbavbatshi, ma lovidwe yatshavbo umo nya Libhuku la Vaprofeti.

2 Dzikoronika 33:23

Uye gima kha nga dzi nogisa mbeli ga Pfhumu Nungungulu, kha nga idzo a nga girago babe waye Manasi, a nga dzi nogisago; aholu Amoni, a di andrisa sighoho saye.

Ekisodha 10:3

Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Ekisodha 39:28

gihugu nya linyu nya wuzundzo, sihugu nya sidugwane nya thumo nya wukhozeli ni sikhunyula nya linyu nya wuzundzo,

Mavingu 27:24

kholu dzithomba kha dzi simami, dzi ngu vbela, ni gihugu nya wufumu kha gi lumbi livelego latshavbo.

Isaya 3:20

Mongo, dziketane, mabhandri, sigasyana nya mafura nya gunungele, ni masindra ya mawundruni;

Isaya 3:26

Dzinyangwani nya lidhoropa lago, gu na pwala dzihuwa; u na tshala nyambana gilo, Siyoni a khala vbavbatshi huye hokohoko.

Isaya 47:1

Tshiga vbavbatshi, u khala ngumani, uwe likendzi nyamahegyane wa Bhabhiloni; khala vbavbatshi; kholu u mwalo gambe gikhalo nya wufumu, uwe nyamahegyane wa Vakalidhiya, kholu gima khu na ranwa gambe pwani khuwe nya gu dzi gole ni gumbura.

Jeremiya 22:24

Kha nga olu nyi vbanyago, a ngu ganela Pfhumu Nungungulu khuye, uwe Jekoniya, mwamana wa Jowakimi, mufumeli wa Judha ambari nari gupwani u phera ya mandzani gwangu ga nyamudye, nyi di hadza gu gu sigula.

Jeremiya 22:26

Uwe gumogo ni mayi wago a nga gu velega, nyi na mi tutumisa mu ya ga litigo mu si litigo, u ngamba velegedwa umo, mu ya fela yoyo.

Jeremiya 29:2

Hwane nya gu bani va dugide khu Jerusalema, mufumeli Jekoniya, pfhumugadzi mayi waye, mithenwa, dzindruna dza Judha ni Jerusalema, vavati ni vabethi nya dzisimbi, na va gu vbagedwe va yiswa Bhabhiloni.

Jeremiya 36:16

Avbo va ngapwago magana yatshavbo yale, va di thuruga va khedzisana va embela Bharuki, khavo: “Gu ngu yela gu dzega magana yaya yatshavbo hi ya embela mufumeli!”

Gililo 1:6

Gungangamela ga lidhoropa la Siyoni gu mwalalegide. Manganagana yaye ma khade nga dzimangwa dzi hamugago wuhaviselo, dzi thavago na dzi vbede tshivba ga wule a dzi lundrago. Zain

Gililo 1:9

Dzingandzu dzaye dzi tade khu ndzilo. Aholu uye kha nga alakanya litshigu nya mahegiso; ni guthega gwaye gu samadziside, aholu kha nga mana ni moyo nya gu mu tangadzise. Wari khuye “Pfhumu Nungungulu, wona wusiwana wangu, kholu nala a ngu ghiya.” Yod

Gililo 2:10

Madhota ya vanyamahegyane va Siyoni ma khade vbavbatshi hayo kape. Va dzi phorodzede nguma hungoni, va ambala silendra, makendzi ya Jerusalema ma nogide dzithamo vbavbatshi. Caf

Gililo 5:16

Gihugu gyathu nya wufumu gi thegide! Libango lakone, kholu hi nga ghoha!

Ezekiyeli 16:12

nyi gu thede phera vbathonvutunu, nyi gu thela dziphera dzindzeveni gwago, nyi gu ambagisa gihugu nya gumbure ngudzu hungoni gwago.

Ezekiyeli 21:26

Mune Pfhumu Nungungulu a ngu ganela kharati, khuye: Tshula dzingandzu dzago ni gihugu nya wufumu; kholu olu khandridzosaye ni gale; gu na khusedzwa va nya gusolega, gutshiswa vbavbatshi va nya matshandza.

Ezekiyeli 24:17

Hefemudzega huwe kape, u nga giri gililo khu vale va fudego; ambala gihugu gyago, u ambala ni silato migondroni gwago; u nga fenengedzi giledzu gyago, u nga hodzi guhodza ga vamalile.”

Ezekiyeli 24:23

Mu na khala na mu ambade sihugu hungoni ni silato migondroni; kha mu na gira gililo ambari gulila, aholu mu na mbemba khu kota nya guvivbe gwanu, gambe mu na lilelana khu gyanu.

Ezekiyeli 44:18

Va na ambala sihugu nya seda hungoni gwawe, va ambala sikhunyula nya seda siwununi gwawe; va nga ambali sombo nya gu va lutugise.

Dhaniyeli 5:20

Aholu avbo a nga phela gu dzi dandrisa, a di bangisa hungo waye wu tala khu matshandza, a di duswa vbagikhalotunu gwaye nya wufumu, a dzegedwa wudhumo waye.

Jona 3:6

Mahungu yaya ma di vboha dzindzeveni ga mufumeli wa Ninivha; uye a di khuga khu vbagikhalotunu gwaye nya wufumu, a tshula dzingandzu nya wufumu, a ambala dzisaku, a puluwundra ngumani.

Matewu 18:4

Khu kharato, uye a dzi sodzisago kha nga gyanana gegi a na bani ari khongolo Mufumoni wa Ndzadzini.

Jakobe 4:10

Dzi sodziseni mbeli ga Pfhumu, uye a na mi khusedza.

1 Pedro 5:6

Khu guralo, dzi nogiseni vbavbatshi nya mandza nya tshivba ya Nungungulu, gasi a mi khusedze khu gikhati gi enedego.