Jeremiya 12:6 - Bhibhiliya Nya Guage

⁶ Kholu ambari ni vandriyago gumogo ni ndranga ya babe wago, avo navo va gu logovedzide; avo kamwe va ngu gu lundra na va gu gira ligwaha nya likhongolo. Ambari va gu gu sengedzela khu silo nya gumbure u nga va tumbi.

Jeremiya 12:6 Iomraidhean Croise

Joba 6:15

Vandriyangu va nyi kanganyiside, va fanana ni mati nya tsongo ma gogago kovani.

Dzindzimo 12:2

Muthu ni muthu, a gu liphela muthu kwawe khu magana nya gusengedzele ni gupemba.

Dzindzimo 12:3

Pfhumu Nungungulu, pila sihofu nya malipha, sa avo va ganelago khu matshandza,

Dzindzimo 69:8

Nyi khade nombo ga vandriyangu nyamba tidwa khu sanana sa mayi wangu.

Mavingu 23:8

U na gosa iso u hodzidego, u haganisela kharato magana yago nya yadi.

Mavingu 26:25

Ambari a gu tshambisela gu ganela u nga khodwi, kholu monyoni gwaye, gu tade khu wulala nya gu enedze livbandre na dzimbili dzinyondro.

Isaya 31:4

Kholu Pfhumu Nungungulu a nyi embede kharati, khuye: Kha nga nghala ni ginghalana gyaye, si ngurangurago khu pfimba wawe, si si thavi ligwaha nya vahavisi khu gutala nya avo, yi si tutumi, yi thava khu kotani nya wungi nya avo, kharato nuye Pfhumu Nungungulu nya Tshivba Yatshavbo a na tshiga, gasi guta dwanela gigomo gya Siyoni ni gigomwana gyaye.

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Jeremiya 11:21

Khu guralo, Pfhumu Nungungulu a ngu ganela kharati ga vathu va Anatoti, va vbwetago gu nyi songa na va gu ganela, khavo: “U nga profeti gambe khu lina la Pfhumu Nungungulu gasi u si feli mandzani gwathu.”

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 9:2

Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Jeremiya 9:3

Va gu peta lidimi li fanana ni wulaho wu ghwimbidwego, gasi gu ganela malipha; va gu dzi tiyisa tigoni, aholu khandri khu lisine, kholu va gu tsakela guvivba, kha va khathali khu Eni; a ngu ganela Pfhumu Nungungulu.

Jeremiya 9:4

Moyo ni moyo a na dzi wonele ga pari yaye, gambe a nga tumbi valongo vaye; kholu valongo vatshavbo gi mwalo va girago, vbavbandze nya gu zame gu kanganyisa basi, ni dzipari dzatshavbo nidzo dza gu gira milembo basi.

Jeremiya 9:5

Maganani gwawe gu mwalo lisine, va gu kanganyisana khu gyawe, avo va di hevbudza lidimi lawe gu ganela malipha; va olovede gu gira guvivba, kha va kodzi gu dzi laya.

Matewu 10:21

Ndruye a na songa ndriyaye; babe a songisa mwanaye; sanana si na wugela vavelegi si va songa.

Marko 12:12

Na va dzitide nya gukhavo gipimaniso gyogyo gya gu thula avo, va di vbweta ndzila nya gu mu mole, aholu, khu gu thava gidzemo, va di mu diga va hongola.

Johane 7:5

Khu lisine, ambari vandriyaye va disi khodwi gwaye.

Mithumo 16:22

Gidzemo gyatshavbo gi di va wugela, dzindruna dzi va pferulela dzingandzu, va ruma gu va kwamula khu dzimboma.

Mithumo 18:12

Galiyo, nari mwamangulu wa Akaya, Vajudha va di pwanana va wugela Pawulo va mu yisa phathani,