Jeremiya 12:15 - Bhibhiliya Nya Guage

¹⁵ Aholu, khu hwane nya gu bani nyi va duside, nyi na bwelo khavbo nyi va pwela wusiwana, nyi na va bweledza moyo ni moyo thombani gwaye, muthu ni muthu a bwelela tigoni gwaye.

Jeremiya 12:15 Iomraidhean Croise

Jeremiya 16:15

“Gambe va na ganela, khavo: Pfhumu Nungungulu a ngu vbanya, Uye a nga wuyisa sanana sa Israyeli khu tigoni ga Wuronga ni ga mayigoni gwatshavbo a nga bani a va phalalegisede umo; kholu nyi na va wuyisa ga litigo nyi nga ningago vababe vawe.”

Jeremiya 24:6

Nyi na va khedza khu maho nya wuhindzi nyi va wuyisa tigoni momu; nyi na va tiyisa gima kha nyi na va pfhungumula, nyi va tsitsa, aholu gima kha nyi na va sigula.

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Jeremiya 3:17

Khu gikhati gyogyo, Jerusalema gu na ranwa Gikhalo nya wufumu wa Pfhumu Nungungulu; gu na ya tombana gwaye mayigo yatshavbo guya rungudza lina la Pfhumu Nungungulu, kha va na gira gambe iso si godwago khu gudzina nya myonyo yawe nya guvivbe.

Jeremiya 4:2

wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.

Jeremiya 48:47

Pfhumu Nungungulu a ngu ganela, khuye: Khu guhegisani, nyi na wuyisa vatshavbo va vbagedwego va na Mowabhi. Ogu khu gu hegisa nya gulamudwe ga Mowabhi.

Jeremiya 49:39

“Khu matshigu nya guhegise, nyi na wuyisa vale va vbagedwego va Elamo, a ngu ganela Pfhumu Nungungulu.”

Jeremiya 49:6

Aholu, khu hwane nya esi, nyi na wuyisa sanana sa Amoni, si yisidwego wugumbitunu, a ngu ganela Pfhumu Nungungulu.

Dhaniyeli 11:4

Gambe avbo a na gu dzipwago na tiyide gwadi, mufumo waye wu na pfhungumudwa wu kabaniswa khu sipandre sina sa ndzadzini. Kha wu na thaphela ga situgulwana saye, ni mufumo wakone kha wu na nga mana tshivba nga guhegulani, kholu wu na sigudwa wu ningedwa vambe.

Amosi 9:14

Nyi na wuyisa vathu vangu va na Israyeli khu wugumbitunu, va ta vbahedza marumbi nya madhoropa yawe, va khala umo. Va na yala miuvha, va sela vhinya yaye, va yala misimbo, va hodza mihandro yakone.

Mitengo 32:18

Ethu kha hi na wuya gambe magaya gwathu, moyo ni moyo wa na Israyeli na si gu hakhi thomba yaye.

Mithumo 15:16

‘Khu hwane nya esi nyi na wuya nyi ta wusedza tshatsha wa Dhavhidhe wu thegidego nyi na vbahedza marumbi yawe, nyi va emisa,

Dhewuteronome 3:20

kala Pfhumu Nungungulu kala Pfhumu Nungungulu a ninga vandriyanu guhefemula nya nga ogu a mi ningidego enu; kala avo navo va dzege litigo eli Pfhumu Nungungulu wanu, a na gu va ninga la khisikheyi nya tsongo wa Joridhani; khavbo moyo ni moyo a na bwelela ga thomba yaye nyi mu ningidego.

Dhewuteronome 30:3

khavbo, Pfhumu Nungungulu wago, a na gu wuyisago khu wugumbitunu, a gu pwela gisiro, a gu tombanisa nyaluphye khu ga mayigo ayo a nga bani a gu phalalegisede umo Pfhumu Nungungulu wago.