Jeremiya 13:11 - Bhibhiliya Nya Guage

¹¹ Kholu, kha nga libhandri li hungwago giwununi nya muthu, khidzo kharato eni nyi dzi hungide ni nyumba yatshavbo ya Israyeli ni nyumba yatshavbo ya Judha, a ngu ganela Pfhumu Nungungulu, gasi va khala vathu vangu, lina, wuzundzo ni wudhumo wangu; aholu avo kha va nyi yingisa.

Jeremiya 13:11 Iomraidhean Croise

Dzindzimo 135:4

Uye hathide Jakobe gu khala waye, ni va na Israyeli gu khala thomba yaye.

Dzindzimo 147:20

Uye kha gira silo nya nga esi ga mambe mayigo; kha ma tulela guti sileletelo saye. Aleluya! A na dhumiswe Pfhumu Nungungulu!

Dzindzimo 81:11

Aholu, vathu vangu kha va dzina gu nyipwa, Israyeli kha yeyedza gu khathala khu eni.

Isaya 43:21

vathu vava nyi dzi wumbedego, gasi va huwelela wudhumo wangu.”

Isaya 62:12

Va na ranwa gupwani Vathu va Agidego, Va tshudzisidwego khu Pfhumu Nungungulu; ni uwe Siyoni, u na ranwa pwani u Lidhoropa u Vbwetwago, Khandri u Giwula.”

Jeremiya 13:1

Pfhumu Nungungulu a di ganela kharati avbo gwangu, khuye: “Indra dzi rengela libhandri nya seda u dzi hunga khilo giwununi gwago, aholu u nga li negi matini!”

Jeremiya 13:10

Vathu vava nya guvivbedwe khu monyo, va si dzumeligo gu yingisa magana yangu, va gimbilago khu dzindzila dzi godwago khu myonyo yawe, ni gu landrisela vanungungulu nya valombo, va va khozela ni gu va thumela, va noga mbeli gwawe, va na fanana ni libhandri leli li si phasigo gilo.

Jeremiya 13:12

Khu guralo, u na va embela kharati, khuwe: Pfhumu Nungungulu wa Israyeli a ngu ganela kharati, khuye: Gu vbweta mu tadza sikanvwana satshavbo khu vbinyu, va na gu embela, khavo: Ina ethu kha hi dziti gwadi nya gukhethu sikanvwana satshavbo si na tala khu vbinyu, gani?

Jeremiya 19:15

“Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wonani nya gukhenu nyi na resa libango dhoropani momu; ni sidhoropanani gwatshavbo ga Jerusalema ni mambe ya vbafuvbyana nyi mi tivisidego, kholu vathu va tigoni momu va bangiside mihungo yawe va si dzumeli gu yingisa magana yangu.”

Jeremiya 32:20

Uwe u giride siliwugiso ni sisamadziso tigoni ga Egipito, na muhuno u nga gu simama gu si gira tigoni momu ga Israyeli ni ga vathu vatshavbo; gambe u dzi girede lina nya wudhumo u gu nalo kala na muhuno.

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Jeremiya 6:17

Nyi vegide gambe vawoneleli vbakari gwanu, nyi va embela, kheni: “Yingisani gudzuma nya pundru!” Aholu avo va di nyi hakha, khavo: Kha hi dzumeli gu gu yingisa.

Jeremiya 7:13

Kha nga olu mu giridego silo satshavbo sesi, a ngu ganela Pfhumu Nungungulu, khuye: Dzinyondro nya dzingi na nyi gu mi kawukani, mu tshikani dzindzeve mu si nyi yingisi, nyi mi ranide mu si nyi hakhi,

Jeremiya 7:23

Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Amosi 3:1

Upwani magana yaya Pfhumu Nungungulu a ganedego gwanu, enu va na Israyeli, ni ga lihundzu latshavbo leli a li dusidego khu tigoni ga Egipito wari khuye:

Luka 10:11

‘Wonani, hi ngu phuphuta ni kudzudzwane nya lidhoropa lanu, wu nga bani wu dandramede migondroni gwathu, hi mi tshiyelani. Aholu dzitini nya gukhenu Mufumo wa Nungungulu womo vbafuvbi.’

Dhewuteronome 26:18

Uye, nuye muhuno Pfhumu Nungungulu, tiyiside khuye, enu mu vathu mu lumbago uye basi, Uye a ngu mi ruma gukhuye mu fanede gu sayisa milayo yaye yatshavbo.

Dhewuteronome 26:19

Khu guralo, a na mi kategisa, a mi khusedza vbatshani nya mayigo yatshavbo a ma giridego, mu ma vbindra khu wudhumo ni wuzundzo ni ndruma, gasi mu khala litigo lile nya vathu va agidego mahoni ga Pfhumu Nungungulu wanu, kha nga idzo a ganedego khidzo.

Dhewuteronome 4:7

Kholu, khu levbini limbe litigo li gu na ni vanungungulu va guromo vbafuvbi gwawe nya gufanane ni Pfhumu Nungungulu wathu, ga dzinyondro dzatshavbo hi mu lombelelago?

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.